POP 5

Lajmet më të lexuara të 5 minutave të fundit

Politikë

Rikthehen deputetët, të hënën rinis Parlamenti! Sfidat/ Sesioni i ri me probleme të vjetra, çështja 'Xhaçka’ e para

Pushimet për deputetët kanë përfunduar dhe ata do t’i rikthehen të hënën e 2 shtatorit jetës parlamentare. Palët do të ulen sërish në vendet e tyre me jo pak çështje të mbartura nga sesionet e kaluara e që kërkojnë konsesus e negociata të vazhdueshme,  që nga Avokati i Popullit tek çështja “Xhaçka” e deri tek reforma zgjedhore.

2 shtatori do t’i rikthejë ligjvënësit në parlament. Pushimet për ta mbaruan dhe deputetët do nisin një sesion të ri jo fortë të qetë, me angazhim maksimal nga palët politike. Në sirtarët e kuvendit ka dosje të pluhurosura, të harruara, të neglizhurara ose lëna qëllimisht nga palët, që presin zgjidhje apo kërkojnë konsensus politik.

Çështja e Avokatit të Popullit ka mbetur “peng” i numrave dhe konsesusit mes palëve, duke mbajtur ende në detyrë Erinda Ballancën, të cilës mandati i ka përfunduar në maj të 2022-shit. Sesioni i kaluar u mbyll pa asnjë diskutim mbi emra konkret, e madje diskutime serioze nuk ka patur që pas procesit të dështuar në dhjetor të 2022-shit kur mazhoranca rrëzoi me votë propozimin e opozitës për kandidaturën e Ledio Brahos.

Çështja Xhaçka është një tjetër dosje e rëndësishme që ka mbetur “peng” i procedurës parlamentare prej më shumë se 2 vitesh. Për këtë të fundit angazhimi ka qenë i madh e do rikthehet edhe njëherë në nisje të sesionit, duke iu nënshtruar për të tretën herë votës së deputetëve që duhet të vendosin nëse do t’a çojnë apo jo për shqyrtim mandatin e saj në Gjykatën Kushtetuese.

Edhe diskutimet për Reformën Zgjedhore që nisën në 2022-shin me komisionin e posacëm, e që përfunduan vetëm konsensusin politik të palëve vetëm për listat dhe votën e diasporës, pritet të rikthehen sërish këtë sesion. Palët ende nuk e kanë plotësuar detyrimin për një reformë të plotë para zgjedhjeve parlametare të 2025-ës sipas rekomandimeve të OSBE-ODIHR.

Janë pikërisht zgjedhjet e pranverës së ardhshme ato të cilat pritet të rrisin tensionin politik këtë sesion plenar, me socialistët që kërkojnë mandatin e katërt qeverisës dhe opozitën e cila premton aksion dhe kërkon zgjedhje të lira e të ndershme. Mazhoranca socialiste nga ana tjetër premton risi, me një kabinet të rifreksuar në fund të muajit korrik dhe me një parti të rienergjizuar në terren siç e kanë cilësuar vetë ata.

Ndryshe nga formati i Lindita Nikollës, ky sesion i ri pritet të ketë surpriza edhe për nga mënyra e drejtimit, me Elisa Spiropalin, një nga zërat kryesorë të mazhorancës në përballjet parlamentare me opozitën. Me pozicionin e ri, Spiropali duhet të zhveshë kostumin dhe retorikën politike të partisë së saj për të drejtuar me paanshmëri seancat plenare si Kryetare e Kuvendit.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali me mbetjet toksike, sipas jush e kujt është përgjegjësia?

Lajme të tjera



×

Lajmi i fundit

Rama në Pragë: Putini na ndihmoi, BE kuptoi sa e rëndësishme ishte të kishte pranë Ballkanin Perëndimor

Rama në Pragë: Putini na ndihmoi, BE kuptoi sa e rëndësishme ishte të kishte pranë Ballkanin Perëndimor

30 Gusht, 17:50