TIRANE-Pas disa ditësh i shtruar në spital në terapi intensive, një 65 vjeçar nga Tirana ka humbur jetën, megjithë përpjekjet e mjekëve. 65-vjeçari i konfirmuar me Covid19 vuante edhe nga diabeti dhe policitemia (sëmundje e gjakut). Nga fillimi i epidemisë, 46 qytetarë e kanë humbur betejën me COVID19.
Ndërkohë që në 24 orët e fundit ka pasur sërish rritje të rasteve me koronavirus në vendin tonë. Ndryshe nga një ditë më parë, kur u shënuan 33 raste, në 24 orët e fundit numri i të infektuarve ka shkuar në 52. Ministria e Shëndetësisë tha se pavarësisht shërimeve, ka sërish shtrime të reja në spitalin infektiv ku aktualisht po marrin trajtohen 81 pacientë, 11 prej tyre janë në terapi intensive.
Të infektuarit e 24 orëve të fundit janë kryesisht raste të reja në proces hetimi si dhe kontakte të rasteve të konfirmuara më herët pozitive. Ndërkohë në Fier, një prej të infektuarve është një efektiv i RENEA-s, i cili kishte shkuar në Libofshë për të takuar prindërit.
"Shpërndarja gjeografike e të identifikuarve pozitivë në 24 orët e fundit është si vijon: 22 të prekur në Tiranë, 9 në Vlorë, 7 në Krujë, 5 në Kurbin, 2 në Fier dhe nga 1 rast në Kamëz, Kavajë, Lezhë, Pukë, Rrogozhinë Delvinë dhe Tepelenë", tha ministria e Shëndetësisë.
Në vendin tonë janë aktualisht 807 persona aktivë me COVID19, kryesisht në Tiranë, Shkodër, Durrës. "Nisur nga rastet pozitive ditore kryesisht në ndërmarrjet me shumë punëtorë dhe kontakte në vendet e punës, i bëjmë thirrje edhe një herë bizneseve të respektojnë protokollet e sigurisë, distancimin fizik, dezinfektimin dhe ajrosjen e ambienteve, mbajtjen e maskave kudo ku ofrohet shërbimi për qytetarët", deklaroi ministria.
Sipas ministrisë, me rihapjen e transportit publik mbajtja e maskës do të duhet të jetë e domosdoshme nga të gjitha, ata në shërbim dhe përdoruesit e transportit publik. Gjithashtu duhet të bëjnë dezinfektimin e mjeteve të transportit. "Task forca anti-covid nuk do të tolerojë shkelje të rregullave të sigurisë duke e konsideruar rrezik për shëndetin e qytetarëve", thuhet në njoftimin e ministrisë.
Apeli i ministrisë për qytetarët
Mbani duart të pastra dhe mos e prekni fytyrën
Ruani distancën në ambientet publike.
Kudo kur kjo nuk është e mundur, vendosni maskë apo barrierë mbrojtëse.
Mos u grumbulloni me shume njerëz pasi është rrezik për përhapjen e infektimit nga Covid19.
Kontaktoni nëpërmjet linjës së gjelbër 0800 40 40 me mjekun e familjes, nëse nuk është e domosdoshme evitoni kontaktin me institucionet shëndetësore.
Kur dyshoni se jeni të prekur duhet të qëndroni të izoluar dhe telefononi në numrin e Urgjencës Kombëtare, 127.
Qytetarët e prekur nga Covid19 pa shenja klinike ose me simptoma të lehta, të kontaktojnë online me mjekun e familjes për keshilla përgjatë kohës së karantinimit. Nëse shenjat rëndohen, telefononi 127.
COVID-19 – Statistika (23 Qershor 2020)
Testime totale 24020
Raste pozitive 2047
Raste të shëruara 1195
Raste Aktive 807
Humbje jete 45 (Qarku Tiranë 25, Durrës 9, Fier 4, Vlorë 1, Shkodër 5, Kukës 1)
Shpërndarja gjeografike e rasteve aktive sipas qarqeve:
Tiranë 374
Durrës 152
Shkodër 124
Vlorë 63
Fier 37
Lezhë 20
Korçë 17
Elbasan 10
Kukës 7
Gjirokastër 2
Berat 1
Pas disa ditësh i shtruar në spital në terapi intensive, një 65 vjeçar nga Tirana ka humbur jetën, megjithë përpjekjet e mjekëve. 65-vjeçari i konfirmuar me Covid19 vuante edhe nga diabeti dhe policitemia (sëmundje e gjakut). Nga fillimi i epidemisë, 46 qytetarë e kanë humbur betejën me COVID19. Ministria e Shëndetësisë i shpreh ngushëllime familjes së të ndjerit dhe u bën apel gjithë qytetarëve që të mos e ulin vigjilencën, por të zbatojnë rregullat e vendosura, si e vetmja mënyrë për të mbrojtur veten dhe të afërmit.
Në Fier sot u raportuan dy raste me koronavirus, ku njëri prej tyre është një efektiv i RENEA-s. 28- vjeçari kishte shkuar nga Tirana në Libofshë për të takuar prindërit, por mësohet se ai ishte i infektuar që në Tiranë . Pas marrjes së tamponit në Fier ai rezultoi pozitiv me koronavirus ndërkohë, nuk dihet për prindërit e tij.
Pesë raste me covid-19 janë regjistruar Kurbin në 24 orët e fundit. Ata janë një familje emigrantësh të kthyer nga Anglia dhe një çift të moshuarish. Njëri nga të moshuarit kishte qenë i shtruar në spital në QSUT në Tiranë nga ku mendohet se janë infektuar. Ndërkohë që në Lezhë është regjistruar një rast, që bëhet fjalë për një person kontakti të të infektuarve të mëparshëm.
Sot janë regjistruar 2 raste te reja me covid19 në Elbasan. Rasti i parë lidhet me një grua e cila banon në lagjen "Kongresi Elbasanit", ndërsa i infektuari i dytë është një burrë i ardhur nga jashtë shtetit. Dy rastet nuk kanë lidhje me njëri tjetrin.
Fasoneria e mbyllur në Vlorë
Në Vlorë sot janë regjistruar 9 raste të reja me covid-19, 5 në fasonerinë që u mbyll dje dhe 4 të tjerë nga gjurmimi i të infektuarve më parë.
Sot është shënuar një person pozitiv me COVID në Delvinë. Ky është rasti i parë me COVID në këtë qytet, ndërsa nuk dihet ku është infektuar, vijon hetimi epidemiologjik. Nga ana e strukturave të shëndetit publik po kryhen verifikimet për gjurmimin e kontakteve dhe marrjen e analizave të rrethit të tij familjar dhe shoqëror.
Komente
Lajme të tjera
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Koronavirusi në Kinë, rreth 60 mijë vdekje brenda një muaji
14 Janar 2023, 12:45 -
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Nuk ka më dënime me burg për përhapje të sëmundjeve infektive, Kushtetuesja shfuqizon 2 paragrafë të nenit 89 që u shtuan gjatë pandemisë
17 Dhjetor 2022, 21:15 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00
