TIRANE-Komisioni i Sigurisë Kombëtare rrëzoi dekretin e Presidentit, që ktheu për rishqyrtim ndryshimet në ligjin për Vetingun në Polici, Gardë e SHÇBA. Sipas Presidentit Meta shtyrja e afatit të vettingut në polici rrit edhe më shumë kontrollin politik të ministrit të Brendshëm mbi këtë proces, aq më tepër, vijonte kreu i shtetit, që kjo ndodh përpara zgjedhjeve parlamentare. Por, ministri i Brendshëm Sandër Lleshaj u shpreh se nuk do të pranojnë arsyet e Presidentit sepse kjo do të thotë të ndërpritet procesi i vettingut.
"Në përgjithësi unë do të thosha që nuk kemi asnjë mundësi për t’i mirëkuptuar arsyet e Presidentit për kthimin e këtij ligji mbrapsht. Në qoftë se ne do ta pranonim kthimin e ligjit mbrapsht, ky do të kishte vetëm një pasojë, do të ndërpriste përfundimisht procesin e Vetingut në PSH, duke i dhënë goditje të madhe gjithë përpjekjes për të kryer një proces verifikimi të integritetit të gjithë sistemit të drejtësisë dhe sistemit të agjencive ligjzbatuese që e mbështesin atë, që është kryesisht PSH".
Duke u ndalur te argumenti i Presidentit që e konsideron zgjatjen pa afat të komisionit të vlerësimit si presion, Lleshaj shprehet se është një instrument presioni pozitiv. "Në qoftë se duam ta konsiderojmë presion, le ta konsiderojmë presion. Është një instrument presioni pozitiv ndaj kujtdo të merr përsipër të shërbejë në strukturat ligjzbatuese. Nëqoftëse do ta konsiderojmë instrument presioni, pra një instrument të dëmshëm ndaj Policisë, atëherë e njëjta logjikë do të vlente edhe për gjyqësorin.
Është për të ardhur keq që Presidenti ka shquar edhe disa nuanca elektorale tek ligji i miratuar. Nuk i kemi vënë një afat pikërisht për të shmangur një nevojë për të ardhur prapë në Kuvend. Është shqetësuese në fakt se Presidenti shquan nuanca elektorale. Këtu duhet vërtet fantazi e tepruar, e jashtëzakonshme për të parë ndonjë lidhje midis zgjatjes së afatit ose vënies në funksion të procesit të Vetingut në Polici me zgjedhjet elektorale".
Në fund, Lleshaj nuk kursen ironinë. "Është për të ardhur keq gjithashtu që Presidenti në shumë pasazhe të dokumentit që ka sjellë, përdor termin “ngjan me”, “duket se”, “ka mundësi që”. Janë shprehje të një karakteri shumë evaziv, që në gjykimin tim nuk e kanë vendin në një dokument të këtij niveli presidencial. “Ngjan me”... edhe unë mund të ngjaj me dikë tjetër, por nuk jam ai tjetri. Ndërkohë që këtu përdoren si argumente".
Lleshajt i është përgjigjur zëdhënësi i Presidentit Tedi Blushi. "Një kujtesë për z.Lleshaj! Policia e Shtetit nuk mund të mbahet peng i vetting-ut selektiv për t'i bërë fushatën partisë" shkruan ai, teksa i ka rikujtuar atë që ndodhi fushatën e 2017 në Berat, ku Edi Rama u shpreh "Të gjithë punonjësit e policisë në momentin që lënë uniformën pas punës të përkushtohen për të marrë sa më shumë vota për PS-në", që solli më pas reagim të ashpër nga PD-LSI-ja.
Qëllimi i ligjit që miratoi shumica shtyn pa afat veprimtarinë e Komisionit të Jashtëm të Vlerësimit (vettingu) në policinë e shtetit, gardë dhe SHÇBA. Qershori duhej të përmbyllte vettingun për 300 gradat madhore në polici, por COVID-i e bllokoi duke e tejkaluar afatin, shumica miratoi ligjin duke e shyrë pa afat, ndërsa Meta e riktheu, por shumica e rrëzoi.
Komente
Lajme të tjera
-
Partia e Lirisë kërkesë Policisë e Ministrisë së Brendshme: Na vini në dispozicion emrat e policëve që ‘rrëmbyen’ Ilir Metën, operacion kriminal
4 Nëntor, 11:46 -
Ilir Meta rrëfehet nga qelia: Kam pasur oferta për t’u arratisur! E njoh burgun qysh kur vizitoja Fatos Nanon! Arrestimi im ishte rrëmbim i mirëfilltë
4 Nëntor, 11:31
-
Lobimi në SHBA dhe CEZ-DIA, Meta kërkon lirinë, Kryemadhi ankimon detyrimin e paraqitjes! Monika në SPAK: Do u tregoj të vërtetat e ‘satelitëve’ të Shqipërisë
4 Nëntor, 09:50
-
Tedi Blushi takim me drejtuesit e PL në SHBA dhe BE, ju përcjell porositë që i ka dhënë Ilir Meta
3 Nëntor, 18:08 -
Meta reagon nga qelia: Pensionistëve u jepet një lëmoshë! Në 11 vite në pushtet Rama i varfëroi
2 Nëntor, 15:24 -
Ilir Meta ‘ndjek’ Ramën nga burgu: Ekzaltimi fals i kryeministrit për negociatat, procesi duhej të ishte mbyllur prej kohësh
1 Nëntor, 19:00 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
A do të bëhej avokat i Ilir Metës? Adriatik Lapaj: S'marr përsipër të përfaqësoj asnjë politikan të akuzuar për korrupsion (VIDEO)
1 Nëntor, 15:01 -
Ylli Pata: Modeli ballkanik i partive të liderëve të burgosur
31 Tetor, 20:16
-
Meta nga burgu: Arrestim im bandidesk për të më izoluar! Provat janë në telefonin e sekuestruar të ish gruas time dhe grupit të saj të ngushtë
30 Tetor, 18:03 -
Nën akuzë për korrupsion, Piro Xhixho paraqitet në SPAK për masën detyrim paraqitjeje (VIDEO)
30 Tetor, 11:19 -
Meta në burg për lobimin në SHBA e dosja CEZ- DIA, Tezja e Kryemadhit tërheq vendimin e GJKKO-së
29 Tetor, 14:24
Z Lleshaj je turpi I shqipetareve se ti merresh Me Politike kjo eshte e rendesishme per ty o I pa afte Shqipërinë e Kane PUSHTUAR HAJDUTERIT DHE TI NUK BEN ASGJE SHQIPERINE E KANE PUSHTUAR KRIMINELET ORDINERE DHE TI DEL NE MEDJA DUKE MASHTRUAR DHE DUKE FOLUR PER GJERA TE PA RENDESISHME SHQIPERINE E KA PUSHTUAR DROGA DHE TRAFIKANTET DHE TI NUMURON SUKSESET DUKE MASHTRUAR DHE KUR KA PROTESTA POLITIKE TI JE GATI TE HELMOSH POPULLIN PER IDEALIN E RAMES Z LLESHAJ LARGOHU NJE ORE E ME PARE SE NUK JE PER KETE PUNE
Përgjigju