Receta

Pashaqofte, supa tradicionale e vjetër nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 26 Tetor 2023, 12:31 | Përditesimi: 26 Tetor 2023, 12:37

Supë me pashaqofte me oriz

Përbërësit:

Për pashaqoftet:

LEXO EDHE:
Gurabijet 5-lekëshe të nostalgjisë nga zonja Albana

500 gr mish të grirë
1 qepë
1 karrotë
1 vezë
¼ fç vaj ulliri
¼ fç oriz
Kopër, majdanoz
Kripë, piper

Për supën:

4 lgj vaj ulliri
1 karrotë
1 patate
1 presh
2 limona
1 lgj niseshte
2 vezë
Piper i freskët
Koper

Përgatitja:

Pasi kemi larë orizin, e kullojmë dhe e vendosim në një tas ku shtojmë mishin e grirë, karrotën e grirë në rende, qepën e grirë imët, majdanozin dhe koper të prera hollë pa bishta, një vezë, pak vaj, kripë dhe piper. E trazojmë mirë brumin e pashaqofteve derisa përbërësit të lidhen me njëri tjetrin dhe e lemë brumin të pushojë.

Ndërkohë fillojmë me përgatitjen e supës, kaurdisim preshin të prerë në feta të holla, karrotën dhe pataten të prerë në kubikë. Pasi perimet ndryshojnë pak ngjyrë shtojmë rreth 1 litër ujë dhe i lemë të ziejnë në temperaturë mesatare. E punojmë dhe njëherë brumin e qofteve me duar dhe fillojmë realizojmë qofte të vogla rrumbullake sa një kokërr arrë. Vendosim qoftet në tenxheren e supës. Shtrydhim lëngun e 2 limoneve dhe tresim 1 lugë niseshte. Ndajmë të verdhat e vezëve nga e bardha. Të bardhën e rrahim në marengë të lehtë dhe më pas shtojmë të verdhat dhe niseshten e tretur në lëngun e limonit. Marrrim pak lëng nga supa për të rregulluar temperaturën që vezët të mos priten dhe masën e përgatitur e shtojmë tek supa. Nuk e përziejmë me lugë, por luajmë tenxheren duke e kapur nga dorezat në mënyrë që të mos shpërbëhen pashaqoftet. E lemë supën të marrë valë në temperaturë mesatare derisa pashaqoftet të gatuhen plotësisht.

MC/Shqiptarja.com

TAG: