Ka nisur në Tiranë protesta e 38-të kundër qeverisë dhe aktorëve kryesorë politikë në vend. Si çdo ditë, qytetarët u mblodhën në sheshin "Skënderbej" për të marshuar më pas drejt Kryeministrisë.

lajm në përditësim...

Rendit zhvillimet sipas orarit:
Ora 20:28
Reduktim numrash në protestën te kryeministria, Balla: Ju thashë që po latë Saliun, Shehajn e Lapajt, do përfundoni si dasmë lagjeje

Foto e publikuar nga Taulant Balla

Kreu i grupit parlamentar të PS Taulant Balla ka publikuar një foto nga protesta përpara kryeministrisë, ku pjesëmarrja dukshëm është më e ulët. Si ‘shkaktar’ për numrin e ulët, Balla ka bërë prezencën e opozitarëve, Sali Berisha, Agron Shehaj e Adriatik Lapajt.

“Ju thashë po latë Saliun, me kone shehajn, lapajn dhe qorrin do përfundoni në dasëm lagjeje, s’më besuat”, shkruan Balla.

K.B/Shqiptarja.com

Ora 20:24
Protestuesja Luçiana Kokaj: Qëndroni të bashkuar përtej ndasive të vogla, mos përgojoni njerëz pa ditur të vërtetën

Protestuesja Luçiana Kokaj ka bërë thirrje nga foltorja e protestës që të gjithë qytetarët të qëndrojnë të bashkuar. Ndër të tjera, ajo tha se askush nuk duhet të ndikohet nga thashethemet dhe sulmet që u bëhen personave të ndryshëm.

“Kam një mesazh për ata që mbështesin protestën, të qëndrojmë të bashkuar përtej ndasive të vogla që mund të kemi. Secili mund të ketë ndonjë defekt, ndaj ju bëj thirrje të gjithëve të qëndrojmë të bashkuar dhe të vijojmë protestën. Patjetër jam shumë falënderuese dhe besoj të gjithë bashkë jemi falënderues ndaj atyre që bëjnë një punë fantastike duke shpërndarë protestën, por mos përgojoni njerëz pa ditur të vërtetën”, tha Luçiana Kokaj.

K.B/Shqiptarja.com