POP 5

Lajmet më të lexuara të 5 minutave të fundit

Politikë

PD reagim të 'moderuar' për Besnik Muçin dhe 'Venecian', sulm të drejtpërdrejt Dvoranit

"Ardian Dvorani e kaloi vetingun me ndërhyrje politike, edhe pse kishte miliona lekë pasuri të pajustifikuar".

PD reagim të 'moderuar' për Besnik Muçin dhe 'Venecian', sulm të drejtpërdrejt Dvoranit

TIRANË - Partia Demokratike distancohet nga rasti i Besnik Muçit, të cilin Kolegji i Posaçëm i Apelimit e përjashtoi sot nga sistemi i drejtësisë, teksa më herët pa e kaluar këtë shkallë të vettingut, presidenti Ilir Meta e kishte dekretuar si anëtar të Gjykatës Kushtetuese. Në një reagim për mediat, sekretari i Përgjithshëm i PD-së, Gazmend Bardhi thotë se PD nuk komenton vendimin e vettingut, i drejtë apo i padrejtë qoftë ai. Por shton se nxit "këdo prokuror dhe gjyqtar ta kërkojë të drejtën e tij në institucionet vendase dhe ndërkombëtare".

Sa i përket deklaratave të fundit nga ambasadorë të rëndësishëm në Shqipëri që ngërçi i krijuar në Kushtetuese (me dy gjyqtare për një pozicion) të gjejë zgjidhje në Komisionin e Venecias, Bardhi thotë se kjo do të ishte vetëm në shërbim të vonesës së bërjes funksionale të Gjykatës.

Në përfundim të deklaratës, Bardhi shpreh edhe qëndrimin e PD-së për kreun e Këshillit të Emërimeve në Drejtësi, Ardian Dvorani, të cilin presidenti Ilir Meta e ka kallëzuar për shpërdorim detyre në lidhje me procesin e zgjedhjes së anëtarëve të Gjykatës Kushtetues. "Ai e kaloi vetingun me ndërhyrje politike, edhe pse kishte miliona lekë pasuri të pajustifikuar", thotë Bardhi.​

Reagimi i plotë

Lidhur me debatin për Gjykatën Kushtetuese, rikonfirmojmë qëndrimin se Edi Rama po tenton të kapë e kontrollojë politikisht Gjykatën Kushtetuese. Kjo cënon besimin e qytetarëve tek Reforma në Drejtësi. Kjo është në kundërshtim me qëllimin madhor që kishte dhe duhet të ketë Reforma në Drejtësi, që të shkëpuste drejtësinë nga politika. Kjo bie ndesh me kërkesën e partnerëve tanë ndërkombëtarë për drejtësi të pavarur.

Ne mbështesim plotësisht qëndrimin institucional dhe kushtetues të Presidentit të Republikës për emërimet në Gjykatën Kushtetuese. Është provuar qartë dhe pa asnjë mëdyshje se Edi Rama kërkonte të vidhte një anëtar që i takonte ta emëronte Presidenti. Edi Rama shkeli Kushtetutën dhe ligjin, jo vetëm duke emëruar njëkohësisht dy anëtarë në Parlament, por mbi të gjitha, duke mos zbatuar kushtin kushtetues dhe ligjor që për çdo vend vakant duhet të kishte jo më pak se 3 kandidatë të vlefshëm. Nëse flasim për vendime në kundërshtim me Kushtetutën dhe ligjin, ato janë vendimet e emërimeve që ka bërë Parlamenti në kundërshtim të hapur me nenin 125 të Kushtetutës dhe pikën 5 të nenit 7/c të ligjit të Gjykatës Kushtetuese.

Lidhur me dërgimin e çështjes në Komisionin e Venecias, Partia Demokratike shpreh bindjen se për Shqipërinë dhe qytetarët e saj është me rëndësi themelore vënia në funksionim sa më parë e Gjykatës Kushtetuese.

Duke pasur në konsideratë se Komisioni i Venecias nuk jep vendime por opinione, e vetmja pasojë do të ishte vonesa e bërjes funksionale të Gjykatës Kushtetuese dhe hapja e një debati tjetër mbi lexime të kundërta të çfarëdo opinioni të Komisionit të Venecias nga palët.

Shqipëria nuk mund të vazhdojë të mbetet peng i këtyre debateve. Shqiptarët nuk meritojnë të mbeten për muaj të tjerë pa Gjykatë Kushtetuese. Për këtë arsye, vijimi i këtij debati vetëm sa shtyn bërjen funksionale të Gjykatës Kushtetuese, e zvarrit atë dhe pamundëson që Shqipëria të ketë Gjykatën Kushtetuese funksionale deri në fund të vitit. Sa më gjatë pa Gjykatë Kushtetuese, sa më gjatë me gjyqtarë nën presion, aq më shumë përfiton Rama me vendimet e paligjshme, aq më shumë mbetemi peng në rrugën tonë drejt Bashkimit Europian.

Lidhur me çështjen e z.Besnik Muçi pas vendimit të KPA-së, qëndrimi ynë është se Partia Demokratike nuk ka komentuar dhe nuk do të komentojë asnjë vendim të vetingut për përjashtim nga sistemi i drejtësisë, me të drejtë ose me të padrejtë. Ka një numër vendimesh për përjashtim të cilat, në pamje të parë, të japin perceptimin e një padrejtësie, por detyra jonë nuk është t’i komentojmë ato. Në këto raste, ne nxisim këdo prokuror dhe gjyqtar ta kërkojë të drejtën e tij në institucionet vendase dhe ndërkombëtare.

Nga ana tjetër, ne kemi denoncuar dhe do të denoncojmë me vendosmëri dhe forcë çdo rast, kur vetingu mban në sistem njerëz të korruptuar dhe të lidhur me krimin, siç është rasti i gjyqtarit Ardian Dvorani. Ai e kaloi vetingun me ndërhyrje politike, edhe pse kishte miliona lekë pasuri të pajustifikuar.​

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • GAZMEND ZIU: 22/11/2019 11:33

    Të dashur Shqiptar shikoni gazment ziun ky sdi të mbërthej xhaketën e tij gjëja më elementare. E jo më të bëj ky DERDIMEN politik.O pik e zez me tipa si gazment ziu.

    Përgjigju
  • O pallosh: 21/11/2019 23:33

    E ke mbërthyer xhaketën shtrembër

    Përgjigju
    • Bobi: 22/11/2019 07:54

      Ky duhet te mberthes sumen se nuk la kollodok pa provu ne PeDe.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28