POP 5

Lajmet më të lexuara të 5 minutave të fundit

Kronikë

Atentati ndaj prokurorit Ndoja/ Gjenden gjurmë në dy palë syze në makinën e atentatorëve, drejt arrestimit autori i dytë

Disa minuta ndjekje nga pas fiksuar nga kamerat e sigurisë në autostradën Durrës-Tiranë si dhe dy palë syze të harruara në bordin e makinës së atentatorëve, kanë zbuluar përfshirjen e Redjan Rrajës si dhe një personi të dytë tashmë në prag të arrestimit.

Syzet dhe ndjekja e automjetit të prokurorit për disa minuta tradhtuan atentatorët të cilët më 1 nëntor 2019 hapën zjarr në mbikalimin e Shkozetit në drejtim të automjetit në të cilin udhëtonte prokurori Arjan Ndoja, Landi Muharremi dhe shoferi Andi Maloku.

Report Tv mëson se ekskluzivisht se nga gjurmët e gishtërinjëve të lëna mbi syze nuk është zbuluar vetëm Rrjedan Rraja por edhe një i njohuri i tij i shpallur në kërkim.

Në bordin e automjetit të braktisur nga atentatorët prokuroria ka mundur të sekuestrojë dy palë syze njëra me gjurmët e gishtërinjëve të Rrajës dhe tjetra me gjurmë tashmë të identifikuara të një tjetër personi në kërkim.

Këto prova sqaruan burime për ReportTv po analizohen së bashku me elementë të tjerë si analiza ADN-je, qeliza telefonike, deklarime, pyetje dëshmitarësh për të provuar skemën e organizimit të atentatit, personat e përfshirë, rolet e tyre dhe ata që shkrepën dy armët automatik.

Një ditë më parë gjykata e krimeve të rënda la në burg dentistin Redjan Rraja si person të dyshuar për përfshirjen në atentat, emrin e të cilit e zbuloi pas analizimit të gjurmëve në syzet në bordin e mjetit AA 342 LM.

Një tjetër provë në duart e hetuesve për zbardhjen e atentatit janë edhe pamjet filmike nga autostrada Durrës-Tiranë ku disa subjekte kanë fiksuar teksa Mercedezi rri nga pas Fuoristradës ku udhëtonte prokurori Ndoja dhe dy të plagosurit e tjerë.

Pista kryesore e hetuesve deri në këto momente është ajo e një ekzekutimi me pagesë nga persona të cilët kanë patur konflikte me prokurorin Ndoja e Ladi Muharremin, ndërsa rezulton se i arrestuari Rraja s'ka një konflikt të dokumentuar me personat e plagosur në atentat.

Rendit zhvillimet sipas orarit:
Ora 20:50
Me elektrik dore në errësirë totale/ Momenti kur grupi i hetimit nxjerr dosjet nga makina e prokurorit Ndoja- VIDEO

Ditën e atentatit, në makinën e prokurorit Arjan Ndoja janë gjetur disa dosje. Në videon që Shqiptarja.com disponon shihet teksa grupi i hetimit nxjerr nga makina të gjitha dosjet, të cilat Ndoja pretendon se i përkasin studios ligjore që ai drejton. Dosjet janë nxjerrë pak orë pas atentatit, i cili ndodhi në 16:30 të së premtes në 1 nëntor, e ndërsa nuk ka ende një qëndrim zyrtar mbi përmbajtjen e tyre.

“Unë prej kohësh drejtoj një studio ligjore, ku ofroj dhe konsulencë ligjore për çështje të ndryshme. Ndër to janë disa çështje që lidhen me pronat, por edhe çështje penale për të cilat unë jam njohës dhe sugjerues. Shpresoj që prokuroria të tregohet objektive në hetim, pasi këto janë gjëra të ditura dhe unë nuk kam shkelur asnjë ligj apo të drejtë”, tha Ndoja pak ditë pas atentatit. 

Siç raportoi në herët Report Tv, në mjetin e Ndojas u gjetën 3 dosje, ku dyshimet janë se bëhet fjalë për dokumente që u grabitën nga Prokuroria e Durrësit në maj të vitit 2018 nga autor ende të paidentifikuar që kishin të bënin me pronat, mes të cilave edhe ajo e abuzimit me pronat dhe plazhet publike në Ishëm dhe te Gjiri i Lalzit. Ndoja e mohoi një gjë të tillë, megjithatë pritet që të zbardhet në hetimet e mëtejshme të prokurorisë për këtë çështje.

B.K./Shqiptarja.com

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • LINI: 08/11/2019 01:19

    ORE arrestoni kete NDOJEN,,,,SA ME PARE ,,..SE KUSHEDI SE C'FARE PROBLEMESH DO KRIJOJE PRAPE KY TEK GJIRI LALEZIT..

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu