POP 5

Lajmet më të lexuara të 5 minutave të fundit

Ekonomi

“Pro amnistisë fiskale, kundër pastrimit te parave”, Enio Jaço: Drafti të konsultohet me Moneyval, Shqipëria është në listën gri

Dhoma Amerikane e Tregtisë e vlerëson amnistinë fiskale si një nismë pozitive në rast se shmanget pastrimi i parave. Presidenti i Dhomës Enio Jaço thotë për Report TV se duhet të nisë konsultimi me Moneyval pasi Shqipëria është futur në listën gri për pastrim parash.

Nismë e mirë por që duhet studiuar me kujdes. Kështu e sheh Dhoma Amerikane e Tregtisë amnistinë fiskale që pritet të zyrtarizohet këtë vit dhe që i hap rrugën legalizimit të parave të padeklaruara. Presidenti i Dhomës Enio Jaço thotë për Report TV, se përpara prezantimit të draftit duhet të ketë një konsultim intensiv me ndërkombëtarët, dhe duhet të krijohen mekanizma për të shmangur pastrimin e parave.

“Ne kemi dy -tre parime që janë shumë të rëndësishme. Në radhë të parë duhet të bëhet një konsultim i plotë me grupet e interesit, i cili për momentin mendoj se ka filluar. mendoj që është shumë e rëndësishme të konsultohet me partnerët ndërkombëtar pasi vitin e kaluar Shqipëria ka bërë disa hapa pas pasi u fut në listën gri nga Moneyval dhe është shumë e rëndësishme që të garantohet që të garantohen elementet që nuk do të kemi fenomen të pastrimit të parave”, thotë për Report TV, presidenti i Dhomës Amerikane të Tregtisë Enio Jaço.

Në rast se respektohen kriteret e lartëpërmendura, amnistia fiskale do të jetë një mundësi për të rritur ekonominë e vendit.

“Ne as nuk e mbështesim dhe as nuk jemi kundër në një farë mënyre nëse garantohen këto tre principe që sipas nesh, sidomos garantimi i mospastrimit të parave mund të ishte një nismë që do të sillte ndikim pozitiv në ekonomi”, shprehet Jaço .

Për formalizimin e parave dhe legalizimin e çdo pasurie të paregjistruar konsultime ka pasur edhe me Moneyval, e cila në muajin shkurt të këtij viti e klasifikoi Shqipërinë në listën gri si vend me nivel të lartë të pastrimit të parave. Drafti final do të bëhet publik në korrik, dhe amnistia do të zgjasë rreth 1 vit.

Bizneset dhe individët që kanë kapitale të padeklaruara, mund t’i legalizojnë duke paguar tatimin nga 5 deri në 10 për qind, në varësi të kohës së deklarimit.Me regjistrimin e pasurisë, detyrimet tatimore të subjekteve përfitues, konsiderohen të paguara rregullisht, nuk do gjobiten, nuk do ndiqen penalisht, dhe nuk do të kërkohet justifikimi i burimit të ardhurave.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bla bla bla: 30/06/2020 19:37

    Shqiperia duhet te ndjeke e zbatoje Politikat e saj SOVRANE.si shtet Sovran.. ,ne te mire te Zhvillimit e MbareVajtjes se Shtetit Shqiptar!

    Përgjigju
  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Lamtumira për Kadarenë/ Rama: Nën hijen e Nënë Tereza, Ismaili symbyllur ndihet i mbrojtur nga ata që s’e donin! Tregon dhe polemikat për varrin: Çmë panë sytë

Lamtumira për Kadarenë/ Rama: Nën hijen e Nënë Tereza, Ismaili symbyllur ndihet i mbrojtur nga ata që s’e donin! Tregon dhe polemikat për varrin: Çmë panë sytë

3 Korrik, 12:06