Si për inatin e Berishës, zëra të besueshëm thonë se “po kthehet Basha..”. Duket se kanë vendosur ta ndajnë në “cantone” Partinë Demokratike. Si të mos mjaftonte Saliu, tani po kthehet edhe Luli, për ti dhënë dorën e fundit shkatërrimit të asaj partie. Një forcë politike e “arrënuar”, që jo vetëm bashki nuk fiton, por me gjasë edhe në zgjedhjet e 2025 apo 2030, nuk do të arrijë të marrë as 50 per qind të deputetëve që ka sot në Parlament. Një kthim i Bashës në skenën politike (për inat të mullixhiut) aq më keq në drejtimin e punëve të PD që ka sot vulën, është një tjetër shkak që demokratët dhe mbështetësit e asaj partie të largohen.
Në zgjedhjet e 14 Majit, Partisë Demokratike i munguan mbi 240 mijë vota, dhe më shumë se kaq do ti mungojnë në 2025 apo 2030. Kthimi i Lulit, duket më tepër si një “nxehje gjakrash” mes dy kryetarëve. Luli, nuk mund t’ja lërë partinë as Berishës, dhe aq më keq as Tabakut, e cila ka nisur të marrë nga kolegët e saj antiberishë, reagimet e para negative dhe refuzuese. Partia Demokratike mbetet në udhëkryq politik. Mungesa e dëshirës për ta ribashkuar, apo riorganizuar sipas stilit perëndimor, po e ndan në ngastra atë forcë politike.
Ajo që po ndodh me atë parti, i ngjet një “konflikti civil” që ndodh rëndom sot në vendet e pazhvilluara. As Berisha dhe as Luli, nuk duan ribashkimin. As njëti dhe as tjetri, nuk e duan atë parti. E kanë përdorur për të mbushur xhepat dhe thasët me para, e kanë përdorur atë parti për të fuqizuar klanin dhe të afërmit e tyre, kanë bërë dhe vazhdojnë të bëjnë pazare nën emrin e saj. Kthimi i Lulit, duket si akti i fundit i betejës mes tij dhe ish-“babait” politik. Luli po rikthehet të “hakmerret”, apo thjesht të nxjerrë nga “shinat” Berishën?
Kjo mbetet për tu parë. Por e vërteta është se, as kthimi i Lulit dhe as kokëfortësia e Berishës, nuk do të mund ta ribashkojnë PD, dhe kurrë nuk do të mund ti japin asaj fitore në zgjedhjet e ardhshme. Mendoj se i mbetet anëtarësisë së mbetur të asaj partie, të refuzojnë me dinjitet dyshen Basha-Berisha, dhe ti thonë “JO” pazareve dhe skenareve të tyre që po shkatërrojnë nga themelet atë forcë politike. Militantët dhe anëtarësia e asaj partie, sot më shumë se kurrë, duhet ti tregojnë vendin aventurierëve që kanë mbajtur peng dhe shkatërruar PD me pazaret dhe skenaret e tyre, në dobi të interesave personale.
Kthimi i Lulit, i ngjet atyre filmave me “çuna lagjesh” kur luanin me top , që fillimisht zemëroheshin, dhe pastaj ktheheshin me kushtin të ishin ata “kapiten skuadre”.Të luash me fatet e një partie (për interesat e tua personale) që u themelua nga studentët idealistë të Dhjetorit ’90, tregon dobësinë e anëtarësisë, mungesën e lirisë së fjalës dhe veprimit, shtypjen e demokracisë së brëndshme. Vetëm refuzimi dhe largimi përfundimtar i Bashës dhe Berishës nga anëtarësia e asaj partie, do ti japë “frymëmarrjen” e duhur asaj force politike. Ndryshe PD, është e destinuar të ketë fatin e firmave piramidale të 1996.
Komente
Lajme të tjera
-
Basha: Dënimi i Dakos pozitiv por i pamjaftueshëm, të hetohet për lidhjet me krimin e organizuar dhe blerjen e votave! Politika të ndahet nga krimi, luftë korrupsionit
25 Nëntor, 18:03 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Alban Daci: Më mirë vetëm se i keq shoqëruar
10 Nëntor, 22:19
-
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40
Po pse po kthehet ky kriminel ? Vodhi rrugen e kombit ,vrau 4 vete ne bulevard ,shiti detin , etj etj , lulushi nuk i hyn as dreqit ne pune jo te drejtoj pd duhet nje kryetar qe vertet e do vendin .nje opozite qe te sjelli alternativa jo fjale bpshe si te gjitje demokratet si gjeli i Peqinit ,si deputeti i Lushnjes ?alo ushnja ....
Përgjigju