Përjashtimi Strakoshës, Jera: Disiplina determinante në sport, Panucci tashmë me eksperiencë

Shqipëria do të nisë të premten eliminatoret e Europianit ku shpreson të sigurojë kualifikimin për të përsëritur të paharrueshmen “Francë 2016”. Dy ndeshjet e para janë kundër Turqisë të premten në Shkodër dhe kundër Andorës tre ditë më pas në transfertë. Për “report TV”, ish-futbollisti i Kombëtares Fatbardh Jera, shprehet se Shqipëria i ka shanset dhe duhet t’i nisë me këmbën e mbarë eliminatoret.

“Një fillim i mbarë është gjysma e punës dhe duke u nisur nga eliminatoret që patëm në Ligën e Kombeve performanca jonë relativisht nuk ishte e mirë. Duke e krahasuar me atë periudhë jemi në një pozicion dhe një start tjetër për faktin se të gjithë lojtarët kanë minuta duke parë që janë aktivizuar me klubet e tyre.”

Për përjashtimin e Strakoshës dhe për deklaratën e Lenjanit se nuk vjen në kombëtare sa të jetë Panucci, Jera shprehet:

“Disiplina në sport është determinante dhe në këtë aspekt gjithmonë do t’i jepja të drejtë trajnerit. Gjithsesi këto dy mungesa nuk janë problem i madh pasi grupin skuadra e ka.”

Për vendimin e Panucci-t për të ndryshuar mënyrën e lojës Jera deklaron:

“Tani mendoj se është një trajner me eksperiencë pasi në fillim ishte i ri. Në këtë prizëm mënyra më e mirë është stili italian pasi katenaçon e kanë të tyre. Në fillim të mendojmë për mbrojtjen dhe më pas të shohim për të goditur kundërshtarin.”

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Fier, 36-vjeçar fut në makinë të renë me probleme të shëndetit mendor dhe e ngacmon seksualisht

Fier, 36-vjeçar fut në makinë të renë me probleme të shëndetit mendor dhe e ngacmon seksualisht