Një video që po bën xhiron e botës, tregon momentin kur presidenti amerikan, Barack Obama, fsheh unazën e tij, nga frika se ia vjedhin, gjatë takimit me një grup të rinjsh argjentinas.
 
Në filmimet e xhiruara shihet Presidenti, derisa heq unazën duke e vendosur në xhepin e xhaketës.
 
Raportohet se për një veprim të tillë u këshillua nga rojet e sigurisë.
 
Ky moment ndodhi gjatë vizitës së Obamas në lagjen La Boca të Buenos Aires. Veprimi i tillë i Presidentit amerikan u kritikua shumë.
 
“Ai e fshehu unazën e tij në xhep në mënyrë që të mos i vidhej kur t’i përshëndeste njerëzit”, shkruan një përdorues i Twitter.