Nga Budapesti ku ndodhet për samitin e 5 të komunitetit Politik Europian, kryeministri Edi Rama e komentoi si pozitive për BE-në zgjedhjen e Donald Trump në krye të Shtëpisë së Bardhë. Rama theksoi se asgjë nuk do të ndryshojë në raport me Shqipërinë.
“Përvoja më thotë që kur ishte president dhe të gjithë thonin se NATO do të bëhej më e dobët, NATO-ja u bë më e fortë. Kështu që le të mos bëhemi histerikë përpara se të shohim realitetin. Shtetet e Bashkuara të Amerikës janë shtetet e Bashkuara të Amerikës, dhe nuk mendoj që kjo do të jetë domosdoshmërisht diçka e keqe për Evropën. Mund të jetë një gjë shumë e mirë për të”, tha Rama.
Mendimin e tij lidhur me Trump, thotë se ia ka shprehur edhe presidentit të Ukrainës Volodimir Zelensky.
“Ia kam thënë, mendoj që nuk është domosdoshmërisht diçka për t'u shqetësuar për shkak të tij, por diçka për të reflektuar, për të bërë shumë më tepër për të pasur një Evropë shumë më të fortë", u shpreh Rama.
Mes batutash ai komentoi edhe krizën politike në Gjermani.
“Unë jam më i gjati mes të gjithë tyre, por përfaqësoj një vend të vogël, kështu që nuk më takon mua të flas për gjëra kaq të mëdha. Këto vende të mëdha janë mjaftueshëm të forta për t'i kapërcyer të tilla situata dhe ndoshta në një farë mënyre, kjo do të ndihmojë gjermanët, të bëjnë më shumë”, vijoi Rama.
Rama foli edhe për prioritetet e samitit të ardhshëm të komunitetit Politik Europian që do të mbahet në Tiranë brenda 6 muajve të parë të vitit.
Po marrim stafetën këtu për takimin e ardhshëm të Komunitetit Politik Evropian në Shqipëri gjysmën e parë të vitit që vjen, dhe sigurisht ka shumë gjëra për të diskutuar. Ndryshimi i klimës është i kudogjendur dhe në krye të përparësive të vendeve evropiane, sigurisht, por ka edhe çështje të tjera për të diskutuar. Ne jemi shumë krenarë që të kemi mundësi që ta mikpresim këtë takim.
Në Budapest do të diskutohet mbi sfidat e sigurisë me të cilat përballet Europa në seancën plenare që do të pasohet nga 4 sesione kryesore mbi temat e migracionit dhe sigurisë ekonomike.
Kryeministri Rama ka takuar Budapest ditën e sotme shefin e NATO-s Marc Rutte dhe më tej u takua me kryeministrin e Holandës Dick Schoof në një takim bilateral. Në takim Rama ishte i shoqëruar nga ministrja për Administratën Publike, Adea Pirdeni dhe nga nënkryetarja e Komisionit të Çështjeve Europiane, Etilda Gjonaj.
Rama ndodhet në kryeqytetin hungarez në mbledhjen e Komunitetit Politik Evropian së bashku me liderë të tjerë të Europës dhe BE-së, ndër të cilët është edhe presidenti i Ukrainës, Volodymyr Zelensky.
Samiti i Komunitetit Politik Europian i zhvilluar këtë të enjte në Hungari mblodhi liderë nga disa vende të Evropës.
Mes liderëve mori pjesë edhe kryeministri Edi Rama.
Në foton familjare Rama ishte pozicionuar krah kryeministrit hungarez Orban dhe Presidentin e Këshillit Evropian, Charles Michel.
Kryeministri Edi Rama ka zhvilluar një takim me presidentin turk, Recep Tayipp Erdogan dhe kryeministrin grek, Kyriakos Mitsotakis pak para fillimit të takimit të Komunitetit Politik Evropian në Budapest.
Mediat greke shkruajnë se gjatë kësaj bisede informale, liderët shkëmbyen mendime mbi rezultatet e zgjedhjeve amerikane, si dhe zhvillimet rajonale dhe ndërkombëtare.
Liderët evropianë u mblodhën në Hungari për samitin e pestë të Komunitetit Politik Evropian (EPC), një platformë që u themelua në vitin 2022 për të forcuar bashkëpunimin ndërmjet vendeve evropiane në trajtimin e çështjeve kryesore globale.
Kryeministri Edi Rama ndodhet në Budapest ku po merr pjesë në samitin e Komunitetit Politik Europian. Rama është pritur nga kryeministri i Hungarisë, Viktor Orban.
Po ashtu, kreu i qeverisë është takuar edhe me presidentin e Ukrainës, Volodymyr Zelensky, i cili merr pjesë në punimet e këtij samiti.
Kryeministri Edi Rama, duke folur për gazetarët, sot në Budapest
Teksa në Budapest të Hungarisë po mbahet Samiti i Komunitetit Politik Europian, për çështjet e sigurisë, i pranishëm ndodhet edhe kryeministri Shqiptar, Edi Rama.
Ai u takua edhe me homologun hungarez, Viktor Orban, kurse Shqipëria merr stafetën për ta organizuar samitin e radhës në vendin tonë vitin tjetër.
Rama njoftoi se vitin tjetër ky Samit mbahet në Shqipëri dhe foli shkurtimisht për mediat në lidhje me këto çështje, por edhe për raportet e NATO-s me SHBA-të, pas zgjedhjes së presidentit Trump.
Prononcimi i plotë i Edi Ramës nga Budapesti:
-Samiti i tjetër i komunitetit është në Shqipëri. Cilat janë objektivat, ndryshimi i klimës, të tjera?
Kryeministri Edi Rama: Po. Po marrim stafetën këtu për takimin e ardhshëm të Komunitetit Politik Evropian në Shqipëri gjysmën e parë të vitit që vjen, dhe sigurisht ka shumë gjëra për të diskutuar. Ndryshimi i klimës është i kudogjendur dhe në krye të përparësive të vendeve evropiane, sigurisht, por ka edhe çështje të tjera për të diskutuar. Ne jemi shumë krenarë që të kemi mundësi që ta mikpresim këtë takim.
-Pyetje lidhur me zgjedhjen e Presidentit të ri të Amerikës?
Kryeministri Edi Rama: Mënyra si e shoh unë është se është bërë shumë zhurmë, ndoshta, jo në mënyrën e duhur për kthimin e tij të mundshëm. Përvoja më thotë që kur ishte president dhe të gjithë thonin se NATO do të bëhej më e dobët, NATO-ja u bë më e fortë. Kështu që, le të shohim dhe le të mos bëhemi histerikë përpara se të shohim realitetin. Shtetet e Bashkuara të Amerikës janë shtetet e Bashkuara të Amerikës, dhe nuk mendoj që kjo do të jetë domosdoshmërisht diçka e keqe për Evropën. Mund të jetë një gjë shumë e mirë për Evropën.
-Po çfarë do t'i thoni Zelenskit sot, kur të vijë? Çfarë do t'i thoni të atij?
Kryeministri Edi Rama: Ja kam thënë, mendoj që nuk është domosdoshmërisht diçka për t'u shqetësuar për shkak të tij, por diçka për të reflektuar, për të bërë shumë më tepër për të pasur një Evropë shumë më të fortë. Kur u zgjodh herën e parë, të gjithë po dridheshin, sepse ndoshta NATO-s do t'i vinte fundit, por NATO-ja u bë më e fortë.
Ndaj, nuk mendoj se ajo çfarë ka ndodhur në Shtetet e Bashkuara të Amerikës është diçka që duhet ta shohim si shqetësuese. Në të kundërt, mund të jetë një mundësi e madhe për të bërë gjërat ndryshe për ne dhe për botën.
-Po lidhur me stabilitetin në Gjermani, me rënien e koalicionit?
Kryeministri Edi Rama: Dëgjo, unë jam Kryeministri i Shqipërisë. Jam më i gjati mes tyre, por përfaqësoj një vend të vogël, kështu që nuk më takon mua të mendoj për të gjitha gjërat e mëdha. Për Shqipërinë nuk nënkupton asgjë, sepse asgjë nuk ndryshon. Shqiptarët janë komuniteti më pro-amerikan në Evropë, kështu që kushdo të jetë në Shtëpinë e Bardhë, nuk bën ndonjë dallim të madh, sepse Shtetet e Bashkuara të Amerikës janë Shtetet e Bashkuara të Amerikës. Kështu që ne jemi shumë më pak të prekur nga këto lloj emocionesh, sepse për ne është e njëjta gjë.
-Si e shihni propozimin për migrantët?
Kryeministri Edi Rama: Pyesni Giorgia se po vjen tani...
***
Kryeministri Edi Rama: Unë jam më i gjati mes të gjithë tyre, por përfaqësoj një vend të vogël, kështu që nuk më takon mua të flas për gjëra të tilla kaq të mëdha, si ajo çfarë po ndodh në Gjermani apo në Shtetet e Bashkuara të Amerikës. Por, në fund të fundit, besoj që Gjermania, Shtetet e Bashkuara të Amerikës, të gjitha këto vende të mëdha janë mjaftueshëm të forta për t'i kapërcyer të tilla situata dhe ndoshta në një farë mënyre, kjo do të ndihmojë gjermanët, të bëjnë më shumë, e po kështu të kuptojnë se kanë një vend të madh.
Besoj se ajo çfarë është thënë, ajo çfarë është diskutuar intensivisht përpara zgjedhjeve evropiane, shkoi shumë larg dhe ndërkohë ajo çfarë ndodhi me zgjedhjet në Shtete e Bashkuara të Amerikës mund të përbëjë një mundësi për të riformësuar shumë gjëra, për ta parë botën paksa ndryshe, për ta parë vetë Europën paksa ndryshe sepse Evropa po bëhet më e vjetër. Ka nevojë për më shumë energji, për më pak rregullime dhe ndoshta është mundësi për të vënë në lëvizje gjërat.
Shtetet e Bashkuara të Amerikës janë Shtetet e Bashkuara të Amerikës dhe në fund të fundit Shtetet e Bashkuara të Amerikës mendoj se janë më të forta se çdokush që është në Shtëpinë e Bardhë, nga njëra anë dhe nga ana tjetër, e thashë, ajo çfarë ka ndodhur në Shtetet e Bashkuara të Amerikës mund të jetë një gjë shumë e mirë për Evropën.
Komuniteti politik evropian mban një takim sot në Budapest, ku merr pjesë edhe Rama.
Liderët e Francës, Britanisë, Turqisë, Ukrainës e të Ballkanit do diskutojnë për sigurinë europiane dhe rezultatet e zgjedhjeve presidenciale në SHBA.
Rama është takuar me presidentin e Serbisë, Aleksandar Vuçiç, me presidenten e Parlamentit Evropian, Roberta Metsola, dhe me kryeministrin e Maqedonisë së Veriut, Hristijan Mickoski.
Komente
Lajme të tjera
-
Ministri hungarez i Shtetit: Shqipëria hapa konkretë drejt integrimit në BE
23 Nëntor, 15:15 -
Shefi i NATO-s takohet me Trumpin në Florida
23 Nëntor, 12:35 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Shtyhet pa afat vendimi për dënimin e Presidentit të zgjedhur Trump, për çështjen e ngritur ndaj tij në Nju Jork
22 Nëntor, 19:42 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41
kokrra servilit.
PërgjigjuTani zeleshi do fitoj sepse do ta mbeshtesi rama ????????????????
Përgjigju