POP 5

Lajmet më të lexuara të 5 minutave të fundit

Politikë

Refuzimi i Cakajt nga Meta, Rama merr postin e ministrit të Jashtëm: S’kemi kohë të humbim

Kryeministri Edi Rama i ka dhënë zgjidhje ngërçit të krijuar me Presidentin pas refuzimit të Gent Cakajt. Kreu i qeverisë do të marrë përkohësisht edhe drejtimin e ministrisë për Europën dhe Punët e Jashtme deri në momentin që të flasë Gjykata Kushtetuese. Mbërrin në Presidencë dekreti i Ramës për të marrë postin e Ministrit të Jashtëm. Vendimin e Presidentit për të mos çdekretuar Ministrin e Jashtëm Ditmir Bushati në afatin kushtetues, Rama e cilëson si një tjetër shkelje nga Meta.

TIRANE-Kryeministri Edi Rama zyrtarisht ka marrë edhe postin e ministrit për Europën dhe Punët e Jashtme pas refuzimit që Presidenti Ilir Meta i bëri emrit të Gent Cakajt. Ka qenë vetë kreu i qeverisë që ka dhënë lajmin se deri në zgjidhjen e ngërçit të krijuar do të drejtojë edhe këtë dikaster. Ndërkohë që Rama thekson se Presidenti përpos shkeljes që nuk dekretoi emrin e propozuar prej tij për ministër të Jashtëm, ka bërë edhe një tjetër shkelje, me të cilën do të ballafaqohet në Gjykatën Kushtetuese.

Presidenti s'e ka çdekretuar Ministrin e Jashtëm në afatin kushtetues.Shkelje e radhës që do ta ballafaqojmë bashkë me të tjerat në Gjykatën e re Kushtetuese.Deri atë ditë që vjen shumë shpejt,do të jem de jure në këtë rol sepse s'kemi kohë për të humbur në kërkim të Presidentit.

Kryeministri Edi Rama

Pas njoftimit për lëvizjen e fundit, Rama ka dërguar menjëherë në Presidencë dekretin me kërkesën. Përplasja mes Presidencës dhe qeverisë nisi tre ditë më parë, kur Ilir Meta refuzoi propozimet e kryeministrit Rama që të shkarkojë nga detyra Ditmir Bushatin dhe në vendin e tij në postin e Ministrit për Europën dhe Punët e Jashtme të dekretojë Gent Cakajn (lexo këtu). Meta ktheu dekretin për Gent Cakajn duke e konsideruar atë të papërshtatshëm për shkak të qëndrimeve të tij lidhur me çështjen e kufijve të Kosovës, mungesën e përvojës si dhe shkeljen që ka konsumuar pasi prej 7 muajsh ka mbajtur detyrën e zv/ministrit pa qenë i pajisur më parë me certifikatë sigurie. Dokument të cilin Cakaj e ka marrë vetëm në datën 4 janar, 24 orë pas aplikimit.

Meta kërkoi hetim edhe për DSIK institucion i cili sipas tij nuk ka kryer verifikim të plotë për figurën e Gent Cakajt. Por përgjigjia e DSIK ishte se verifikimi ndaj Cakajt është bërë i plotë duke konkluduar se kandidati për ministër të Jashtëm nuk është i rrezikshëm. I vendosur përballë kësaj situate, Rama ka zgjedhur që të marrë drejtimin e ministrisë së Jashtme. Një propozim të tillë si rasti i Greqisë, ku kryeministri Tsipras pas shkarkimit të Nikos Kotzias mori drejtimin e ministrisë së Jashtme iu bë kreut të qeverisë shqiptare nga kreu i shtetit gjatë takimit në Presidencë pak ditë më parë (lexo këtu). Tashmë pritet që të mos ketë surpriza të pakëndshme dhe Presidenti të dekretojë Edi Ramën edhe në postin e Ministrit për Europën dhe Punët e Jashtme në vendin e Bushatit.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Koli: 14/01/2019 12:25

    Keshtu po! Hallall

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43