Projektligji “Për fshirjen e detyrimeve tatimore dhe doganor”, nga i cili do të përfitojnë 202 mijë subjekte, dhe preken 2.1 miliardë euro borxhe të papaguara nga PD konsiderohet si rrugë për pastrim parash.

Po të njëjtin qëndrim kanë edhe për projektligjin “Për Marrëveshjen e Paqes Fiskale”, ku përfitues do të jenë bizneset e mëdha, me të ardhura bruto mbi 14 milionë lekë. Këto biznese mund të kërkojnë të lidhin një marrëveshje me administratën tatimore, për të përfituar lehtësime fiskale. Kjo marrëveshje nuk shkon më shumë se 3 vjet. Mbi fitimin e deklaruar të një biznesi këtë vit, do të shtohet një marzh 18% në 2026-ën, dhe çdo fitim që kalon pragun prej 18% do të tatohet me 5%.

“Minimalisht sektori i ndërtimit që është me risk të lartë duhet të përjashtohet nga marrëveshja e Paqes Fiskale. Po ashtu lejohet të korrigjohen pasqyrat financiare dhe të rriten deklarimet. Kjo është autostradë e pastrimit të parave dhe nuk i hyn gjemb në këmbë askujt. Kemi kërkuar 3 mijë bizneset që përfitojnë më shumë nxirri more bëjë publike”, tha Bozdo.

“Listën nuk e lejon ligji i procedurave tatimore” tha Sejdarasi.

“Populli do të dijë kush përfitojnë, kujt i janë falur 2 miliardë dollarë”, tha Bozdo.

“Rreziku për pastrimin e parave qëndron, por duhet parë sesi do ta menaxhojë administrata tatimore”, tha Çoçoli

“FMN dhe KE kanë rëndë dakord me skemën”, tha Sejdarasi

Letrën e kam këtu të FMN nuk është dakord ajo ta thotë në letër rrezikun e pastrimit të parave”, tha Bozdo.


Lajmi kryesor:

Pr/buxheti i 2026-ës 9.2 mld euro, deputeti i PD: Nuk është me këmbë në tokë, s’mbështet prodhimin vendas! Debat për pensionet