DURRËS- Manipulimi i zgjedhjeve në futboll ka përfunduar me dy persona të vënë në hetim. Report Tv ka mësuar zyrtarisht se janë vënë në hetim kryetari i Shoqatës FK Erzeni, Marius Shahini si edhe anëtari Fundim Dollaku. Shahini dhe Dollaku kanë shpërdoruar detyrën dhe kompetencat, duke përfaqësuar shoqatën e Klubit të Futbollit Erzeni, në mbledhje dhe votime, pa lejen e drejtuesve të bashkisë Shijak në zgjedhjet për shoqatën rajonale të futbollit të Durrës.
"Shpërdoruan detyrën dhe kompetencat, procedohen penalisht kryetari dhe anëtari i shoqatës KF Erzeni. Specialistët për Hetimin e Krimit Ekonomik-Financiar Durrës proceduan penalisht shtetasit M. Sh., me detyrë kryetari i shoqatës së Klubit të Futbollit Erzeni dhe F. D., anëtar i shoqatës së Klubit të Futbollit Erzeni, për veprat penale "Mashtrimi", "Shpërdorimi i kompetencave" dhe "Shpërdorimi i detyrës". Për këta shtetas është bërë kallëzim nga ana e Drejtorisë së Shumë Sporteve në Bashkinë Shijak, se dyshohet që shtetasit M. Sh. dhe F. D., në bashkëpunim me njëri-tjetrin, kanë shpërdoruar detyrën dhe kompetencat, duke përfaqësuar shoqatën e Klubit të Futbollit, në mbledhje dhe votime, pa lejen e drejtuesve të bashkisë Shijak. Materialet i kaluan Prokurorisë së Shkallës së Parë Durrës, për veprime të mëtejshme procedurale", njofton policia.
Si u manipulua votimi?
Marius Shahini dhe Fundim Dollaku përfaqësuan shoqatën Erzeni pa lejen e drejtuesve të Bashkisë Shijak. Dollaku votoi në Asamblenë e Shoqatës së Durrësit në vend të Altion Keçit, i deleguari i Bashkisë Shijak. Report Tv zotëroi dokumentin që faktonte që në emër të bashkisë do votonte i përzgjedhuri Altion Keçi, që është drejtor i klubit shumësportësh të Erzenit dhe i mandatuar nga kryebashkiaku Elton Arbana. Por çështja përfundoi deri në dyert e prokurorisë, pasi Altion Keçi bëri kallëzim në organin e akuzës në Durrës për falsifikim dhe mashtrim ndaj Dollakut që u hoq si drejtor i klubit të Erzenit. Manipulimi nuk ishte i rastësishëm. Fundim Dollaku u zgjodh nga anëtarët e Shoqatës së Durrësit, si një nga 3 delegatët me të drejtë vote që kjo shoqatë ka për zgjedhjet në kreun e FSHF-së. Pra një manipulim që haptazi tregon se është bërë për të siguruar një votë më shumë për presidentin e Federatës Shqiptare të Futbollit, Armando Duka që ashtu si shoqatat, nuk ka një datë të caktuar kur do mbahen.
Kallëzimi Penal i Altion Keçit
Dokumentacioni e siguruara nga Report Tv që vërtetojnë falsifikimin e firmës
Kryetari i Shoqatës FK Erzeni, Marius Shahini, sot i vënë në hetim si person i cili ka shpërdoruar detyrën dhe kompetencat lidhur me manipulimin e zgjedhjeve në futboll, më herët ka mbajtur postin e kreut të Inspektoratit të Mbrojtjes dhe Territorit. Pikërisht kur ka qenë në krye të këtij Inspektorati, ai është arrestuar po për akuzën e “Shpërdorimit të detyrës” pasi së bashku me zyrtarë të tjerë të policisë, favorizuan biznesmenët të ndërtojnë pa leje, falsifikuan dokumentet, nuk raportuan ngjarjet kriminale, dhe më tej akoma, fshehën kallëzimet e bërë nga qytetarë të ndryshëm për abuzimet që po ndodhnin në këto zona me ndërtimet pa leje. Profesioni i tij është dirigjent dhe ka mbaruar Akademinë e Arteve, e ndërsa më herët ka qenë drejtues i Partisë Demokratike të qytetit.
Lajme të tjera
-
Dhuna në U-21 me Partizanin, Erzeni përjashtohet nga sezoni 2023-2024! Pezullohen 7 lojtarë për 10 ndeshja, një tjetër ndëshkohet me 1 vit
18 Prill, 10:05 -
U-21/ Sherri në Erzeni-Partizani, 4 futbollistë në hetim! Burime: Lojtarët lanë spitalin pas mjekimit
17 Prill, 13:38 -
VIDEO/ Grushta dhe dhunë në Shijak, degjeneron dueli i U-21 mes Erzenit dhe Partizanit! Dy futbollistë në spital, 20 në polici
16 Prill, 16:30 -
20 milionë lekë për ekipin fitues, 'Final 4' shpërblehet nga FSHF-ja! Përfiton edhe kampioni i Kupës së Shqipërisë
16 Prill, 15:37 -
Renditja/ Bylis mposht 3-2 Korabin dhe rikthehet në Superligë, fitojnë edhe Luzi me Tomorin
13 Prill, 17:18 -
Disiplina 30 vendime në një ditë, dënohet 40 përqind e Superligës! Dhunë dhe kërcënime te moshat
13 Prill, 09:56 -
Çmime si në ndeshjet e Kombëtares, FSHF nxjerr në shitje biletat e 'Final 4' më shumë se një muaj para! Biznes me Superligën
11 Prill, 20:51 -
Skema 'Final 4' në Superligë, FSHF përcakton datat për gjysmëfinalet dhe finalet
11 Prill, 15:26 -
Në dy ditë dhe orare të ndryshme, agjenda e Superligës! Spikat Egnatia - Partizani
10 Prill, 16:13 -
Euro 25/ Kombëtarja e vajzave fiton 2-0 kundër Estonisë, siguron tri pikët e para
9 Prill, 22:11 -
Euro U-19/ Shqipëria e vajzave mundet nga Skocia
9 Prill, 18:27 -
FOTO/ Talenti nga Saranda bëhet pjesë e Akademisë së Manchester Cityt
6 Prill, 20:30
