Ofendoi tifozët e Maqedonisë së Veriut, Mirlind Daku kërkon falje publike: U rrëmbeva nga emocionet! UEFA nis hetimet

Sulmuesi i Kombëtares, Mirlind Daku ka kërkuar falje publike duke thënë se ishte nën efektin e emocioneve kur ofendoi tifozët e Maqedonisë së Veriut. Pas ndeshjes Kroaci 2-2 Shqipëri në Euro 2024, Daku mori megafonin dhe foli para Tifozave Kuq e Zi.

"Përshëndetje të gjithëve. Së pari dua të jem falenderues ndaj të gjithë atyre që na kanë përkrahur në momentet e mira dhe të vështira në Euro 2024. Si çdo futbollist, në ato momente emocionet janë në një nivel tjetër, ku vetëm brenda fushës mund të kuptohen, është e vështirë të përshkruash ndjenjën e të luajturit për këtë Kombëtare, për këta tifozë të mrekullueshëm që na japin dashni pa kufi, ashtu siç është dhe moto jonë, “Shqipëri dashni pa kufi”.

Ndjesë nëse kam fyer dikë pas ndeshjes me Kroacinë, afekti i lojës e bën të vetën, unë vazhdoj të punoj së bashku me gjithë grupin rreth ëndrrave tona. Falja është burrërore, dhe e ndjej obligim moral dhe profesional ta bëj një gjë të tillë, për gjithë ata që janë lënduar. Me respekt, Mirlind Daku", shkruan Daku. Për këtë rast UEFA ka nisur hetimet.

LEXO EDHE:
Euro 2024/ Rraklli dhe Baku parashikojnë në 'Përballje', fitore 2-1 ndaj Spanjës: Kombëtarja të jetë më agresive, të mos kenë respekt për kundërshtarin

 

Lajmi kryesor:

Thirrjet nacionaliste, UEFA heton Mirlind Dakun, FSHF-në dhe Federatën kroate! Sulmuesi kërkon falje

S.DH/Shqiptarja.com

TAG:
• euro 2024
• Kombetarja shqiptare
• uefa