Në një intervistë në emisionin “Rreze Dielli” në Report Tv, ishte e ftuar Ilaria Paoli fotografia Italiane e cila prej 7 vitesh jeton në Shqipëri. Ajo rrëfeu historinë e bukur të dashurisë me djalin shqiptar, dashuri e cila e bëri të linte vendin e saj dhe familjen për të jetuar këtu.
“Unë jam njohur me bashkëshortin tim në Itali në moshën 14-vjeçare, kemi pasur shoqëri të përbashkët. Ai më propozi më pas kemi dal bashkë, jemi njohur dhe më pas jemi fejuar” rrëfeu ajo.
Ndërsa tregon se prindërit e saj e pritën shumë mirë lidhjen me djalin shqiptar Olsin si dhe shpërnguljen në Shqipëri.
“Në Itali është pak ndryshe nga ju këtu, është dicka shumë e rëndësishme por sikur e marrin pak më lehtë. Prindërit ishin të lumtur për mua sepse shihnin që edhe unë ashtu isha. I kemi bërë pak a shumë gjërat sic i bëni këtu, prindërit janë takuar. Ndejtëm dy vite në Itali dhe më pas erdhëm në Shqipëri.
Për të zhvendosja këtu nuk ka qenë aspak e vështirë, pasi e kishte udhëtuar edhe më parë drejt vendit tonë”
“Unë kisha ardhur më përpara për festat e vitit të Ri dhe kisha pasur mundësinë për të parë si ishte Shqipëria dhe më kishte pëlqyer shumë sidomos Tirana. Kur më thanë që kishin vendosur që të vinin përfundimisht në Shqipëri, më propozuan edhe mua që të vija këtu” tha ajo.
E pyetur për prindërit e bashkëshortit, ajo tregon se ka një marrëdhënie shumë të mirë, pasi Ilaria jeton me ta prej 7 vitesh.
“Unë mendoj që kemi raporte shumë të mira sepse kemi aq shumë vite që jemi bashkë dhe nuk kemi më dallime, jemi më shumë si shok, si prindërit e mi. Dhe atyre nuk i dukem si nuse por si vajza vet.
Tashmë, ajo ka arritur të mësoj edhe traditat shqiptare dhe thotë se për këtë ka ndikuar vjehrra, si dhe i pëlqen shumë gatimet tradicionale të vendit tonë.
“Duhet t’i repsektojmë njerëzit kur vijnë me kafe, me tabake, me këto gjërat. kurse për pjesën e gatimit, vjehrra ime bën gatime tradicionale dhe mi ka mësuar edhe mua. Përshembull gjërat që më pëlqejnë më shumë janë turli, fërgesa, grosha, byrek, tarator. Ka lloj-lloj gatimeh shqiptare që janë me të vërtet shumë të mira” tregon ajo.
Çifti e ka kurorëzuar dashurinë e tyre edhe me një dasëm tradicionale shqiptare me shumë të ftuar.
Ne bëmë dasëm tradicionale, një javë dasëm. Erdhën njerëzit e mi nga Italia, edhe atyre i ka pëlqyer shumë. Edhe gratë atje në Bërxullë kishin shumë qejf që të më shihnin nuse. Dhe ne ja plotësuam dëshirën.
Ilaria Paoli duket mjaft e lumtur me jetën në Shqipëri, e sidomos në fshat, pasi i pëlqen qetësia që i ofron natyra.
“Në fakt që kur kam qenë e vogël, më ka pëlqyer jetesa në fshat se në La Spezia ku jetoja është vendi I detit, por prap vendi ku jetoja është pak si periferi. Dhe ishte shumë qetësi, më pëlqen ideja e qetësisë dhe prap të njëjtën gjë e kam gjetur këtu në vendin ku jetoj. Më pëlqen shumë sidomos pjesa e natyrës, kafshët, ne kemi pula, pata, dele, qen mace dhe kjo gjëja më ka ndihmuar se unë i adhuroj kafshët” tha Ilaria ndër të tjera.
Lajme të tjera
-
“Kam frikë se ma marrin”, Anxhela Peristeri tregon pse nuk publikon foto me partnerin
13 Prill, 17:10 -
Intervista për Report Tv/ Neritan Ceka kujton çfarë i thoshte Azem Hajdari Berishës në 1990: E goditi partinë me vare! PD e PS u dominuan nga njerëz të rastit, jo me ide
8 Dhjetor 2023, 15:02 -
Egla Harxhi: Marrëdhënia treshe s'ka qenë për vëmendje, se do isha futur në BBV! Më ftuan dy herë dhe i refuzova
14 Mars 2023, 13:15 -
'Minuta e artë' që shpëton jetën, nga mbytja te tensioni i lartë, rënia apo ngritja e sheqerit, kapërcimi i gjuhës… si duhet të veprojmë sipas specialistit Ylli Merja
6 Mars 2023, 13:19 -
Eksperti shpjegon: Ja si bëhen klikimet në rrjetet sociale si Instagram dhe Tik-Tok
21 Shkurt 2023, 12:10 -
Specialisti Ylli Merja në Report Tv: Glikoja e arrës dhe propolisi me rigon, zgjidhja për të kuruar gastritin
20 Shkurt 2023, 13:01 -
‘Javë plot energji dhe pozitivitet’, parashikimi i yjeve sipas astrologut Jorgo Pulla:Ja shenjat që duhet të tregojnë kujdes
20 Shkurt 2023, 12:36 -
Vasjan Lami rrëfen në “Rreze Dielli” mbi 45 vite karrierë në kinema dhe teatër: Një jetë mes artit, kritikat dhe pengjet e patreguara më parë
15 Shkurt 2023, 13:43 -
Sëmundjet e kockave, specialisti Ylli Merja në Report Tv: Nga artriti tek osteoporoza, ja si t’i kuroni me bimë medicinale
13 Shkurt 2023, 12:27 -
‘Surpriza të bukura në karrierë por tregoni kujdes në dashuri’ parashikimi i yjeve sipas astrologut Jorgo Pulla: Ja shenjat më të favorizuara
13 Shkurt 2023, 11:31 -
“Unike…me Taban”, Aurela Gaçe promovon albumin e saj të ri dhe sjell bashkëpunimin e veçantë
10 Shkurt 2023, 14:36 -
Humbi shikimin në moshën 16-vjeçare, fizioterapisti i verbër rrëfen në “Rreze Dielli” historinë e jetës së tij
10 Shkurt 2023, 14:22
