Është rritur lehtë numri i rasteve të reja me COVID në vend, ku në 24 orët e fundit janë regjistruar 34 raste infeksionesh, nga 23 një ditë më parë. Me një njoftim për mediat Ministria e Shëndetësisë bën me dije po ashtu se nuk është regjistruar asnjë viktimë, duke shkuar kështu 26 ditë pa asnjë viktimë nga COVID.

Rastet pozitive me COVID janë regjistruar në këto bashki: 7 raste në Tiranë, 5 në Sarandë, nga 3 raste në Elbasan, Kukës, nga 2 raste në Has, Berat, Pogradec, Poliçan, Konispol, nga 1 rast në Durrës, Fier, Korçë, Lezhë, Shijak, Skrapar.

Aktualisht janë 232 pacientë aktivë me COVID19 në të gjithë vendin, ndërsa në Spitalin Infektiv po marrin trajtim spitalor të specializuar 5 pacientë.

Janë shëruar 12 qytetarë gjatë 24 orëve të fundit, duke e çuar numrin e të shëruarve në 130,109 që nga fillimi i epidemisë.  

Ministria e Shëndetësisë i bën apel qytetarëve që të vaksinohen  dhe të shfrytëzojnë ditët e hapura të vaksinimit, për të qenë më të mbrojtur nga COVID.

Statistika (22 Korrik 2021)

Raste të reja ditore      34

Të shëruar në 24 orë     12

Të shtruar në spitale      5

Humbje jete në 24 orë   0

Testime ditore                3348

 

Testime totale             868,822

Raste pozitive             132,797

Raste të shëruara       130,109

Raste Aktive                       232

Humbje jete                   2,456

 

Shpërndarja gjeografike e rasteve aktive sipas qarqeve:

 

Tiranë              93

Vlorë                25

Durrës              22

Kukës                21

Elbasan            18

Shkodër           14

Lezhë               14

Fier                   12

Korçë                7

Berat                 5

Gjirokastër        1