Në një vëzhgim të bërë në emisionin e mëngjesit "Shtypi i ditës dhe ju" me gazetarin Andi Kapxhiu njerëzit respektojnë oraret, qoftë ky për lëvizjen e këmbësore apo edhe të makina, por në pah del një tjetër problematikë. Në ato fashë orari ku lejohet lëvizja njerëzisht veçanërisht, nuk janë aspak të ndërgjegjësuar dhe nuk përdorin asnjë masë mbrojtëse.

Siç shihet nga kamerat e monitorimit të trafikut, njerëzit dynden në rrugë, ecin ngjitur me njëri-tjetrin duke mos respektuar distancën minimumi prej një metër, pa maska dhe pa doreza, e për pasojë shndërrohen në një rrezik serioz për përhapjen e këtij virusi që ka "pushtuar" botë. Pamjet e sjella nga kamerat e monitorimit të trafikut duken sikur janë shkëputur nga ditë feste, nuk i ngjajnë një dite normale. Më pas, pas orës 10:00, ku ndalohet qarkullimi i njerëzve, ka më pak lëvizje nga frika e ndëshkimeve. Njëjtë edhe për makinat, pas orë 08:00 ka shumë pak lëvzje, veçanërisht ato që kanë marrë një autorizim.

Qytetarët akoma nuk janë ndërgjegjësuar që këto dy fasha orari janë vendosur që njerëzit të kenë mundësi për të shkuar-ardhur në punë, apo për të bërë blerjet jetësore si ushqime apo ilaçi, me masa mbrojtëse që vendi të mos ketë një bilanc tragjik të viktimave dhe të infektuarve, si në shtet fqinje.


Lajmi kryesor:

COVID-19/ Shqiptarët respektojnë oraret, por ZERO ndërgjegjësim për distancën! Ecje në grup, pa maska e doreza (VIDEO)