TIRANE-Kryeministri Edi Rama sonte në orën 19:00 do të takojë tre kryetarët e grupeve të opozitës për të arritur në një marrëveshje konsensuale për të votuar reformën zgjedhore. Kreu i qeverisë tha se nuk shkon që në rrugë të bësh konsensus dhe në parlament të shkosh me shpatë pa llogaritur që ka edhe të tjerë.
Sipas tij, nuk shkon që të futesh nëpër historia kap njërin dhe tjetrin, pra nuk do të ketë tentativa për të bindur 7 deputetë nga opozita parlamentare për të arritur 84 votat, por do të synohet konsensusi. Edi Rama tha se do të luftojmë për të kuptuar dhe mirëkuptuar me të tjerët, por 'sa do ja dalim, do ta shikojmë'.
Por, më tej Edi Rama, vijoi duke i dërguar një mesazh dy kryetarëve të PD-LSI-së, "deputetët në Kuvend nga radhët e opozitës janë zgjedhur nga Lulzim Basha dhe Monika Kryemadhi".
"Nuk ka 15 kushte për të shkuar në konferencën e parë ndërqeveritare. E di që situata nuk është e qetë, ne kemi dakordësuar një marrëveshje, duhet të mos lëvizë, sigurisht e vetmja kënaqësi, që kam marrë është kënaqësia e Lulit, rëndësi ka që u kënaq Luli nuk ka asnjë kënaqësi tjetër, se nuk reformon asgjë në sistem, përsa i përket administrimit. Qëllimi ishte ky, jo pamundësia jonë për të shkuar vetëm përpara, por që të bashkoheshim të gjithë ne bashkë me gjithë botën për ta lehtësuar Lulzim Bashën nga frika e tmerrshme e zgjedhjeve dhe për t'i thënë si e do ti, thuaj si e do ti? Unë e di që do të ketë prapë llafe se ne prapë do të fitojmë dhe ata prapë do të humbasin.
Jam i bindur që shumë njerëz nuk kanë dakord me mua do të donin të vazhdonim në mënyrë të drejtpërdrejtë dhe të realizonim objektivin tonë me rekomandimet e OSBE-së, por edhe ata do ta kuptojnë, për arsye të një nevoje për ta ndryshuar klimën dhe për të hequr cdo mundësi për t'u gjetur sebepe ne dhamë dakordësinë. Sigurisht është një dakordësi që duhet të kalojë në parlament. E kam ndjekur që nuk duket që të jetë fushë me lule, por ne i qëndrojmë marrëveshjes dhe duam që marrëveshjen ta votojmë.
Pastaj ka hapësira të tjera për ti jo kënaqur, respektuar dhe dëgjuar edhe opozitarët në parlament, që në këtë rast votojnë një ligj që lidhet me të nesërmen e tyre do të shikojmë dhe dëgjojmë dhe do të kemi konstruktivë, besoj që është e mirë që të gjithë ne të kalojmë në një stad tjetër maturimi për hir të njerëzve dhe vendit, nuk kemi pse bëjmë marrëveshje nëpër ambasada për të mbetur sikur jemi. U bë mirë që u bë, e ndjej më të lehtësuar mikun tim, kryetarin e PD-së, e shoh më të angazhuar për aritmetikën ekonomike dhe të lehtësuar nga stresi.
Do të shikojmë si do të ecim, nuk kam një përgjigje sot, për të kaluar në një mirëkuptim sa më të gjerë. Këtu erdhëm që PS-ja nuk paska të drejtë që të kërkojë asgjë, vetëm të japë karamele,por kam një gjë në fund, aman ju lutem kur flisni për deputetë në parlament mos harroni se ata janë deputetët e Bashës dhe Kryemadhit. Kush i shesh si persona që janë shfaqur aty nga rrugë të tjerë, apo aq më tepër nga materinteti i Taulant Ballës, thjeshtë harron historinë e shkurtër. Ata janë aty, të zgjedhur nga Lulzim Basha dhe Kryemadhi.
Kur flasim për listat e hapura, nëse do të ishin kështu në këtë rast ata deputetë që janë aty sot ishin pjesë e listës dhe do të votohej edhe brenda tyre, Gjuzi apo ngjala, ky apo jo, sidoqoftë ne jemi këtu me përgjegjësi për ta mbyllur këtë proces dhe patjetër në mënyrë të ndershme të drejtë dinjitoze, jo duke u futur nëpër historia kap njërin dhe tjetrin sepse nuk shkon që në rrugë të bësh konsensus dhe në parlament të shkosh me shpatë pa llogaritur që ka edhe të tjerë aty, aq më tepër që votat nuk i kemi por duhet ti bëjmë. Do të luftojmë për të kuptuar dhe mirëkuptuar me të tjerët, sa do ja dalim do ta shikojmë. Por mos e paci kurrë atë fatin që në këtë rast të jeni në vendin tim" tha Rama.
Sot tre kryetarët e grupeve të opozitës takuan kryetarin e Kuvendit, ndërsa një letër për t'u ulur në tryezë ia dërguan edhe kryeministrit Edi Rama, që sot nënkuptoi se do i takojë. Shumica ka 77 vota në Kuvend, ndërsa për të votuar reformën zgjedhore duhen 84. Opozita parlamentare kërkon ndryshimin e sistemit, depolitizimin e administratës zgjedhore dhe votën e emigrantëve për të votuar paktin.
Lajme të tjera
-
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58 -
Shqipëria mbyll TikTok për 1 vit, reagon kompania kineze: Presim sqarime urgjente! 2 adoleshentët s'kishin llogari tek ne! Rama: E duan 90% e prindërve
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36
