ITALI - Futbolli elitar italian nisi të shtunën me tre ndeshjet e para për raundin e 31-të. Sassuolo fitoi 2-1 kundër Cagliarit, Fiorentina mori tri pikë duke fituar 0-1 kundër Veronës, ndërsa Lazio u ndal në barazimin 1-1 nga Parma në 'Olimpico'. Sot në mbrëmje në orën 20:45 në 'San Siro' luhet ndeshja që mund të vendos fatet e sezonit mes Interit dhe Romës. Katër ndeshje do luhen të hënën.

Në Reggio Emilia, Sassuolo fitoi 2-1 me përmbysje kundër Cagliarit. Sebastiano Esposito kaloi miqtë në epërsi pas 30 minutave lojë nga pika e bardhë e 11 metërshit, para se Sassuolo të përmbyste ndeshjen në pjesën e dytë me Ulisses Garcia dhe Pinamontin.  

Në stadiumin 'Marc'Antonio Bentegodi' vendasit e Veronës u mposhtën 0-1 nga Fiorentina. Një gol i Nicolo Fagiolit tetë minuta para fundit të ndeshjes i dha tri pikë me shumë peshë miqve nga Firenze.

Në 'Olimpico' Lazio vuajti, por në fund barazoi 1-1 kundër Parmës. Miqtë kaluan në avantazh pas 15 minutave lojë me golin e Enrico Delpratos, ndërsa në minutën e 77-të Tijjani Noslin vendosi ekuilibrat duke bërë që dy skuadrat të ndanin nga një pikë.

Serie A, raundi 31:

E shtunë, 04 prill 2026

Sassuolo 2-1 Cagliari

Verona 0-1 Fiorentina

Lazio 1-1 Parma

E diel, 05 prill 2026

20:45 Inter - Roma

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera