Një udhëtim drejt bregut të Jugut tonë është përherë një festë. Nisja në një orë pa trafik, koha e bukur, misrat e pjekur mirë nga nënat shamibardha në Rrogozhinë, bypass-i i Fierit do të jetë një superlehtësim dhe është edhe tani edhe pse i papërfunduar mirë. Pastaj shkëlqimi i Vlorës, përmirësimi i saj sa vjen e më shumë të emocionon, Llogaraja e freskët dhe unike për të ndalur e për të shijuar paninet e përgatitura me lezet nga miqtë e huaj; ndërsa unë për vete me të pazëvendësueshmen bukë me djathë, gjalp, vezë të zier e domate kastravec. Pastaj biseda me një djalë nga Vlora që vjen e na përshendet e na pyet nëse kemi nevojë për diçka. Po punon në verë në Llogara dhe pret të vazhdojë studimet e larta për Biznes dhe Ekonomi. "A mund t'jua ofroj unë kafenë", ofrohet, ndoshta i erdhi keq që po hanim "bukën n'trastë" e kushedi si ju dukëm të gjithë bashkë që hanim në këmbë e nuk ishim ulur në një lokal.
Që nga hera e kaluar, kur në një nga lokalet e bukur me pamje fantastike në Llogara, na mashtruan me cilësinë e mishit dhe të produkteve të ofruara, që kur nuk japin asnjë kupon tatimor, kemi vendosur të mos hamë asgjë aty. Pronarët e lokaleve në atë zonë të jashtëzakonshme duhet të ndjehen me fat dhe të bëjnë garë me njëri-tjetrin se kush e kush të ofrojë cilësi të garantuar dhe të lartë. Por mesa duket askush nuk i kontrollon dhe ata përfitojnë në kurriz të turistëve që nga ajo anë kalojnë.
Asnjë kupon tatimor edhe në lokale e hoteleri në breg, ose fare pak. Zyrtarë të lartë, ministra e zëvendësministra i has të hanë e flenë kudo, por a u bën përshtypje kjo situatë? A shqetësohen në ç'nivel janë ende shërbimet dhe si po degradojnë ato gjëra të mira që janë bërë? Dikush prej tyre, e ngre këtë problem diku? I shqetëson?
Kazanët e plehrave janë plot edhe në mesditë. Në Dhërmi pjesa e shëtitores, e konceptuar bukur me gurë dhe ujë është kthyer në një moçal me kufoma bretkoshash në të. Mesa duket administrata bën sikur ofron shërbime, dhe privatët - ndoshta me të drejtë - bëjnë sikur paguajnë detyrimet që kanë.
Shtetin nuk e has asgjëkundi në bregdet: janë zhdukur kullat e vrojtimit dhe rojet bregdetare. Nuk vendosen kufij ku mund të lahen pushuesit dhe ku fluturojnë motorrë e skafe që lëvizin mes notuesve. Turistë të huaj has kudo në bregdetin shqiptar: Të rinj nga Australia, Austria, amerikanë, polakë, italianë, gjuhët që dëgjon sa vijnë e shtohen, por a janë turistë që do të rikthehen, që do të qëndrojnë?
Çmimet tona janë ende konkurruese me rajonin, kuzhina e mirë në disa vende, pastërtia diku perfekte e diku çalon, por ajo që është e pakonceptueshme në 2019 është mungesa e rregullave elementare të administratës dhe Shtetit. Asgjëkundi nuk shkruhet për rreziqe apo kujdes nëpër shpellat natyrore. Duhet të futen skafe në Shpellën e Piratëve për shembull, apo jo? Asnjë kosh për të hedhur mbeturina nëpër gjire. Janë njoftimet dhe prania e shenjave të shtetit që i bën pushesit të ndjehen të mbrojtur e jo të braktisur, siç aktualisht ndodh. Dhe Shteti nuk ndjehet vetëm nga prania e ministrave dhe zëvendministrave (të dallueshëm nga të gjithë) teksa shullohen në jug në diell duke provuar verëra të shtrenjta të ofruara (urojmë që jo) kushedi se pse.
Lajme të tjera
-
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Vjeshta në Lepushë dhe Vermosh, pamje mahnitëse nga fshatrat turistikë mes Alpeve! Pronarët e bujtinave: Kemi turistë, por s’ka kush u shërben
4 Nëntor, 15:16
-
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Turizmi, Rama: Jemi rritur me 3.2 milion udhëtarë përmes TIA! Tetori arriti në 942 mijë pasagjerë, 47% më shumë se vjet
2 Nëntor, 21:24 -
Barometri Botëror i Turizmit e rendit Shqipërinë në vend të parë në Europë, Rama: Kryesojmë për rritjen e numrit të vizitorëve
30 Tetor, 12:30 -
Vera ka mbaruar, por turistët e huaj s’i ndahen Shqipërisë! Britanikët lundrojnë në Vjosë me kanoe, Rama poston pamjet pikante (VIDEO)
29 Tetor, 08:39 -
Strategjia ‘Turizmi 2030’/ Punonjësit sezonal në turizëm, pagë edhe jashtë sezonit! Qëllimi, të mbahen të kualifikuarit
27 Tetor, 17:15
-
Stacione plazhi vetëm për hotelet, Topuzi: Pozitive, të luftohet informaliteti! Pa paketa ‘all-inclusive’, s’ka turistë cilësor
25 Tetor, 16:38 -
Kumbaro takim me ministrin e turizmit të Bullgarisë: Marrëveshje e përbashkët për të çuar përpara ekonomitë e dy vendeve
24 Tetor, 11:54 -
FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë
24 Tetor, 10:17
