Të premten më 26 janar, komisioni i Reformës Zgjedhore nëpërmjet mbledhjes online, miratoi kalendarin e punimeve pasi fillimisht mbledhja fizike u pamundësua për shkak të pengesës së deputetëve të grupit Berisha-Bardhi.
Nëpërmjet një lidhje skype për “Studio Live” me gazetarin Arbër Hitaj në Report Tv, deputeti socialist Etjen Xhafa tha se deputetët të cilët tashmë po bllokojnë mbledhjen e komisionit, për 2 vite e gjysmë nuk folën asnjëherë për Reformën Zgjedhore, duke theksuar se duhet të heqin dorë nga këto veprime dhe të ulen në diskutime.
"Së pari, është domosdoshmëri të ulemi dhe të diskutojmë. Të gjitha zgjidhjet e mundshme do kenë të mirat dhe të këqijat e tyre. Është domosdoshmëri të mblidhemi me palët dhe të diskutojmë. Ky komision ka 2 vite e gjysmë që është ngritur. Një pjesë e opozitës që tashmë po e kundërshton, për 2 vite e gjysmë nuk ka folur fare”- tha Xhafaj.
Sa i takon propozimeve të ardhura nga kryedemokrati Lulzim Basha, Xhafaj tha se mes tyre vota e emigrantëve është një domosdoshmëri dhe një detyrim ndaj tyre.
“Tani duhet t’u ofrojmë shqiptarëve një alternativë të re, kjo nuk bëhet nëpërmjet bllokimeve. Vota e emigrantëve, ua kemi borxh dhe duhet t’ua japim këtë të drejtë dhe ta diskutojmë me të gjitha palët”- shtoi deputeti.
I pyetur nëse mënyra e votimit të emigrantëve duhet të jetë një zonë elektorale apo që vota e tyre të jetë e barabartë me atë të votuesve brenda vendit, Xhafaj u shpreh pro versionit të parë duke nënvizuar se ka funksionuar në vende të ndryshme të Europës.
“Unë jam për zonën elektorale. Mendoj se është zgjidhja që ka funksionuar kudo në Europë dhe në botë dhe është fillim shumë i mirë për ne. Mendoj se duhet t’u japim disa mandate emigrantëve shqiptarë. Në funksion të kësaj zone elektorale edhe ata të kenë mundësinë të sjellin kontributin e tyre këtu. Ky do të ishte opsioni më optimal”- sqaroi deputeti.
Mes të tjerash deputeti socialist foli edhe për vendimin e marrë nga Gjykata Kushtetuese që i dha dritën jeshile marrëveshjes së emigrantëve me Italinë. Xhafaj tha se pas miratimit të kësaj marrëveshje, qendra e strehimit të emigrantëve afrikanë në Gjadër të Lezhës do të jetë gati brenda 6 muajsh.
Deputeti socialist, Etjen Xhafaj duke komentuar vendimin e Gjykatës Kushtetuese që i hapi rrugë marrëveshjes me Italinë për emigrantët, tha se qendra e strehimit në Gjadër të Lezhës do të jetë gati brenda 6 mujorit të parë të vitit.
Në një lidhje skype për emisionin “Studio Live” me gazetarin Arbër Hitaj në Report Tv, Xhafaj tha se vendimi i Gjykatës Kushtetuese tregoi se nuk ka asnjë anti-kushtetutshmëri në marrëveshje me shtetin fqinj.
“Ashtu sic e kemi thënë edhe ne, nuk kemi dorëzuar asnjë të drejtë kushtetuese tek Italia. Kemi një tokë e cila është pronë ushtarake për përdorim të përkohshëm tek e cila do trajtohen emigrantë që kanë synim të shkojnë në Itali dhe pastaj do t’i kthehet prapë Shqipërisë.
Besoj se do jetë gati brenda 6 mujorit të parë të këtij viti. Ka një iniciativë që duhet të zhvillohet. Pastaj do të shikojmë sesi do të zhvillohet”- u shpreh deputeti.
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
Mblidhet Këshilli i Ministrave, miraton ndryshimet në buxhet! Miratohet fondi për voton e diasporës e bonusi i pranverës për pensionistët
19 Dhjetor, 21:42 -
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Diaspora nuk do paguajë për votën, burime për Report Tv: Qeveria fond rreth 5 mln euro KQZ-së për postën
19 Dhjetor, 12:26 -
Rama: Shumë shqiptarë në Gjermani po kërkojnë rimarrjen e shtetësisë, duhet angazhim! Marrëveshja me Greqinë për pensionet, e vështirë
19 Dhjetor, 10:07 -
A do votojë diaspora? Krashi në 'Repolitix': Patjetër që do bëhet! Pano Soko: PD-PS nuk kanë vullnetin ta zbatojnë! Daci: Përfiton vetëm mazhoranca
18 Dhjetor, 22:18 -
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
Alban Daci: Vota e shqiptarëve që jetojnë jashtë dhe politika si fenomen mosbesimi ndaj proceseve zgjedhore
18 Dhjetor, 14:11
-
Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët
18 Dhjetor, 12:40
