Presidenti i Polonisë, Andrzej Duda gjatë takimit të Poznanit që po zhvillohet në vendin e tij kritikoi Bashkimin Evropian për shtyrjen e bisedimeve të anëtarësimit me Shqipërinë dhe Maqedoninë e Veriut dhe i bëri thirrje bllokut që t'iu ofrojë vendeve të Ballkanit një rrugë të qartë drejt anëtarësimit në BE. Ai tha se shteteve të Ballkanit nuk duhet t'iu kërkohet të marrin pjesë në një garë "ku nuk mund të shohin vijën e finishit". Duda tha se të dyja vendet kanë kaluar nëpër "reforma të vështira", për të përmirësuar shanset e tyre për anëtarësim në BE.
”Ballkani është, pikë së pari, një pjesë integrale e Europës, si gjeografikisht, ashtu edhe kulturalisht dhe historikisht. Pa integrimin e plotë të Ballkanit, së bashku me traditat e tyre të bukura dhe kulturën e larmirshme, Europa nuk do të jetë në gjendje kurrë të marrë frymë thellë. I them këto fjalë me ndërgjegjen e të qënit President i një vendi që ka përfituar shumë nga resurset zhvillimore të Bashkimit Europian, me dijeninë që këto resurse duhet të përdoren në të ardhmen edhe për të tjerët. Theksoj se Polonia është një vend që mbështet politikën e zgjerimit të Bashkimit Europian, sepse mbështet Europën e hapjes dhe solidaritetit, jo Europën e paragjykimeve të ndërsjellta, e të mbylljes nga interesa dhe frika të veçanta. Nuk është kjo Europa që duam.
Vetëm përpara pak kohësh në Tiranë, në kuadrin e samitit të Brdo-Brijunit, pata mundësinë të flisja me shumë nga liderat e rajonit. Të gjithë theksuan idenë që integrimi europian është sot vizioni më i rëndësishëm që bashkon të gjithë rajonin, e mungesa e këtij vizioni do të destabilizonte seriozisht Ballkanin. Si pjesë e komunitetit europian, ne jemi të detyruar të caktojmë një datë të qartë për integrimin. Do të përsëris këtu të njëjtat fjalë që thashë edhe në Samitin e Tiranës. Polonia nuk do të pranojë që vendet e rajonit të përfshihen në një vrapim, pa një vijë finishi në horizont. Inkurajoj këtë mesazh që të jetë një deklaratë e qartë e këtij Samiti të Poznanit.
E ardhmja e Ballkanit do përcaktojë suksesin e zhvillimit në tre drejtime: ekonomik, institucional dhe të sigurisë. Besoj se qëllimi që ky rajon ka, i njëjti qëllim që ka e gjithë BE-ja është: së pari, pasuria ekonomike, së dyti, rritja e cilësisë dhe forcimi i institucioneve shtetërore dhe, së treti, zhvillimi i sigurisë së qëndrueshme në këtë pjesë të Europës. Vendet e Europës Juglindore duhet të përfitojnë sa më shumë të munden nga kjo periudhë që i paraprin anëtarësimit. Ata duhet së pari të zbatojnë reformat e domosdoshme. Megjithatë ata nuk mund të lënë pas dore integrimin e vendit, që, duke marrë parasysh të shkuarën kaq të ndërlikuar, duhet të mbështetet në frymën e faljes dhe të përpjekjeve për mirëkuptim.
Mendoj që pajtimi mes Polonisë dhe Gjermanisë, që përmënda në fillim, mund të shërbejë si një shembull i mirë për tu ndjekur. Gjithsesi, ne, politikanët që përfaqësojmë Bashkimin Europian, duhet t’i tregojmë partnerëve në Ballkan solidaritetin e vërtetë, duke marrë vendimin politik për të zgjeruar bllokun" deklaroi ai. Muajin e kaluar, shtetet anëtare të BE-së e kanë shtyrë vendimin për hapjen ose jo të negociatave me Shqipërinë dhe Maqedoninë e Veriut deri në tetor, për shkak të hezitimeve të disa vendeve, përfshirë Francën dhe Holandën.
Lajme të tjera
-
‘Të lirohen menjëherë nga burgu’, presidenti i Polonisë fal dy ish anëtarët e burgosur të kabinetit qeveritar
23 Janar, 21:05 -
Polonia: NATO duhet të fillojë procedurën për anëtarësimin e Ukrainës
17 Janar, 13:03 -
Poloni, presidenti i jep shansin e parë për të formuar qeverinë kryeministrit aktual Morawiecki
6 Nëntor 2023, 22:24 -
Presidenti polak Duda: Dhuna në Lindjen e Mesme i sjell përfitim Rusisë dhe shton presionin e emigracionit ndaj BE-së
8 Tetor 2023, 22:55 -
Polonia dërgon avionë ushtarakë për të evakuuar qytetarët nga Izraeli
8 Tetor 2023, 18:22 -
Presidenti polak Duda: Ne nuk do dërgojmë armë të reja në Ukrainë, të vjetrat po
25 Shtator 2023, 11:26 -
Lufta/ Kundërshtari rus Kara-Murza është në izolim në Siberi! Polonia: Do të krijojmë korridore për tranzitin e grurit ukrainas
24 Shtator 2023, 15:59 -
Presidenti polak në Asamblenë e OKB-së: Do ishte mirë që Ukraina të kujtojë se merr ndihmë edhe nga ne
19 Shtator 2023, 22:59 -
Presidenti polak Duda: Polonia do të mbështesë sanksione të mëtejshme kundër Rusisë
18 Shtator 2023, 18:59 -
Presidenti polak në Tiranë: Asnjë dyshim që Shqipëria bëhet anëtare e BE shumë shpejt, jeni pararojë me reformat! Begaj: Të intensifikojmë bashkëpunimin
11 Maj 2023, 09:20 -
Presidenti i Polonisë vizitë dy ditore në Shqipëri, do pritet me ceremoni shtetërore nga Begaj (Axhenda)
7 Maj 2023, 11:57 -
Polonia do të dërgojë 4 avionë luftarakë 'MiG 29' në ndihmë të Ukrainës
16 Mars 2023, 20:50
