Shqipëria drejt Euro 2024, trajneri Sylvinho: Lojtarët çelësi i suksesit! Kemi dhe 3 finale! Asani: Shqiptarët e meritojnë Europianin!

Pas fitores së mbrëmshme ndaj Polonisë në stadiumin “Air Albania” kuqezinjtë kryesojnë grupin.  

Mbi 22 mijë tifozë mbështetën kombëtaren dje.

Ishin 22 mijë tifozë që na mbështetën dhe krijuan atmosferë fantastike. Është e drejtë që fitoren tia dedikosh atyre.  Ishte një ndeshje shumë e vështirë me një skuadër si Polonia shumë të fortë edhe pse nuk po kalon një moment të mirë, por keni parasysh cilësitë e kësaj skuadre dhe një trajner me eksperiencë" tha Sylvinho në konferencën për gazetarët pas ndeshjes.

LEXO EDHE:
Speciale/ 2024 foli edhe shqip në Gjermani, Evropiani që shënoi historinë e kombëtares

Pas ndeshjes trajneri i kombëtares bën dhe analizën e 90 minutave

"Bëmë një paraqitje shumë të mirë. Vuajtëm 20 – 25 minutash, por arritëm të dilnim nga situate dhe të krijonim epërsi me lojtarë si Asani, Bajrami, apo dhe Uzuni të cilët vunë në vështirësi dhe më pas erdhi dhe goli fantastik i Asanit që ishte shumë e bukur dhe ndryshoi tërësisht rrjedhën e ndeshjesh."

Sot, pas gotës së verës dhe gëzimit të fitores tashmë nisin llogaritë. Fitorja e mbrëmshme ndaj Polonisë në stadiumin “Air Albania” renditi kuqezinjtë të parët. Në tre ndeshjet e mbetura, tashmë jemi ndër favoritët për të siguruar një nga dy vendet e para që të çojnë në Gjermani 2024.
Ka një sërë kombinimesh rezultatesh që të çojnë drejt këtij objektivi, por ka që tani një “kuotë minimale” që ta garanton praninë në turne. Matematikisht, nëse Shqipëria siguron 5 pikë në tre ndeshjet e mbetura në grupin e saj, do të ketë të sigurt biletën për turne në Gjermani, pasi do të bëhej një nga dy skuadrat e para në grup.

 

Sa përqind të rrugës kemi bërë për në Euro 2024?

Sylvinho pranon se kemi bërë 50 % të rrugës por kërkon gjithmonë të jemi me këmbë në tokë pasi para na presin dhe 3 ndeshje të vështira.

"Mund të them se kemi bërë 50% të rrugës. Përpara kemi 3 finale. Kemi bërë shumë hapa të mëdha. Kemi arritur të marrim 10 pikë nga 5 ndeshje. Patjetër që pas kësaj fitoreje jemi edhe më afër objektivit. Sigurisht rruga është e gjatë dhe na presin 3 ndeshje të vështira përpara. Sot ishte një hap i mirë që bëri skuadra por ende nuk kemi arritur në fund të rrugës. Është e rëndësishme që në nëntor ne të jemi në kushtet që të jemi në garë për tu kualifikuar' tha Sylvinho.

A duhet shqiptarët të rezervojnë biletat për në Gjermani që tani?

Sylvihno: Do të doja të arsyetoja kështu por nuk jam dakord. Përpara kemi 3 ndeshje të vështira dhe kundërshtarë të fortë. Patjetër që sot (mbrëmë) kemi dhënë një shenjë të fortë për objektivin tonë por të presim nëntorin që të nisim të bëjmë llogaritë për finalet e Europianit. Mbani mend Botërorin e fundit, Argjentina që ishte kampione e botës në ndeshjen e parë e humbi, ky është futbolli dhe mund të ndodhë gjithçka në 90 minuta.

Jasin Asani i cili shënoi dhe supergolin duke e kaluar Shqipërinë në avantazh në pjesën e parë të ndeshjes thotë se përgatitjet duhet të vijojnë pasi

“Na presin tre ndeshje para. Shqiptarët e meritojnë Euro 2024"

Renditja e grupit

S.G/Shqiptarja.com

TAG:
• euro 2024