Ethet e garës elektorale me programe miliona euroshe dhe me oferta financiare tanimë janë të prekshme. Socialistët në kërkim të mandatit të katërt ofertën e tyre ekonomike do ta përqendrojnë në paga dhe pensione.
‘Shqipëria 2030’ do ta gjejë Shqipërinë me pension minimal 200 euro premton PS, gati 2-fishim i atij që është sot prej 100 euro. Pension minimal konsiderohet pensioni social që e marrin të gjithë ata qytetarë që mbushin moshën 70 vjeç dhe nuk kanë plotësuar as 15 vite punë.
Me reformën e re të skemës së pensioneve socialistët synojnë të rrisin ndjeshëm edhe pensionin mesatar që sot përllogaritet në 175 euro. Aktualisht Shqipëria ka 721 mijë pensionistë, ku mbi 604 mijë janë me pensione pleqërie.
Me ambicien për rritje të qëndrueshme ekonomike në afro 4% gjatë këtij 5 vjeçari, me pritshmëritë për fluks turistësh e investimesh qeveria në programin e saj premton pagë mesatare 1000 euro në vitin 2030, nga 850 euro që është aktualisht. Kurse paga mesatare në sektorin publik nga 1000 euro sot do të rritet në 1300 euro në vitin 2030.
Paralelisht me rritjen e pagës mesatare, synohet tkurrje me 2.8% e papunësisë në vend. Nga 8.8% që u mbyll viti 2024, socialistët në programin e tyre presin ulje në 6%.
Të gjithë këto tregues të përmirësuar do të sjellin rritje të fortë të ardhurave për frymë, ku në ‘Programin Shqipëria 2030’ planifikohet që të ardhurat për banor të shkojnë në 15 mijë euro duke u 5-fishuar krahasuar me vitin 2013 dhe duke u rritur me gati 5000 euro krahasuar me vitin aktual, ku parashikimi është që ato të jenë 10.094 euro, një rritje me rreth 50%.
Sa i takon taksave, biznesi i vogël do të vijojë të jetë i përjashtuar nga TVSH e tatimi mbi fitimin, ndërsa ende mbetet për t’u parë nëse PS do të mbajë premtimin e dhënë më herët për një lehtësim të tatimit mbi pagat, kryesisht tek kategoria që paguan 23%.
Në planin sektorial, PS vjen përpara qytetarëve me programe të dedikuara për energjinë elektrike, për ujësjellës kanalizime dhe për skemën e rimbursimit të ilaçeve.
Tek energjia, për të cilën plani është që brenda 2030 vendi të jetë eksportues neto, fokusi do të jetë tek shtimi i parqeve fotovoltaike dhe eolike, pra diversifikimi i mëtejshëm i burimeve. Tek uji vijon premtimi i kahershëm për furnizim 24 orë, ndërsa në shëndetësi ballafaqimi bëhet me kosto për medikament, ku PS do të bëjë një panoramë sa ishin, sa janë dhe sa do të ulen çmimet e ilaçeve të rimbursueshme.
Programe të dedikuara do të ketë edhe për turizmin, bujqësinë, mbrojtjen si dhe për infrastrukturën rrugore, ajrore, hekurudhore e detare.
Komente
Lajme të tjera
-
‘Për tramin në Vlorë do na duhej Luli’/ Rama ironizon Bashën nga Vlora pas kërkesës së operatorit: E nisi tramin për ta çuar deri në Durrës, por e zuri gjumi dhe e la në Tiranë
23 Mars, 10:56 -
Ndreu në takimin e turoperatorët në Vlorë: Ato hotele që s’kanë stacione nuk do vendosin shezllone, Kryeministri ma përmend shpesh ‘njollën e policit’. Duhet forca e ligjit
23 Mars, 10:42 -
LIVE-'Bëni hile të madhe, në 2026 fund informalitetit në turizëm' Rama, turoperatorëve në Vlorë: Deklaroni vetë shfrytëzimin e dhomave, nëse s'doni inspektorët tek dera
23 Mars, 10:33 -
‘Damiani është kokëfortë, nuk është dakord me mua’/ Rama e mbyll takimin e Vlorës me batuta
23 Mars, 10:18 -
'Barazia para ligjit, një lëvizje tektonike/ Rama: Kjo është merita e PS-së në luftën kundër korrupsionit
23 Mars, 10:03 -
'Zemra mal'/ Rama nga Vlora: Takova 100 të rinj të FRPD, s’kanë lidhje me surratin e opozitës në Tiranë! Tolerancë zero për ata që sillen keq me demokratët
23 Mars, 09:55 -
“2 shtriga këmbëngulëse”, Rama kritika deputetëve të PS nga Vlora: Nuk u keni qëndruar pranë njerëzve
23 Mars, 09:51 -
‘I kemi dhënë Vlorës një ofertë të mirë’/ Rama prezanton kandidatët dhe nuk kursen lavdërimet për Çuçin: Është merita jote që hoqe ‘murin rrethues’
23 Mars, 09:35 -
Zgjedhjet e 11 majit/ Rama takon kandidatët në Vlorë: Bashkinë në vend ta mbështesin i vunë stërkëmbësha! Kritika deputetëve: PS s'duhet të jetë e 'dyerve të mbyllura'
23 Mars, 09:13 -
'Deti fle, po Vlora dhe ‘armiqtë' jo!' Rama takon 100 të rinj të FRPD-së së Vlorës, takon sot kandidatët dhe strukturat e PS-së, Shqiptarja.com zbardh axhendën
23 Mars, 07:38 -
Mero Baze: Pse Berisha po humbet qetësinë nga dueti komik Rama–Basha?
23 Mars, 07:15
-
Rama mbërrin që në mbrëmjen e sotme në Vlorë, nesër agjendë e ngjeshur takimesh me kandidatët në Lungomare dhe strukturat! Do inspektojë edhe Muzeun Hebraik
22 Mars, 22:20
Ate qe premton Saliu dmth, hajde fantazi hajde,sqenkan lodh fare.
PërgjigjuSuper premtim, tani do rriten çmimet pa filluar rritja me 5 fish!
PërgjigjuGjermanis
Përgjigjuas bufi se han ate kokerr ulliri, pas 4 vitesh sa do kene vdekur sa do jene ne moshe pensioni qe nuk e attijne dot kufirin dhe si rrjedhoje po aq do e kene pensionin, nuk eshte reforme eshte te shtyjme cte shtyjme nuk eshte investim eshte tallje
Përgjigju