POP 5

Lajmet më të lexuara të 5 minutave të fundit

Politikë

Pasi i shkarkoi nga Kryesia, Basha heq mbështetësit e Berishës nga Komisionet Parlamentare! Depoziton kërkesën në Kuvend

Partia Demokratike depoziton në kuvend kërkesën për ndryshimin e kryetares së komisionit të shëndetësisë Albana Vokshi dhe disa sekretarëve. Bëhet  fjalë për deputetët që janë mbështetës të ish kryeministrit Berisha.

Pasi i shkarkoi nga Kryesia, Basha heq mbështetësit e Berishës nga Komisionet Parlamentare! Depoziton kërkesën në Kuvend

Kreu i PD-së, Lulzim Basha

TIRANË- Pasi i shkarkoi nga detyrat në parti, Lulzim Basha, ka ndërmarrë një tjetër vendim kundër mbështetësve të Sali Berishës. Report Tv mëson se Basha ka kërkuar edhe largimin e tyre si anëtarë të PD-së në komisionet Parlamentare.

Konkretisht mësohet se Partia Demokratike ka depozituar në kuvend kërkesën për ndryshimin e kryetares së komisionit të shëndetësisë Albana Vokshi dhe disa sekretarëve. Bëhet  fjalë për deputetët që janë mbështetës të ish-kryeministrit Berisha. Bëhet fjalë për Flamur Nokën (Komisioni i Sigurisë), Albana Vokshin (Kryetare e Komisionit të Sigurisë), Oerd Bylybashin (Komisioni i Ligjeve) dhe Belind Këlliçin (Komisioni i Integrimit), megjithatë pritet që të ketë një njoftim zyrtar, si edhe nuk dihen emrat e deputetëve që do t'i zëvendësojë. Lajmi është konfirmuar nga burime brenda Kuvendit për Report Tv, por pavarësisht kësaj, vetë Partia Demokratike nuk e konfirmon.

Në PD ka nisur një betejë e brendshme, ku deputetët janë ndarë në mbështetës të Lulzim Bashës i cili mban sot vulën e partisë, dhe në mbështetës të Sali Berishës, i cili pretendon të marrë partinë duke thënë se Lulzim Basha është shkarkuar në Kuvendin Kombëtar të 11 dhjetorit.

Distancime mes demokratëve ka pasur edhe fizikisht në “shtëpinë” e tyre, ku në seli pretendohet se janë ndryshuar bravat e dyerve në mënyrë që mbështetësit e Berishës tashmë të shkarkuar nga funksionet të mos mund të futen. Sakaq, janë ndërruar edhe bravat e degëve të selisë në Sarandë, Elbasan dhe Shkodër.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13