TIRANE- Rreth 6.640 lekë të rinj në muaj do të marrë pension një person mbi 70 vjeç, që nuk ka mbushur vitet e duhura të punës. Ministria e Mirëqenies Sociale ka bërë publike shifrën e të ashtuquajturit pension social, që nis pas tre muajsh.
 
Pensioni social
Të gjithë të moshuarit mbi moshën 70 vjeç, mund të përfitojnë një pension social, pavarësisht se ata nuk plotësojnë kriteret që janë vendosur më parë. Reforma e re e pensioneve do tu jap mundësi të gjithë këtyre të moshuarve që të marrin një ndihmë mujore mbi 6 mijë lekë, e cila do të ndryshojë çdo vit në bazë të indeksimit të inflacionit në vend.