Raq Manushi, sportisti i njohur durrsak i viteve 1940-1950 ka ndërruar jetë 13 vjet më parë. Raqi është nga ata qytetarë që i mungojnë qytetit në çdo çast, jo vetëm për shkak të kontributit që ka dhënë për Durrësin, por mbi të gjitha për mirësinë, entusiazmin dhe fisnikërinë që i buronte nga çdo qelizë.
E pyes Xhein, djalin e tij të madh: Cilët ishin shokët e Raqit? Ngre supet: Raqi kishte shokë e miq pa fund. Atje ku ulej Raqi mblidheshin plot durrsakë dhe pavarsisht nga mosha dukej sikur ishin një tufë me djem të rinj.
Atleti dhe futbollisti
Sotiraq Manushi kishte mbetur njëlloj entuziast si në moshën 15-16-vjeçare, kur luante futboll me ekipin e Durrësit. Jo vetëm kaq, por si shumë bashkëmoshatarë të tij ai luante vaterpol, hidhej nga trampolina, vraponte në garat e shpejtësisë, madje shpallej edhe kampion i vendit, e sigurisht luante futboll, pasioni i tij i përjetshëm. Në vitin 1946 Raq Manushi ishte pjestar i ekipit tonë kombëtar të atletikës. Protagonisti ynë nuk mori pjesë në garat, për çështje teknike, por fanelën e Shqipërisë e veshi ashtu si dhe të 41 atletët shqiptarë të atij viti.
Eshtë pranë emrave atletësh të tillë si Belul Hatibi, Fehti Dizdari, Luigj Bojani, Vlash Koljaka, Sllave Llambi, Skender Begeja, Zisi Kondi, Zef Frania, Galip Sojli, të cilët për Shqipërinë e asokohe qenë ndër themeluesit e atletikës. Padyshim që Manushi është kombëtarasi më i ri i kësaj Shqipërie që daton 1946, e ndoshta edhe më i riu i krejt Ballkaniadës. Menjëherë pas luftës në moshën 16-vjeçare Raq Manushi bëhet n/kampion në 100 metra mbas të famshmit të kohës, Skender Begesë.
Nuk mbaron këtu. Në garat e 200 metrave kampioni i Shqipërisë është po 16-vjeçari i Durrësit, Sotiraq Manushi, në një duel elektrizues me të paharrueshmin Zef Laca, çka për mijërat e sportdashësve të Stadiumit Kombëtar përbënte një sensacion të padëgjuar. Shqipëria tek 16-vjeçari Raq Manushi, kishte kampionin e saj më të ri në histori.
Vetëm tre javë më vonë djaloshi Manushi bëhet pjesë e 11-shit të Teutës së Durrësit në rezultatin 0-0 me Vllazninë e Shkodrës.
Komente
Lajme të tjera
-
Gëzim Kabashi: Nuk ka më shumë se dashuria
17 Nëntor, 11:03
-
Gjergj Kastrioti në Horën e Arbëreshëve, vendoset 536 vjet pas themelimit të qytezës! Shqiptarët bëhen bashkë në përurimin e veprës së Gëzim Muriqit
3 Shtator, 08:53
-
'Turistë të përgjuar': Pushime nën syrin vigjilent të Sigurimit
12 Gusht, 18:04
-
Plazhi i Durrësit ku koha ka ndalur
12 Korrik, 14:03
-
Një sipërmarrës shqiptar, president i skuadrës arbëreshe ‘San Giorgio Piana’
12 Prill, 08:23
-
Historia/ Firdesi dhe Sabino, shuarja në pak ditë e çiftit më të bukur italo-shqiptar të Durrësit
20 Janar, 14:54
-
Sfidat e ruajtjes së gjuhës arbëreshe dhe standardi
20 Nëntor 2023, 18:51
-
Violinisti Daniel Vlashi çel sezonin koncertor të Orkestrës Simfonike me Mozart
16 Shtator 2023, 08:52
-
Historia ‘e heshtur’ e arumunëve të Durrësit
8 Shtator 2023, 18:46
-
Fshati i ‘Nuovo Cinema Paradiso’ këndon shqip në malin e Trëndafilave
3 Gusht 2023, 12:49
-
Pasardhësit e kapidanëve nga Ulqini mbajnë gjallë pasionin për detin
22 Maj 2023, 19:33
-
Si po transformet linja hekurudhore Durrës- Tiranë
14 Mars 2023, 11:42
Urime per skrimin. Ke harruar re vesh emrin e te ndjerit, Xhoxh Koci, emnleme e te rinjve te Durresit para clirimit, me te cin Raqi nuk ezhte ndare si ne femini dhe vjate persekutimit te tij ne komunizem. Av Ilia
Përgjigju