Plagosi me armë zjarri një person në shtator të vitit të kaluar, arrestohet 47-vjeçari në Lushnjë! Iu gjetën 9 celularë dhe 2 mijë euro

Plagosi me armë zjarri një person në shtator të vitit të kaluar, arrestohet 47-vjeçari në Lushnjë! Iu gjetën 9 celularë dhe 2 mijë euro

Në foto aparatet celularë dhe shuma e parave të sekuestruara

Një 47-vjeçar ka rënë në prangat e policisë ditën e sotme në Lushnjë, pasi ishte shpallur në kërkim për plagosjen e një personi në shtator të vitit të kaluar. Bëhet me dije se në pranga ka rënë Adriano Shabanaj, banues në Roskovec, i njohur edhe me ermin Ilir Shabanaj. Policia bën me dije se është shpallur në kërkim edhe një person, i identifikuar si  Irfan Azizi, 31 vjeç, i akuzuar për moskallëzim krimi.

Ngjarja u regjistrua më 13 shtator 2020, ku në aksin rrugor Kosovë e Vogël-Jeta e Re, Shabanaj plagosi me armë zjarri Mario Arapin.

Konflikti ndodhi për një parakalim ku u gërvishtën makinat e të plagosurit dhe autorëve. Kjo ka bërë që ata të dalin nga mjetet e tyre dhe të zihen, ku nga konflikti Adriano Shabanaj, nxori armën dhe qëlloi 31-vjeçarin.

Gjatë momentit të kapjes, 47-vjeçarit i janë gjetur dhe sekuestruar 9 aparate celularë dhe një shumë prej 2000 euro.

Gjykata e Shkallës së Parë Lushnjë, me vendimin e datës 11.06.2021, ka caktuar masat e sigurisë “Arrest me burg“, për veprat penale “Plagosje e rëndë me dashje" dhe "Mbajtje pa leje e armëve dhe municionit luftarak”, për shtetasin Shabanajn dhe për veprën penale “Moskallëzimi i krimit” për shtetasin Azizin.

Materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet