COVID, Rama: Brenda marsit vaksinohet çdo mjek e infermier, pranë marrjes së dozave të tjera! Fatkeqësi e madhe helmi që prodhohet pa turp

Kryeministri Edi Rama është shumë optimist për procesin e vaksinimit kundër COVID. Me anë të një postimi në rrjete sociale ai shkruan se brenda marsit do jetë vaksinuar çdo mjek e infermier, si edhe do të vijohet me moshat mbi 80 vjeç.

Ndërkaq kreu i qeverisë theksoi se 140 shtete, mes tyre edhe disa në rajon, nuk kanë marrë asnjë dozë vaksine, ndërsa e quan fatkeqësi e madhe e këtij vendi helmi që prodhohet pa ndalim e as turp nga ana e opozitës.

“140 shtete, ndër të cilat edhe shtete të rajonit tonë, nuk kanë marrë ende asnjë doze vaksine, ndërkohë që ne vazhdojmë vaksinimin e bluzave të bardha dhe të të moshuarve në shtëpitë e kujdesit shtetëror, si edhe personelit në shërbim të tyre

LEXO EDHE:
“Mos u përpiq…”

Brenda marsit do jetë vaksinuar çdo mjek e infermier, si edhe do jemi duke vijuar vaksinimin e +80 vjeçarëve, ndërkohë që jemi optimistë për marrjen njëkohësisht të sasive të tjera për të rritur numrin e vaksinimeve

Fatkeqësi e madhe e këtij vendi helmi që prodhohet pa ndalim e as turp, nga ata që e bëjnë përditë e më të ndjeshme mungesën e një vaksine kundër tërbimit të njeriut. Vlorë, Fier”,  shkruan Rama.

Sot ka nisur vaksinimi antiCOVID për bluzat e bardha edhe në Fier. Më parë Rama ka qenë në Fier ku tha se spitali rajonal i Fierit, donacion ky i qeverisë turke, siç duket do të mbarojë afatit që ishte caktuar. Nga atje i është përgjigjur edhe presidentit Ilir Meta, i cili tha se vendi është në prag të katastrofës për shkak të situatës së COVID. Rama tha se të gjitha përpjekjet e tij janë për të rimarrë pushtetin, por s'do t'ia arrijë.

 

/Shqiptarja.com

TAG:
• edi rama
• koronavirusi ne shqiperi
• Vaksina anti Covid
• Vaksina Covid