ELBASAN - Kryeministri Edi Rama ka mbledhur ditën e sotme kabinetin qeveritar në një takim informal në Elbasan. Ky ishte takimi i parë i qeverisë për vitin 2019-të edhe pse informal. Burime për Report Tv bëjnë me dije se në këtë takim kanë qenë të pranishëm ministrat e shkarkuar nga Rama dhe ministrat e sapoemëruar pas Asamblesë Kombëtare socialiste të 28 dhjetorit 2018. I pari që u largua nga ky takim ishte ish-ministri i Financave, Arben Ahmetaj, ndërsa i fundit ishte ministri i Brendshëm, Sandër Lleshaj.
Tematikën e mbledhjes e bëri të ditur vetë kryeministri Edi Rama përmes një postimi në rrjetet sociale. Në fokus të takimit kanë qenë masat kundër korrupsionit, punësimi, zhvillimi i sipërmarrjes private si dhe rekrutimi i studentëve të shkëlqyer në administratën publike. Kjo e fundit ishte edhe një ndër pikat që Qeveria ka miratuar në "Paktin për Universitetin" e cila ka parashikon punësimin e 1000 studentëve ekselentë në administratën publike pa konkurs.
Nuk munguan në këtë takim edhe kryetari i grupit parlamentar të PS, Taulant Balla dhe kryeparlamentari Gramoz Ruçi. Teksa zhvillohej mbledhja e qeverisë, jashtë ambienteve një grup militantësh të PD protestuan duke ndezur tymuese dhe lëshuan thirrje kundër kryeministrit Edi Rama (Lexo këtu).
Mbledhja e qeverisë vjen një javë pas ndryshimeve në kabinetin qeveritar. (LEXO KËTU) Kryeministri Rama vendosi të ndryshojë 7 ministra dhe të kalojë në postin e zv.kryeministrit, deputetin socialist, Erion Braçe si dhe riktheu Ministrinë për Marrëdhëniet me Parlamentin ku u emërua ministre Elisa Spiropali.
Ka përfunduar mbledhja e qeverisë në Elbasan. Mbledhja e qeverisë nisi që prej orës 8:30 të mëngjesit të kësaj të shtune. Ky ishte takimi i parë për 2019, megjithëse mbetet një takim informal. I pari që u largua nga takimi ishte ish-ministri i Financave, Arben Ahmetaj, ndërsa ministri i fundit ishte ai i Brendshëm, Sandër Lleshaj. Në fokus të takimit kanë qenë prioritetet e qeverisë Rama 2 për vitin 2019.
Shpërndahen mbështetësit e Partisë Demokratike të cilët protestuan jashtë ambienteve ku zhvillohej mbledhja e qeverisë në Labinot të Elbasanit. Gjatë protestës ata ndezën tymuese dhe bënë thirrje kundër kryeministrit Edi Rama.
Kryeministri Edi Rama ka publikuar fotot e para nga mbledhja e kabinetit qeveritar në Elbasan. Mbledhja ka nisur që prej orës 10:00 ndërsa po disktutohet për punësimin, masat antikorrupsion, zhvillimi i biznesit si dhe rekrutimi i studentëve ekselentë në administratën publike. Siç duket edhe nga pamjet, Rama është në krah zv/kryeministrit të ri Erion Braçe dhe ministres së Mbrojtjes, Olta Xhaçka, ndërsa marrin pjesë edhe ministrat e larguar nga detyra gjatë mbledhjes së Asamblesë socialiste në 28 dhjetor të 2018-ës.
Mbledhja e Qeverisë sot në Labinot të Elbasanit
Kryeministri Edi Rama ka zbuluar detaje nga mbledhja informale e qeverisë në Elbasan. Kreu i qeverisë thekson se në fokus të kësaj mbledhje është rritja e punësimit, nxitja e sipërmarrjes vendase, masat antikorrupsion apo dhe rekrutimi në administratën publike i studentëve me nota 9-a dhe 10-ta. "Ditë diskutimi për sfidat e 2019 sektor për sektor; Në fokus rritja e punësimit dhe sipërmarrjes vendase; përmirësimi i mëtejshëm i infrastrukturës së shërbimeve publike; masat e reja Antikorrupsion dhe rekrutimi në administratë i të rinjve me 9-10", shkruan Rama në Twitter.
Postimi i kreut të qeverisë në Twitter
Punësimi i studentëve të shkëlqyer në administratën publike është edhe një prej vendimeve të marra nga qeveria në fund të 2018-ës si pjesë e "Paktit për Universitetin" (Lexo këtu), pas protestës studentore për 17 ditë më radhë në Tiranë dhe rrethe të cilët ngritën 8 kërkesa, ndër to uljen e tarifës së studimeve apo dhe për kushte më të mira në Universitet dhe konvikte. Ndërsa Qeveria u përgjigj me zero tarifa për ekselentët, fëmijët e familjeve në nevojë dhe me aftësi të kufizuara, përgjysmim për të gjithë studentët e tjerë, investimin 27 mln euro në konvikte, kurse anglishtje falas për studentët, bibliotekë online brenda marsit, përfaqësimin e studentëve në bordet e universitetit, transparencë me buxhetin apo dhe nisjen e punës për kartën e studentit (Dokumenti i plotë i paktit për Universitetin).
Një grup qytetarësh po protestojnë jashtë ambienteve ku po zhvillohet mbledhja informale e Qeverisë në Labinot të Elbasanit. Report Tv mëson se protestuesit janë simpatizantë të Partisë Demokratike. Ata kanë ndezur tymuese si dhe kanë bërë thirrje kundër kryeministrit Edi Rama. Në mesin e tyre ndodhet edhe deputeti demokrat, Luçiano Boçi.
Ka nisur mbledhja informale e Qeverisë në Labinot të Elbasanit. Në takim ka mbërritur kryeministri Edi Rama si dhe të gjithë ministrat e kabinetit qeveritar, përfshirë të rinjtë dhe të larguarit pas Asamblesë së 28 dhjetorit.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19
Nese e ke kuptuar ,e keqja me e madhe eshte korrupsioni ne cdo nivel, prandaj duhet ndryshim i tere drejtoreve e shefave , ata jane baza e korrupsionit. Kete detyre lere ta kryej Brace.
PërgjigjuSi mbledhja e cosa nostra duket jo si mbledhje qeverie.makinat secila kushton mbi 100 mije euro kurse njerezit s'kane buke te hane.turp qe vendimet e shtetit te merren neper hotele e restorante dhe jo ne institucione.mjere shqiperia ne duart e kujt ka rene.
Përgjigju