POP 5

Lajmet më të lexuara të 5 minutave të fundit

Sport

Serbia ‘dhuratë’ Shqipërisë, De Biasi:
Kafshët dolën nga Kopshti Zoologjik

Trajneri i ekipit kombëtar të futbollit Gianni De Biasi gjatë dëshmisë së tij para trupit gjykues të Gjykatës së Arbitrazhit Sportiv është shprehur se rikthimi në fushën e Beogradit ishte i pamundur, pasi kafshët kishin dalë nga kafazi i Kopshtit Zoologji.
Serbia ‘dhuratë’ Shqipërisë, De Biasi:<br />Kafshët dolën nga Kopshti Zoologjik
Trajneri i ekipit kombëtar të futbollit Gianni De Biasi gjatë dëshmisë së tij para trupit gjykues të Gjykatës së Arbitrazhit Sportiv është shprehur se rikthimi në fushën e Beogradit ishte i pamundur, pasi kafshët kishin dalë nga kafazi i Kopshtit Zoologji.

“Përfundova dëshminë, pres me besim për tre pikët. Dëshmova për atë që ndodhi në fushë dhe jashtë saj. Nëse në një Kopsht Zoologjik lëshojmë nga kafazi luanin duhet të ikim me vrap të shpëtojmë. Ashtu ndodhi dhe me ne.

Nuk ktheheshim dot në fushë se ishin hapur dyert e kafazit. Na goditën jo vetëm fizikisht, por edhe psikologjikisht, që për mua është goditja më e rëndë. Unë kisha vetëm një synim, të ktheja djemtë e mi shëndoshë e mirë në shtëpi.

Mua dhe askujt nuk iu kërkua nga askush që ktheheshim në lojë. Nëse duhet të ktheheshim në fushë për të rrezikuar jetën, ndoshta do ta bënim po të duhej” tha De Biasi për Supersport.

Lorik Cana
Ndërsa kapiteni i ekipit kombëtar Lorik Cana është shprehur se “Ishin momente tmerri. Lojtarët ishin goditur në pjesë të ndryshme të trupit me sende të forta duke e bërë të pamundur rikthimin në fushë për zhvillimin e ndeshjes.

E vetmja gjë që mendonim në ato momente ishte që të shpëtonim kokën dhe të dilnim të gjallë nga stadiumi, pasi futbolli ishte gjeja e fundit që po mendonim.

Nga të gjitha anët e stadiumit dëgjoheshin thirrje rastiste nga tifozët e Serbisë, ndërsa nuk munguan as sendet e forta që u hodhën në fushë nga momenti që zbritëm të bënim nxemjen para ndeshjes dhe deri në fund, që gjithçka u rëndua. Pamjet e asaj që ndodhi në Beograd i panë të gjithë dhe janë të pakundërshtueshme” deklaroi ai.

Gafa serbe
Ndërkohë që burime nga delegacioni shqiptar në Lozanë shprehen se kapiteni i Serbisë Ivanovic ka ndryshuar dëshminë e tij në lidhje me sigurinë dhe gjyqtarin Aktinson duke favorizuar kështu Shqipërinë. Edhe Sekretari i Federatës Serbe ka mohuar se gjendej në tunelin e dhomave të zhveshjes.


d.b/shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43