Falë ’Pa Gjurmë’ gjendet pas 9 muajve Arben Muça. Pasditen e kësaj të marte, Majlinda Zeneli nëna e 28-vjeçarit mëson në Report Tv se djali i saj ndodhet pas hekurave, pas arrestimit nga autoritetet serbe. I riu nga Saranda humbi gjurmët më 25 mars të këtij viti, ndërsa ishte nisur në rrugë tokësore nga Shqipëria drejt Gjermanisë. ’Pa Gjurmë’ zbuloi se Arbeni ishte ndaluar nga policia në kufi, pas konfliktit me një zyrtar serb. Aktualisht është duke kryer dënimin me tre vite, në burgun ‘Sremska Mitrovica’. Pas marjes së lajmit se i biri është gjallë, nëna nuk i fshehi dot lotët dhe falenderimet gjatë një lidhje live nga Londra. Ajo kishte bërë denoncimin në polici, ndërsa nuk kishte marr asnjë informacion, ndaj për këtë arsye iu drejtua emisionit investigativ ’Pa Gjurmë’ në Report nga ku pak ditë më parë bëri apel për ndihmë.
Odeta Dume: Ne menjëherë, sapo ju denoncuat humbjen e djalit tuaj kontaktuam me Ambasadën Shqiptare në Beograd me dyshimin, se ai mund të jetë ndaluar nga policia atje.Sakaq, na ka ardhur një përgjigje zyrtare nga Ambasada jonë në Beograd, ndaj dua t’ju them se ne djalin tuaj e kemi gjetur dhe ndodhet në një burg të Serbisë.
Majlinda Zeneli: (Qan) Faleminderit shumë, fal Zotit nuk i ka ndodhur diçka e keqe. E dyshoja që mund të kishte përfundur në burg, kisha besim që do më jepnit lajme për djalin. Ju lutem si të lidhem më tim bir?
Ky lajm konfirmohet zyrtarisht edhe nga Ambasada Shqiptare në Serbi, e cila nuk nguroi të japë detaje mbi rastin, përmes një lidhje te dretpërdrejtë nga Beogradi me konsullin shqiptar Idlir Kaba. Ai sqaroi live nënës sesi mund të kontaktojë me të birin.
’Për rastin e z.Muça, ne jemi vënë ne lëvizje menjëherë. Ai aktualisht po kryen dënimin me tre vite heqje lirie, në institucionin e vuajtjes së dënimit në ‘Sremska Mitrovica’, Serbi. Autoritetet serbe kanë njoftuar fillimisht Ambasadën, më datë 06.04.2022, për ndalimin e z. Muça dhe vendosjen në paraburgim për 30 ditë (30 mars-29 prill 2022), me urdhër gjykate, me dyshimin e veprës penale së goditjes së një zyrtari. Për vendimin përfundimtar të z. Muça nuk kemi marrë njoftim nga autoritetet serbe edhe pas interesimit tonë, pasi z. Muça ka shprehur dëshirën për të mos pasur kontakte me Ambasadën. Znj. Zeneli, me qëllim të respektimit të dëshirës së z. Muça për mospasje kontakti me Ambasadën, mund të lidhet me burgun në ’Sremska Mitrovica’, ne do i vendosim në dispozicion një numër telefoni’.
Arbeni ka pasur një jetë të trazuar me shumë problematika. Ai ka jetuar sa në një vend europian në tjetrin. Prej vitit 1998 kur në moshën 4 vjeçare bashkë me nënën dhe motrën emigruan drejt Anglisë, pas divorcit të prindërve. Ai u rrit në Brighton, ndërsa është babai i dy vajzave nga martesat e mëparshme me shtetase të huaja. Për shkak të problemeve të ndryshme, që ai ka patur me autoritetet Britanike dhe Gjermane është riatdhesuar disa herë të Shqipëri. Ndërsa kjo ishte tentativa e tij më e fundit drejt Gjermanisë, por që rezultoi e dështuar për të.
Emisioni i plotë
Komente
Lajme të tjera
-
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Lefter Nika zgjidhet kryetar i Partisë MEGA, parti e minoritetit grek në Shqipëri
23 Nëntor, 21:27
-
BOKS/ Alban Beqiri dhe Besian Karaj kampion të Ballkanit për peshat 67 dhe 71 kg, fitojnë mes Serbisë
23 Nëntor, 15:57 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Ekskluzive/ I vranë të birin, babai i Martin Canit flet për Report Tv pas protestës: E pabesueshme, falënderoj shqiptarët që ma lehtësojnë këtë dhimbje (VIDEO)
21 Nëntor, 16:16 -
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Serbi/ 11 të arrestuar, për shembjen e çatisë në stacionin e trenit në Novi Sad që vrau 15 persona
21 Nëntor, 13:56 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42
Mè 6 prill, njoftohet ambasada shqiptare pèr arrestimin nga serbèt. Se si trajtohen shqiptarèt nè kufi atje, èshtè njè temè tjetèr qè do ta zgjidhè ai "open ballkan" i krieministrit tonè, por le tè merremi ca me ambasadèn tonè. A shkoi dikush prej tyre tè interesohej pèr atè djalè shqiptar? A kishte pèrfaqèsim ligjor ai atje? A ia njoftuan familjen pèr gjèmèn e ndodhur? Pse e jèma e lajmèron tè zhdukur? Ja pèr kèto gjèra duhet tè ishin ambasadat shqiptare jashtè shtetit. Me çfarè lexojmè kètu, nuk ka vènè askush ujin nè zjarr pèr fatin e tè riut.
PërgjigjuHajde ambasade,hajde si punoni!Personi eshte zhdukur ne Mars.Ne Prill,serbet jane sjell korrekt dhe kane njoftuar Ambasaden shqiptare.Tani vertet qe i siperpermenduri nuk ka dashur te komunikoje me Ambasaden,po perse ju nuk bete detyren dhe te njoftonit familjen qe djalin e keni ne paraburgim,por nuk deshiron te komunikoje me ne? 9 muaj kjo nene eshte torturuar shpirterisht kot.
Përgjigju