Procesi i Berlinit në fakt nuk është konsideruar asnjëherë një proces formal i bazuar ekskluzivisht në marrëveshje, por më së shumti është konsideruar si një nismë për të nxitur bashkëpunimin mes vendeve të Ballkanit nga njëra anë dhe ana tjetër përparimin e tyre të përbashkët drejt procesit për anëtarësim të plotë në BE!
Shqipëria është kthyer në qendër të politikave ndërkombëtare dhe për këtë nuk ka asnjë dyshim që me angazhimin OSBE, Këshillit të Sigurimit, UNICEF, por edhe në disa nisma të tjera. Sigurisht, protagonizmi i Kryeministrit Rama, ndonjëherë edhe i tepruar ka dhënë ndihmesën e tij. Sigurisht Kryeministri i Shqipërisë duke analizuar aksionet dhe energjinë e tij kryesisht në Politikën e Jashtme, mendoj se ka këtë moto: Shqipëria të angazhohet në çdo gjë, edhe në atë gjëra që nuk i takon, sesa të zgjedhe pasivitetin apo mbylljen! Në fakt edhe filmimi që Rama zgjodhi të transmetonte në prani të liderëve të Rajonit dhe BE kishte këtë mesazh: Ishim të izoluar e të mbyllur, tashmë jemi garantë dhe të hapur! Pozicioni aktual i Shqipërisë në Rajon dhe në nivel ndërkombëtar është pozitivë e sigurisht janë disa faktorë që e kanë bërë një gjë të tillë:
-Stabiliteti politik. Qëndrimi i gjatë i Ramës në pushtet ka sjellë të këqija shumë, por ka pasur edhe të mira, sepse i ka dhënë këtë të fundit kohë e mundësi të krijoi një linjë të politikës së jashtme, që me gjithë kritikat e ka një fizionomi karakteristike e personalizuar me ekstravagancën dhe protagonizmin e kryeministrit Rama!
-Shqipëria, tashmë pas thuajse 30 vitesh nga rrëzimi i Regjimit, ka investuar shumë në politikën e jashtme e sidomos edhe në çështjet e integrimit europian duke krijuar një eksperiencë të mirë edhe pse pa rezultate shumë domethënëse
-Megjithatë, faktori kryesor që Shqipëria ka një imazh të mirë ndërkombëtar dhe në BE është fakti se ajo ka qëndruar me të vërtetë një fakt stabiliteti, paqeje dhe të fqinjësisë së mirë duke u bërë kështu një ndër vendet e Rajonit që nuk ka krijuar probleme për ta ngarkuar edhe më shumë BE me sfida shtesë, përtej atyre që janë e duken të pashmangshme.
Pse Rama sot ishte komod dhe krenar në atë tryezë?
Sepse nga njëra anë kishte kryeministren e Serbisë që vazhdon të mos ketë lidhje me politikat e fqinjësisë së mirë dhe të parimet e BE për bashkëjetesën mes popujve. Po ashtu përballë kishte Kryeministrin e Greqisë, i cili gjatë kohës që shfaqej filmimi mbi të kaluarën e Shqipërisë, tregon interes minimal duke u marr më shumë me telefonin. Edhe ky i fundit në vend që të ishte mbështetje për Shqipërinë dhe vendet e tjera për të nxitur procesin e Berlinit, nuk ka kërkesë tjetër ndaj Shqipërisë, por mundësinë e “Betimit të Belerit”! A thua ky është problemi më i madh i Rajonit dhe Europës? A thua fati i anëtarësimit të vendeve të Ballkanit Perëndimor është i lidhur ngushtë me fatin nëse Beleri do të bëj betimin apo jo!
Diplomacia ka forma të ndryshme për tu lexuar, që nga fjalët, gjestet dhe po ashtu qëndrimet edhe fizike. Gjermania duke parë edhe fjalimin e tij Kancelarit Scholz sot, duket qartë që ka një afrimitet me Shqipërinë duke e kthyer këtë në një vend të preferuar jo vetëm për politikat europiane, por edhe për politikën dhe gjeopolitikën gjermane.
Greqia edhe pse vend anëtar mu duk i veçuar dhe i izoluar në kërkesat e saj që nuk kanë ndryshuar dhe janë po ato që kanë qenë që në fillimin e shekullit që lamë mbrapa. Po ashtu Serbia nga ana tjetër u paralajmëruar që të mos mbetet peng e të kaluarës dhe të gjejë gjuhën e pajtimit! Procesi i Berlinit është një sinjal shumë i mirë për të ardhmen e Shqipërisë, jo vetëm në Rajon, por edhe në BE!
Lajme të tjera
-
Frrok Çupi: Pse ka ngërç te fjalët 'Europa e Ballkanit'?
19 Tetor 2023, 09:41
-
Ben Andoni: BE konfuze me Gazën, ‘Paqja e të pasurve’, e ardhmja e shqiptarëve
18 Tetor 2023, 17:07
-
Ndoshta Samiti në Tiranë mund ta 'ndryshonte' opozitën
18 Tetor 2023, 15:42
-
VIDEO/ Pjesëmarrësit e Samitit të Procesit të Berlinit ‘nxitojnë’ të hapin picat ‘Rama’ gjatë drekës, u habitën nga ajo që gjetën brenda
18 Tetor 2023, 10:58 -
Rama i përqendruar te telefoni, Scholz ngatërron rrugën te shkallët e Kryeministrisë
18 Tetor 2023, 09:04 -
Procesi i Berlinit, çfarë u përfitua dhe mesazhet kryesore! BE 6 mld € Ballkanit Perëndimor, vetëm 2 mld janë grante
17 Tetor 2023, 21:11 -
Çfarë konsumuan liderët e BE-së në Tiranë? Shefi i kuzhinës zbulon detaje në Report Tv: Kisha një muaj që e studioja këtë drekë
17 Tetor 2023, 14:18 -
Rama, një aktor që i shfrytëzon të gjitha dhuntitë e veta
16 Tetor 2023, 22:56
-
Qëndrimi i ftohtë me Ramën, Kryeministrja e Serbisë: Nuk mund të jem e përzemërt me një njeri që kërkoi sanksione për Serbinë
16 Tetor 2023, 22:09 -
Ylli Pata: “Fantazmat” që riktheu Samiti europian i Tiranës
16 Tetor 2023, 21:43
-
Piramida përurohet në ditën e lindjes së Enver Hoxhës, Veliaj: Nga sot do i shërbejë gjeneratës së re dhe punëve të së ardhmes
16 Tetor 2023, 20:35 -
Samiti i Procesit të Berlinit, Rama: Historik, shpirti i ri për të ardhmen e rajonit në BE! Scholz: Kemi gabuar, jemi vonuar me zgjerimin! Von der Leyen: 2030? Procesi i bazuar në meritë
16 Tetor 2023, 18:37
