POP 5

Lajmet më të lexuara të 5 minutave të fundit

Arkiva

Raporti 2007, Sollaku: Ja pse
nuk ekstradojmë kriminelët

Komisioni pretendon se i ka nënshtruar hetimit 225 praktika të Interpol – Tiranës, të cilat kanë të bëjnë me shpalljen në kërkim ndërkombëtar të shtetasve shqiptarë, për krime të kryera jashtë territorit të Republikës së Shqipërisë.
Komisioni pretendon se i ka nënshtruar hetimit 225 praktika të Interpol – Tiranës, të cilat kanë të bëjnë me shpalljen në kërkim ndërkombëtar të shtetasve shqiptarë, për krime të kryera jashtë territorit të Republikës së Shqipërisë. Pretendohet se deri në shkurt 2006, kerkesat e arrestit provizor për qëllim ekstradimi, ZQK Interpol – Tirana ia përcillte Prokurorisë së Përgjithshme, e cila sipas Komisionit “... në shumë raste nuk nxjerr urdheer arresti provizor me pretekstin se nga autoritetet e vendit kërkues asnjëherë nuk vijnë në kohë materialet e kërkuara.” Kush e pengoi ZQK të Interpolit që praktikën t’ia dërgonte edhe Ministrisë së Drejtësisë? Vijmë tek pyetja tjetër: meqënëse pas shkurtit 2006 kjo praktikë ka ndryshuar, çfarë ka bërë Ministria e Drejtësisë me këto urdhëra arresti? A ka mundur të iniciojë ndonjë transferim të procedimit? Absolutisht asgjë, ndonëse gënjejnë veten dhe ata që i dëgjojnë sikur transferimi i procedimeve është diçka shumë e thjeshtë. Shtetasit shqiptarë nuk mund të ekstradohen në një shtet të huaj, në se me këtë shtet nuk ka një marrëveshje të tillë. Ky është një ndalim kushtetues. Po Ju citoj Kushtetutën, nenin 39.2:
“Ekstradimi mund të lejohet vetëm kur është parashikuar shprehimisht në marreveshjet ndërkombëtare në të cilat Republika e Shqiperisë është palë, dhe vetëm me vendim gjyqësor.” Sqaroj se marrëveshje dypalëshe të zbatueshme shteti shqiptar ka vetëm me SHBA-në, që nuk është lidhur nga Z. Rusmali, por nga Mbreti Zog I. Konventa Europiane e Ekstradimit është ratifikuar nga Republika e Shqipërisë. Gjatë depozitimit të instrumentit të ratifikimit, më 19.05.1998, pala shqiptare ka bërë këtë rezervë,duke deklaruar: “Përsa i përket paragrafit 1 të nenit 6, nënparagrafi “a”, pala shqiptare refuzon ekstradimin e shtetasve të saj, përveç rasteve kur ka marrëveshje ndërkombëtare në të cilat Shqipëria është palë kontraktuese.” Pra, shtetasit shqiptarë nuk mund te ekstradohen pa marrëveshje.Në raport nuk thuhet se në cilin vend të Evropës kanë kryer krime këta persona. Mbase nuk duan ta thonë, mbase nuk e dinë se 11 shtete evropiane nuk e kanë ratifikuar Konventën e Transferimit të Procedimeve Penale, madje një pjesë as e kanë nënshkruar. Ndër këto shtete po përmend: Italinë, Greqinë, Gjermaninë, Mbretërinë e Bashkuar, Belgjikën dhe Francën.
*Pjesë nga fjala e Prokurorit të Përgjithshëm para Kuvendit në 5 nëntor 2007, për komsionin e dytë hetimor ndaj Sollakut

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

15 Janar, 20:26