POP 5

Lajmet më të lexuara të 5 minutave të fundit

Politikë

PD: Qeveria i pagoi dje 500 mijë euro inceneratorit të Fierit, që nuk ekziston

Dorian Teliti nga selia e PD-së u shpreh se kryeministri në largim “kap ça t’kapësh” i pagoi dje 500 mijë euro inceneratorit që nuk ekziston në Fier.

TIRANE-Sot Lulzim Basha nuk u mjaftua vetëm me denoncimin që bëri nga Vora për inceneratorët, por nxori edhe shefin e tij të kabinetit. Dorian Teliti nga selia e PD-së u shpreh se kryeministri në largim “kap ça t’kapësh” i pagoi dje 500 mijë euro inceneratorit që nuk ekziston në Fier.

"Me Edi Ramën në krye të qeverisë, abuzimi me paratë e shqiptarëve nuk ka të ndalur. Gjithçka është për klientët, asgjë për qytetarët.

Inceneratorët janë modeli më korruptiv i kësaj qeverie. Janë shembulli sesi ata punojnë për të mbushur xhepat e tyre dhe të disa klientëve, me të cilët pasurohen.

Qeveria i ka paguar vetes dhe bandës së tij tek inceneratori i Fierit rreth 500 mijë euro vetëm dje. Janë gjysëm milioni euro për 5 njerëz, ndërkohë që për qytetarët nuk ka më asnjë ndihmë tjetër. Për vete marrin 500 mijë euro me një dorë, qytetarëve në ditën e tyre më të keqe i pagoi mesatarisht nga 10 euro dhe as nuk ka ndërmend të shtijë asnjë qindarkë më shumë.

Vendimi për të vazhduar pagesat miliona euro për inceneratorë që nuk ekzistojnë është kriminal.

Deri tani, për inceneratorët e Elbasanit, Fierit dhe Tiranës janë paguar 9.1 milionë euro nga taksat e shqiptarëve.

Çfarë përfitojnë qytetarët prej tyre? Asgjë!

E gjithë kjo vjedhje dhe abuzim po ndodh kur ekonomia është realisht në recesionin me te madh te 30 viteve te fundit, kur të ardhurat ne arken e shtetit janë në pikën e tyre më të ulët dhe kur borxhi publik vazhdon të rritet me ritme marramendëse.

Vetëm ditën e djeshme 1568 familje nuk patën mundësi të merrnin pagesën 40 mijë lekëshe, pasi paratë e tyre shkuan në xhepat e Inceneratorit të Fierit, duke e paguar këtë të fundit me 510 mijë euro nga paratë e taksapaguesve.

Duke i paguar vetes në një dorë gjysëm milioni euro për inceneratorin që nuk ekziston, qeveria ka marrë vulën e turpit të  “kap ça t’kapësh” disa muaj përpara largimit.

Edi Rama do të mbahet mend si kryeministri që theu çdo rekord për falimentimin e bizneseve, për mbylljen e dhjetëra mijëra vendeve të punës, si kryeministri që ka abuzuar miliona e miliona euro dhe pasuri të tjera, duke u rritur taksat shqiptarëve,

Me Edi Ramën ka vetëm varfërim, prandaj ne duhet ta ndryshojmë këtë gjendje për t’i dhënë vendit një qeveri që nuk punon për pasurimin e kryeministrit dhe të një grushti pushtetarësh, oligarkësh e kriminelësh, por për mirëqenien e shqiptarëve" tha ai.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hinglateri: 24/06/2020 20:55

    Edhe bufi pulave do ta kishte zili

    Përgjigju
  • robi: 24/06/2020 14:16

    Me ne fund kllufi i pd leshelis prifti pastor imzot Dorian Telit barkderri paska bere zbulimin e radhes , amin

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça