Studentët e Mjekësisë protestuan sot para Kuvendit duke kundërshtuar pr/ligjin e qeverisë e cila kushtëzon diplomimin me një punësim të detyruar aty ku e cakton shteti. Në të kundërt studentët që do të refuzojnë të firmosin marrëveshjen do tu duhet të paguajnë studimet me tarifat e reja që do të vendosen nga Këshilli i Ministrave.
Studentët e mjekësisë thonë se përmirësimi i kushteve është mjeti i duhur që mund ti mbajë në atdhe. Ata këmbëngulën se po studiojnë për të veshur bluzën e bardhë, e cila nuk ka ngjyra të tjera politike
“Unë nuk dua të largohem por nuk dua që punësimi im të jetë i detyruar aty ku do shteti. Po na merret peng Diploma. S’mund të jemi peng i shtetit dhe të duhet të shkojmë atje ku na caktojnë. Kjo do të thotë që kthehemi pas në kohë dhe nuk jemi më në demokraci” thotë një studente për Report TV.
Rrugëtimin e tyre në këmbë të nisur nga rektorati I mjekësisë drejt ministrisë së arsimit e ndryshuan në moment të fundit duke zgjedhur të përçojnë mesazhet e tyre para parlamentit, aty ku brenda muajit korrik projektligji pritet të marrë votat e deputetëve me procedurë të përshpejtuar.
Protesta krijoi trafik në rrugë, por drejtuesit e mjeteve gjetën mënyrën për të shprehur mbështetje për studentët.
Ata paralajmëruan bojkot të vitit akademik dhe padi në Gjykatën kushtetuese.
“Nëse shohim që ky pr/ligj do të bëhet ligj për 15 ditë jemi gati të shkojmë drejt bojkotit të vitit të ardhshëm. Nuk mund të jemj dakord për pengmarrjen. Po shkojmë para kuvendit pasi ata po marrin vendime pa na pyetur ne. Nuk pr/ligj nuk është diskutuar me ne.
Qëndrimin për rreth 5 orë në protestë e shfrytëzuan edhe për të mësuar pasi gjenden në sezon provimesh.
Studentët kërkuan fjalën në foltoren e kuvendit, ku pati debat mes studentëve por ata, studentët nuk arritën të futen brenda.
Qeveria ka ndërmarrë një nismë ligjore me të cilën thotë se ka qëllim plotësimin sa më parë të nevojave për mjekë që ka vendi si dhe në sigurimin e ofrimit te shërbimit shëndetësor për periudhat ne vijim. Sipas pr/ligjit studentëve aplikantë në Mjekësi, por dhe ata që janë në vijim të studimeve u ofrohet mundësia të firmosë një marrëveshje në bazë të së cilës ata duhet të punojnë në spitalet shqiptare për një periudhë 2 – 5 vjeçare pas diplomimit. Nëse ata pranojnë ta firmosin marrëveshjen do të përjashtohen nga tarifat e shkollimit gjatë gjithë studimit gjithashtu do të kenë dhe disa përfitime të tjera sociale.
Klikoni këtu për të mësuar: Çfarë parashikon pr/ligji dhe tre skenaret. Nga ai më pesimisti tek realisti dhe më optimisti nëse ky pr/ligj miratohet.
Studentët prej gati 1 ore po vijojnë protestën para Kuvendit duke kërkuar tërheqjen e pr/ligjit që kushtëzon studimin dhe diplominin e tyre
Ata thonë se nuk kanë kushte dhe mësojnë me fotokopje të materialeve 20 vite të vjetra. Në duar mbajnë pankarta ku shkruhet:
“Edhe Hipokrati po të ishte gjallë do të bënte gati letrat për në ambasadë”
“Eksod deputetësh? Rritje pagash me 87% ..
Eksod Mjekësh? Rritje pagash me 7 % “
“Nuk është prona jote diploma ime”
“Lirinë nuk e solla unë por as mes jush nuk e gjeta”
“Mos ndryshoni rregullat në mes të lojës”
Ata kërkojnë që njëri prej tyre të mbajë fjalim para Kuvendit për të shprehur kundërshtitë e tyre.
Kjo e sotmja është protesta e tretë e studentëve që kundërshtojnë këtë pr/ligj.
Studentët e mjekësisë po protestojnë para Kuvendit duke kërkuar anulimin e pr/ligjit që prek ata.
Me megafon në dorë një studente ngre zërin duke kërkuar që të anulohet vendimi.
Ti e ke të domosdoshme të krijosh kushte që mjekët të qëndrojnë. Nuk është strategji të mbash mjekët duke i mbajtur peng diplomën. Ne na mbajnë prindërit tanë, për taksat të përgjigjet shteti ku shkojnë.”
Studentët thërrasin “Poshtë Diktatura!
Pr.ligji është bërë objekt debati edhe në Kuvend.
Komente
Lajme të tjera
-
Punë me detyrim, studentët e mjekësisë: Ndryshimet e ligjit u bënë pa u konsultuar me ne! U injoruam për të dytën herë
2 Maj, 10:21 -
Jo më 5, por 3 vite punë me detyrim për mjekët e rinj! Qeveria gati projektligjin e ndryshuar për studentët e Mjekësisë! Punësim brenda 3 muajsh ose pagesë 80%
1 Maj, 17:03 -
Punë me detyrim pas diplomimit për studentët e Mjekësisë, Kushtetuesja: Afati 5-vjeçar nuk është proporcional, Kuvendi 3 muaj kohë të ndryshojë ligjin
25 Janar, 15:27 -
SPECIALE/ Beteja e (pa)përfunduar e studentëve të Mjekësisë
2 Janar, 12:27
-
Studentja e Mjekësisë për Report Tv: Nuk mund të detyrohemi të punojmë në Shqipëri, do luftojmë për kushte më të mira për mjekët
22 Dhjetor 2023, 20:57 -
Asambleja e PS në Tiranë, Rama: Vendim absurd pezullimi i ligjit për studentët e mjekësisë! Çatia e PS të zgjerohet! Zbresim borxhin në kufirin e 60%
24 Nëntor 2023, 17:46 -
5 vite punë me detyrim ose 2300 euro viti, Gjykata Kushtetuese pezullon ligjin për studentët e Mjekësisë
14 Nëntor 2023, 14:43 -
Bojkoti i ‘Mjekësisë’ jep efektet e para, studentët i kërkojnë dekanit sezon provimesh shtesë për të kapur kredite për kalimin në vitet pasardhëse
3 Nëntor 2023, 11:06
-
Studentët e Mjekësisë rikthehen pas 4-javësh në auditore: Morëm garanci nga rektori, do na mbështesë deri daljen e vendimit të Gjykatës Kushtetuese
30 Tetor 2023, 08:40
-
Kërkojnë anulimin e ligjit për mbajtjen 'peng' të diplomave, studentët e Mjekësisë të hënën takohen me rektorin Gjata
28 Tetor 2023, 22:23 -
‘Mjekësia’ një muaj bojkot! Studentët vijojnë protestën në zyrën e Rektoratit: Mos firmosni pa folur ‘Kushtetuta’
27 Tetor 2023, 10:07 -
‘Duam diplomat tona’, studentët e Mjekësisë sërish në protestë: Qeveria të tërhiqet nga ligji, vazhdojmë bojkotin
26 Tetor 2023, 09:11
Me interesantja ishte ajo studentja qe kishte hall vendin e emerimit.Nena ime ishte infermiere,por punoi 20 vjet ne zona te largeta ne kohen e Xhaxhit e me shume mungesa qe keta studente as qe mund t'i imagjinojne,po keshtu dhe shume mjeke.Duket qe keta duan te behen /jatroj/ vetem per V.I.P ne Shqiperi,t'u injektojne botox e t'u heqin rrudhat e dhjamin plakave e pleqve te ballsamosur te ekranit!
PërgjigjuKy vendim eshte shum i drejte sepse shteti paguan per shkollimin e tyre dhe te gjith ata qe nuk pranojne le te shkojne ne universitete private.
PërgjigjuTe rinj qe e kane mendjen si te pasurohen pa kontribuar per shkollimin e tyre Po qete te zotet lereni shkollen ne shqiperi dhe hajdeni ne perendim dhe shihni sa te zote te jeni ti mbroni shkollenjekesore Ne itali doktor behet femija i doktorit sepse ai ka para dhe e ndjek vete femijen Ne perendim po nuk punove si kamarjer naten dhe diten te vesh ne shkoll nuk e mbaron dote shkollen e lart prandaj djema e vajza ulni koken dhe sherbejini popullit sepse kan kontribuar per shkollat tuaja
PërgjigjuPo pse nuk shkoni studioni jashte dhe bini rehat, diplomohuni per mjekesi aty ku doni te punoni. Keta te mjekesise paskan hyre ne BE pa hyre akoma Shqiperia dhe pa u diplomuar. Mall i forte ne qarkullim, bravo cunat e Ekuadorit
PërgjigjuPaguani tarifen e plot dhe jeni te lir te shkoni kudo ne respekt te drejtave tuaja.Nese prisni qe studimet tju paguajm neve me taksat tona dhe pastaj te ikni neper bote,harrojeni.Sherbeni te pakten 5 vite ktu ku jeni shkolluar me pages minimale pastaj ne ***** vafshi
PërgjigjuKan surrat dhe bejn edhe betimin e Hipokratit, i cili u tregon ketyre se kujdesi ndaj njerezve vjen i pari. Pune e madhe fort se do braktisnj vitin. I kujt do jet demi? I juaji. Keni mare studime dhe praktika falas dhe me lug ne xheo doni te ikni. Jo more. Qekeni shum te zgjuar.
PërgjigjuSi të doni! Po nuk u pëlqen ka student të tjerë në radhë që ëndërrojnë të bëhen mjek dhe pranojnë kushtin e qeverisë për të punuar në shqipëri! Jeni të lirë...shokoni në privat!
PërgjigjuC'Jane keta "studente" qe ne valen e sezonit te provimeve ia kane ngene per protesta?! Mbeshtes detyrimin me ligj te tyre per te punuar 5 vjet ne sistemin shendetesor shqiptar e mandej te pajisen me diploma dhe te vijojne ne shtigje te reja. TUNG.
PërgjigjuLerini te ikin te laj menderet e gjermanit, mendjen te leku e kan ku duan ta dini per njerzit keta,
PërgjigjuJu Beni protesta SA te doni.esht e drejta juaj te protestoni.por NGA populli we vuan per mjek e kujdes shendetesor NUK keni perkrahje.sado legen esht Rama ketu I japin te drejte.te gjithe duan me te miren per veten.si Ju Si ne QE duan kujdes mjekesor.e drejta juaj mbaron atje Ku cenon te drejten e populli per nje kujdes SA me te mire shendetesor.e kjo pa mjek NUK behet.se SA mbeshtetje keni duket te pjesmarrja.po te kishit te drejte protesta do ishte si ajo e para ca viteve e studenteve Kur populli U DHA te drejte.per Ju snuk mbeshtetje me SA shof
Përgjigjujo nuk jeni kavie...eshte shume e thjeshte PAGUANI TAKSAT e duhura dhe ikni
PërgjigjuAhahahhaah o zot keta sjane ne terezi, duan dhe shkolle falas dhe pastaj te grisin bythen jashte, pse ku ka keshtu ...
PërgjigjuLe te shkojne te studiojne ku ju do qefi, por me leket e familjeve te tyre!!! Le te bojkotojne vitin akademik, politika do gjeje nje zgjidhje per popullin edhe pa keta, mund te humbasin te drejten e studimeve e ndoshta mund importohen edhe studente qe pranojne kushtet e kontrates 5 vjecare, kjo nga ana financiare mund te kushtoje me shume?? Patjeter, por taksapaguesit e shqiptaret e nevojshem per mjeke te rinj,nuk do te shantazhohen me nga keta lloj mjekesh te se ardhmes!!
Mire e keni ju Beni por keta merziten sepse kan hyre ne mjeksi pikerisht per te punuar ne Gjermani.Kujton ti se ketyre i kercet shume per kombin?!Bo Ata kan planet e tyre jashte shtetit,vetem diplomen pa lek duan.
Ju jeni ne universitet shteteror, duhet te ndiqni ato rregulla qe shteti ve. Hidhni nje sy e shikoni si funksjonojne universitetet ne Europe, jeni mesuar rrumpalle aty, e bija e ketij e i biri i atij. Shkoni tek privati dhe vendisni vete rregullat.
PërgjigjuCfare vlere kane politikat arsimore qe e lene nje vend pa mjek? Asnje vlere. Detyra e nje qeverie eshte te ndertoje politika qe rrisin kujdesin mjeksor te popullsise, sic veprohet ne fushat e bujqesise apo sigurise se vendit. Mos harrojme se arsimi universitar nuk eshte i detyrueshem.
Përgjigju