POP 5

Lajmet më të lexuara të 5 minutave të fundit

Kronikë

Përplasja tek 'Petro Nini'/ Rikthehet në detyrë efektivja e Shqiponjave

Një ditë pasi i thanë se do të pezullohet nga detyra për shkak të përlasjeve të banorëve, policisë dhe përmbarimit tek ndërtesa te "Petro Nini", sot, efektivja e repartit Shqiponja që jeton në këtë banesë me një kalvar gjyqësor për pronësinë, ka marrë lajmin e mirë. I kanë komunukuar se do të rikthehet në punë. 

Përplasja tek 'Petro Nini'/ Rikthehet në detyrë efektivja e Shqiponjave

Efektivja e repartit Shqiponja Blerta Dervishi

Një ditë pasi i thanë se u pezullua nga detyra për shkak të përlasjeve të banorëve, policisë dhe përmbarimit tek ndërtesa te "Petro Nini", sot, efektivja e repartit Shqiponja që jeton në këtë banesë me një kalvar gjyqësor për pronësinë, ka marrë lajmin e mirë. I kanë komunukuar se do të rikthehet në punë. 

Dje, drejtuesit e policisë së Tiranë, i komunikuan gojarisht urdhrin e pezullimit me motivacionin se ka penguar punonjësit e policisë në ushtrimin e detyrës.

Por nisur edhe nga ndjeshmëria që prodhoi ky lajm, faktin që efektivja në shumë raste u mundua të qetësojë edhe situatat që mund të shpërthenin në dhunë mes banorëve dhe përmbarimit, sot drejtuesi i saj i ka komunikuar se Blerta Dervishi do të vijojë të jetë punonjëse e policisë pranë Repartit "Shqiponja" në Policinë e Tiranës.

Ajo banon bashkë me 14 persona të tjerë në ndërtesën tek 'Petro Nini', ndërsa dy ditë më parë Përmbarimi shkoi pranë tyre për t'i nxjerrë jashtë, pasi tokës ku është ndërtuar banesa i ka dalë pronari.

Blerta Dervishi dhe banorët e tjerë nuk pranuan të dalin nga banesa duke shkaktuar përplasje të forta me përmbaruesit. Skena të dhunshme që u bënë në sy të fëmijëve. Përmbarimi tentoi të hapë me dhunë derën e jashtme të banesës ndërsa pas saj gjendeshin familjarët duke mos e lejuar këtë veprim. Blerta Dervishi u filmua edhe një moment nga kamerat teksa i hoqi nga dora njërit prej banorëve, një sëpatë që mbante në dorë pas portës së hekurit. Ka shmangur në çdo moment përshkallëzimin e situatës në dhunë.

Shqiptarja.com mëson më herët ajo i ka shkruar personalisht kryeministrit Edi Rama për t'i kërkuar zgjidhje për situatën, por ka marrë si përgjigje po të njëjtin qëndrim të shprehur dje nga kreu i ekzekutivit, që kjo nuk është përgjegjësi i tij, por e gjykatave.

Dy ditë më parë me urdhër të ministrit të Brendshëm Sandër Lleshaj, u lirua nga detyra edhe drejtori i Policisë së Tiranës, Kastriot Skënderi ndërsa vendin e tij e mori përkohësisht zv.drejtori Dhimitraq Ziu. Ministri kritikoi efektivët për punë jo efikase.

 

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Miri Shkoder: 13/03/2019 11:52

    Dua ta falelenderoj perzermersisht Blerten dhe gjithe ato qe moren pjese ne ate shfaqje te turpshme dhe qe mbajten anen e njerezve te thjeshte te ktij populli, Ju falemnderit shume se na hapet mendjen dhe syte se te gjithe kta maskarenjte e politikes nje surrat kane si djathtas e majtas...Bravo juve dhe keni gjithe mbeshtetjen e njerezve te zakonshem e te ndershem te ketij vendi.

    Përgjigju
  • Petraqi: 13/03/2019 09:33

    I kane fajet grabitesit e pronave dhe kusuret i ha populli i mjere.

    Përgjigju
  • Erik: 13/03/2019 09:29

    E pritshme, pergezime!

    Përgjigju
  • Riflo: 13/03/2019 09:16

    Ku I Ka kredit e Buta bashkia, apo Ka mbush gjithe politikanet, prokuroret e gjygjtaret me kredit te pastresh, puuuu Ju qr, kjo vajze jep jeten per ne. Yyy Ju qr

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59