Avokatët e humbën betejën për hartën e re gjyqësore edhe me Prokurorin e Përgjithshëm. ndërsa prej dy javës nga veriu në jug seancat gjyqësore janë bojkotuar nga mbrojtja, Olsian Çela, në një letër dërguar Ministrisë së Drejtësisë, jep dakordësinë e ndryshimeve të reja. Kryeprokurori e konsideron emergjent riorganizimin e gjykatave në vend.
"Në këtë vështrim, sipas kushtetutës dhe ligjit përfshihet dhe sistemi i prokurorisë, me ndikim në riorganizimin e prokurorive pranë gjykatave të shkallës së parë dhe prokurorisë pranë gjykatës së apelit me juridiksion të përgjithshëm sipas kompetencave tokësore të gjykatave, riorganizim të cilin e vlerësojmë si nevojë emergjente për përmirësimin e funksionalitetit, eficencës dhe efektivitetit në sistemin e prokurorisë", shkruhet në letër.
Ky vendim i kryeprokurorit vjen në një kohë kur shumë gjykata të vendit janë në kaos pasi avokatët po bojkotojnë seancat gjyqësore për shkak të hartës së re gjyqësore. Ndërkohë, Dhoma Kombëtare e Avokatisë, në mbledhjen e zhvilluar këtë të hënë, nuk mori vendim për vazhdimin e grevës, ndërsa pritet një tjetër mbledhje të mërkurën. DHKA i është drejtuar Ministrisë së Drejtësisë dhe Këshillit të Lartë Gjyqësor për të ulur të gjitha palët në tryezë për të gjetur një zgjidhje për çështjen. Komisioni i Ligjeve anuloi dëgjesën e parashikuar për sot me avokatët, pasi kërkoi kohë Këshilli i Lartë i Prokurorisë dhe Ministria e Financave
Kujtojmë se Ministri i Drejtësisë Ulsi Manja në një prononcim për Report Tv, është shprehur se bojkoti që po zhvillojnë avokatët kundër hartës së re gjyqësore është i papranueshëm, pasi po u mohojnë qytetarëve aksesin në drejtësi. Manja ‘këshilloi’ avokatët që të shohin rrugën e përballjes ligjore, pas miratimit të hartës së re gjyqësore, ndërsa shtoi se janë marrë në konsideratë sugjerimet e tyre.
13 gjykata të shkallës së parë, 2 gjykatë administrative dhe 1 gjykata apeli për të gjithë vendin. Ky është përfundimisht propozimi i Këshillit të Lartë Gjyqësor për hartën e re gjyqësore në vend pas muajsh konsultimesh me grupet e interesit. I vetmi ndryshim nga propozimi i kaluar është se është shtuar një gjykatë e shkallës së parë në Sarandë që me propozimin e kaluar ishte hequr. KLGJ ka miratuar draftin i cili tashmë pritet të kalojë për mendim në Këshillin e Ministrave, Këshillin e Lartë i Prokurorisë, Prokurorisë së Përgjithshme dhe Ministrisë së Financave. Me vendimin e ri shkrihen gjykatat në Tropojë, Krujë, Lushnje, Pogradec, Krujë, Mat, Përmet, Kurbin, Kavajë, Pukë.
Report Tv ka siguruar relacionin e Këshillit të Lartë Gjyqësor i cili shpjegon se për të arritur në draftin me 13 gjykata të shkallës së parë nga 22 dhe në një apel nga 6 që kishte më parë ata kanë marrë modelet, Daneze, Portugeze, Suedeze, Holandeze dhe modelin e Moldavisë.
Këshilli i Lartë i Prokurorisë është shprehur pro hartës së re gjyqësore të propozuar nga KLGJ dhe MD. KLP thotë se nesër do t’i përcillet zyrtarisht Ministrisë së Drejtësisë mendimi i tyre për hartën e re gjyqësore.
‘Këshilli i Lartë i Prokurorisë u shpreh sot pro hartës së re gjyqësore të propozuar nga KLGj-MD. Kjo hartë në mënyrën si do kompozohet, nuk bie ndesh me interesat e sistemit të prokurorisë i cili funksionon pranë gjykatave. Nesër mendimi i KLP-së do ti përcillet zyrtarisht Ministrisë së Drejtësisë. Edhe Prokurori i Përgjithshëm është shprehur pro këtij projekti. Tani pritet dhe mendimi i Ministrisë së Financave për të analizuar faturën financiare dhe projekti do ti kaloj për miratim Këshillit të Ministrave. KLGj-ja ka detyrimin ta rishohë në çdo 5 vjet hartën për tia përshtatur kompozimin e saj, interesave të sistemit gjyqësor. Prokuroritë e Apeleve që bashkohen në Tiranë, parashikohet ti nënshtrohen këtij procesi pas 6 muajsh, prokuroritë e shkallës së parë pas 9 muajsh, kohë kjo e mjaftueshme për të marrë masa organizative infrastrukturore nga Prokurori i Përgjithshëm dhe të kryhet transferimi i prokurorëve nga ana e KLP-së.’- njofton KLP.
Komente
Lajme të tjera
-
Vendimet e Qeverisë, Ismail Shehu lirohet nga detyra e anëtarit të Këshillit Drejtues të Agjencisë Shtetërore të Kadastrës, e zëvendëson Eduard Ahmeti
4 Dhjetor, 18:42 -
Kompensimi i ish-pronarëve ende larg! Duhen edhe 4 vite për mbi 5 mijë dosje në proces
4 Dhjetor, 15:49
-
Shtyhet kompensimi i pronarëve, drafti: Afati për shqyrtimin deri në 2027, për paratë deri 2028
3 Dhjetor, 07:48 -
Lufta ndaj korrupsionit e krimit/ Dumani: SPAK sekuestroi 150 mln € asete! Prokurorëve t’u jepet mundësia e rikandidimit! Rrisni pragun monetar, të hetojmë vetëm çështje të vështira
2 Dhjetor, 15:29 -
Buxheti 2025 drejt Parlamentit! Para shtesë për 21 institucione, shtohen shpenzimet me 23 mln euro! KQZ-së i japin 690 mln lekë shtesë për zgjedhje
27 Nëntor, 17:10
-
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Ministria e Drejtësisë certifikon 97 studentë të Klinikave të Ligjit, Manja: Qëllim rritja e aksesit në drejtësi dhe përgatitja e një brezi profesionistësh
25 Nëntor, 16:44 -
SKEDA/ Operacioni i SPAK, kush është Taulant Tafa, gjyqtarit që iu kontrollua banesa! Dy vite më parë i uli dënimin Arben Grorit
25 Nëntor, 14:08 -
KLGJ miraton listën e 12 kandidatëve që do të ndjekin Shkollën e Magjistraturës
20 Nëntor, 18:32 -
Manja: Buxheti i Ministrisë së Drejtësisë është 14.3 mld lekë, rritje fondesh e pagash! Paraburgim i ri në Kukës dhe uniforma për stafin e Burgjeve
18 Nëntor, 16:42 -
Godinë me qira për Gjykatën e Apelit, KLGJ kërkon 30 milionë euro shtesë! PD: Ju kemi llastuar! Kryetari Rusi: S'po bëj kërkesa luksi
15 Nëntor, 12:53
olsian legeni...ik o gjytyrym se je katandis si pupac ne dore te pushtetit !!!
PërgjigjuPo bishtalec po te fala pjeshkes ????