Sassoli thirrje nga foltorja e Kuvendit: 'Basti' ynë, përshtatja e modeleve të zhillimit! Krenarë që Shqipëria synon BE pa një plan 'B'

Nga foltorja e Kuvendit, presidenti i Parlamentit Europian David Sassoli bëri thirrje që BE dhe Shqipëria duhet të përshtasim modelet e zhvillimit.  Ai tha se BE është krenare për Shqipërinë dhe rrugën e saj për të ecur drejt familjes europiane pa një plan B.

"Do doja t'i bëja thirrje të gjithë sistemeve tona arsimore. Duhet të mendojmë se ku do të investojmë në 7 vitet e ardhshme. Në të gjithë programet do donim të kishte më shumë ambicie që të mund të na mbrojë më mirë që të na mundësojë një rritje më të madhe. Nuk do të donim bilance me shkurtime financimesh por një ekonomi që rritet. Këtu kemi një sfidë së bashku dhe do të jetë i dobishëm edhe reflektimi juaj këtu. Të bëjmë të mundur që reformat tuaja të jenë të përfshira brenda kësaj legjislature. Të bëhemi lider në ndryshimet klimatike. Të përpiqemi të përshtasim modelet tona të zhvillimit. Ky është basti që ne i kemi vënë vetes deri në 2050. Të gjithë duhet të bëjmë rolin tonë. Kemi nevojë të tregojmë vendimet tona që shtetet e tjera të mbështesin reformat e tyre dhe parlamenti shqiptar duhet të vendosë. Duhet t'i hyjmë një rruge reformash. Kam vendosur që PE të jetë e të gjithëve. Jam i sigurt që së bashku do ecim drejt në rruge të mirë. Ne e kemi kuptuar që për ju nuk ka një plan B dhe BE është një zgjedhje që ju e keni bërë prej kohësh. Për këtë jemi shumë krenarë", tha Sassoli.

Lajmi kryesor:

Sassoli para deputetëve: AntiKÇK mbart diçka italiane, mënyra e drejtë për të luftuar krimin! BE-ja s'i tha 'JO' Shqipërisë, u shty vendimi!

/r.k./Shqiptarja.com

TAG:
• edi rama
• Ilir Meta
• David Sassoli