Kur është shënuar viktima e katërt në Shqipëri nga koronavirus, bëhet gjithnjë e me shumë e domosdoshme për të kuptuar se lufta me armik të padukshëm është e vështirë dhe kërkon vigjilencë.
Në kuadër të masave të marra nga qeveria, artistët kanë lënë punën në ambientet e punës dhe po vijojnë misionin e tyre për të dhuruar art nëpërmjet shtëpisë.
Artistët e teatrit të operas kanë interpretuar nga shtëpia "Dua më shumë Shqipërinë", si një mesazh në emër të jetës, vijueshmërisë së saj, për familjen, veten, të afërmit, ata që janë në sherbim, për një të mesërme më të mirë.
Aktori i humorit Bes Kallaku gjatë ditëve të izolimit ka treguar me humor momente nga ditët e tij dhe familjes.
Në një postim në rrjetet sociale aktori tregon me humor "mungesën e kosit" në shtëpinë e tij dhe qëndrimin te frigoriferi më shumë herë sesa duhet.
Situata e vështirë e krijuar nga koronavirus në Shqipëri, 2 javë pas konfirmimit të rastit të parë me koronavirus nxit nevojën urgjente për të kuptuar pasojat fatale që ky virus mund t'i sjellë shoqërisë nëse përhapet masivisht.
Për të parandaluar këtë, shumica e njerezve janë ndërgjegjësuar për të qëndruar në shtëpi.
Mesazhe pafund sensibilizuese mjaft të vlefshme nga artistët kanë qarkulluar në rrjetet sociale, nëpërmjet fjalëve, këngëve etj.
Ndërkohë regjisorja Elma Doresi ka zgjedhur një mënyrë të vecantë për të përcjellë mesazhin për të qëndruar në shtëpi: me anë të gjuhes së shenjave!
Që të gjitha kategoritë e shoqërisë të jenë të ndërgjegjësuar, që të gjithë të jenë të mbrojtur në këtë betejë!
"Emri im eshte Elma. Une rri ne shtepi. Edhe ti, njesoj si une. Ju puth
Ps : Per ate qe nuk me njohin, kam punuar 5 vite me femijet qe nuk degjojne. Iu pergjigja pozitivisht dhe me shume dashuri kerkeses se @irena_orucaj per te thene ne gjuhen e shenjave #qendroneshtepi . #unlimited #iorestoacasa #lingua #segni #njerezit #qe #nuk #degjojne #judua #qendroneshtepi" shkruan regjisorja.
Kori i i Liceut Artistik “ Jordan Misja“ Tiranë ka ndërmarrë një nismë vërtet të veçantë duke na risjellë këtë prag pranvere këngën “Eja, eja lule borë”, e shkruar në vitin 1946 nga poeti shkodran Zef Pali dhe e kompozuar nga Simon Gjoni e që vijon të mbetet ndër këngët më të bukura shqiptare. Në drejtimin e Ermira Alliut të gjitha vajzat dërguan videot nga shtëpitë e tyre nga: Shkodra, Hasi, Rrësheni, Dibra, Lezha, Laçi, Fushë Kruja, Durrësi, Elbasani, Tirana, Lushnja, Fieri etj të cilat u sollën në një nga Mersa.
Regjisorja Klaudia Hila nga shtëpia e saj, ku këto ditë gjendet e vetizoluar për shkak të COVID-19, teksa bën apel që të qëndrojmë në shtëpi i sugjeron bashkisë që të mundësojë muzikë në disa pika në Tiranë
Kantautori i njohur Kujtim Prodani përmes këngës “Hej mik” u kërkon të gjithë shqiptarëve që të qëndrojnë në shtëpi, që mos të shkruajë më vargje të trishta.
At Viktor Demaj teksa bën apel që të qëndrojmë në shtëpi këtë periudhë të vështirë, e konsideron këtë moment të përshtatshëm, që të gjithë reflektojmë për vlerat e jetës sonë
Artisti Alban Nimani i grupit “Asgjë sikur dielli” këndon këngën “Disident” për miqtë e tij virtual. Këtë performancë të veçantë nga karantina ai e shoqëron me kitarë
Ish modeli Alesio Aliaj ka treguar përmes një lidhje skype në emisionin "Rreze Dielli" si po përjetohet koronavirus në Australi, ndërkohë që flet me krenari edhe për suksesin që po prekin atje këngëtarë shqiptarë si Ledri Vula.
Aliaj thotë se sot ishte dita e parë që shteti ka vendosur izolimin e njerëzve në shtëpi, ndërkohë që ka vendosur mbylljen e rreth 80% të bizneseve
"Sot dita e parë që është dhënë ultimatumi. Janë mbyllur 80% e bizneseve. Cdo gjë është anulluar. Hapur janë vetëm spitalet dhe dyqanet. Është situatë shumë e keqe. E kemi marrë si shaka, por nuk është shaka".
Si organizator i shumë koncerteve në Australi, Aliaj ka treguar se shumë prej tyre janë anuluar, si psh ai i këngëtarit Noizy, ndërkohë që me krenari flet edhe për suksesin e Ledri Vulës, që krahas suksesit në Shqipëri, po prek suksesin edhe në anën tjetër të globit.
"Kemi mbyllur me sukses një tur koncertesh me Ledri Vulën. Ka rezultuar i suksesshëm. Shumë prej këngëve të tij po luhen nga dj kur ka koncerte e nëpër diskoteka" shprehet ai.
Duke shpresuar që mesazhi i saj t'ju gjej të gjithëve mirë, këngetarja Eltina Minarolli shprëhet nëpërmjet një video selfie se duhet të qëndrojmë pozitive dhe të mos i humbim shpresat se do tja dalim mbanë edhe në këtë situatë.
Ajo tregon se ka mësuar ta shohë ndryshe jetën, të shohë dimensionet e saj, që në të përditshmen nuk i kishte vënë re.
Këngëtarja Mariza Ikonomi gjithashtu ka bërë thirrje që këtë moment të vështirë që po përjetojmë, ta kalojmë të gjithë së bashku duke ndjekur rregullat.
Duke qenë optimiste se kjo situatë do marrë fund, këngëtarja shprehet se shpejt do ti rikthehemi asaj që të gjithë shpresojmë më shumë:Jetës së përditshme
Në një video-selfie ndryshe nga të tjerat, jo nga toka por nga ajri, Alket Islami thotë jep mesazhin se ditë më të mira do të vijnë për shqiptarët, duke 'sfiduar' koronavirusin me atë që di të bëjë më mirë, sportet ekstreme
Komente
Lajme të tjera
-
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Shtrimet në spitale gjatë 2022 u shtuan me 8% pas pandemisë! Zemra dhe shëndeti mendor problemet kryesore
4 Maj 2023, 20:19
-
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11
Do lindin perseri ,,sic shkruhet ne. KURAN dhe. BIBEL .. ngaqe ka dy Ora..
Përgjigju