POP 5

Lajmet më të lexuara të 5 minutave të fundit

Sociale

Shëndetësia, 41.23 mld lekë 
në 2015-ën 6 % më shumë

Ministri Beqaj u shpreh se 41.23 miliardë lekë është parashikuar të jetë buxheti për shëndetësinë, ku një pjesë e konsiderueshme e tij do të përdoret për fondin e barnave të rimbursueshme me rreth 567 mln lekë shtesë se një vit më parë, për  modernizimin e sistemin parësor si dhe zbatimin e  programit për kontrollet bazë, nga mosha 40 deri në 65 vjeç.
TIRANE- Plot 2.3 miliardë lekë më shumë do të përfitojë sistemi shëndetësor nga shteti, përgjatë 2015. Ministri Ilir Beqaj përpara Komisionit Parlamentar të Shëndetësisë u shpreh se 41.23 miliardë lekë është parashikuar të jetë buxheti për shëndetësinë, ku një pjesë e konsiderueshme e tij do të përdoret për fondin e barnave të rimbursueshme me rreth 567 milionë lekë shtesë se një vit më parë, për  modernizimin e sistemin parësor si dhe zbatimin e  programit për kontrollet bazë, nga mosha 40 deri në 65 vjeç.

"Fondi i barnave të rimbursueshme ka një rritje prej 567 milionë lekë në krahasim me vitin 2014. Gjetjet e zbatimit të  projektit pilot të recetës elektronike në rrethin e Durrësit të realizuara këtë vit janë një bazë e shëndetshme për të filluar zbatimin në të gjithë vendin në vitin 2015-2016. Programi i kujdesit parësor do të financohet me 19.9 miliardë lekë me një shtesë nominale 971 mln lekë. Sistemi spitalor do të  fuqizohet me kapacitetet diagnostikuese.

Eksperienca pozitive e vitit 2014 me furnizimin e vijueshëm me barna, materiale mjekësore do të konsolidohet dhe zgjerohet", tha Ilir Beqaj, ministër i Shëndetësisë. Kreu i Shëndetësisë u shpreh se  për vitin 2015 janë parashikuar të shpenzohen fonde edhe për ngritjen e urgjencës kombëtare, për shtimin e shërbimeve në spitalet e rretheve, si dhe pajisjen me aparatura të sallave kirurgjikale. Kreu i shëndetësisë theksoi se investime të rëndësishme do të bëhen në disa spitale si Durrësi dhe Shkodra. Vitin tjetër 80 milionë lekë do të shkojnë për procesin e dezinfektimit, i nisur përgjatë këtij viti.
  
Buxheti për shëndetësinë
 
Rreth do të jetë buxheti i shëndetësisë për këtë vit, ose sa sa 2.8 për qind e produktit të brendshëm bruto
Shëndetësia do të ketë në dispozicion gjatë vitit 2015 rreth 2.3 miliardë lekë më shumë se një vit më parë.
Buxheti i shëndetësisë për vitin 2015 është parashikuar të rritet me 6% më shumë se në vitin 2014.

Për vitin 2015 është parashikuar rritje e fondit për barnat e rimbursueshme me gati 570 milionë lekë.
Programi i kujdesit parësor do të financohet me 19.9 miliardë lekë me një shtesë nominale 971 mln lekë.


Shkrimi u botua në Shqiptarja.com (print) në 11 Nëntor 2014

Redaksia Online
(d.a/shqiptarja.com)   
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

15 Janar, 20:26