POP 5

Lajmet më të lexuara të 5 minutave të fundit

Politikë

Shqipëria hap negociatat për grup-kapitullin e parë, Rama mesazh opozitës: Do t’ua ndriçojë fillin e arsyes atyre që ngritën akuza kundër Komisionit Antikorrupsion

Kryeministri Edi Rama ka reaguar sërish për hapjen e negociatave për grup-kapitullin e parë. Në një postim në Facebook, Rama e ka një mesazh edhe për kritikët e komisionit të Posaçëm ‘Antikorrupsion’.

Shqipëria hap negociatat për grup-kapitullin e parë, Rama mesazh opozitës: Do t’ua ndriçojë fillin e arsyes atyre që ngritën akuza kundër Komisionit Antikorrupsion

Rama dhe ekipi përfaqësues i Shqipërisë

Në përfundim të ditës së suksesshme në Luksemburg, kryeministri Rama ka postuar një foto me ekipin negociues shqiptar.

Rama shpjegon detyrat që ka lënë BE-ja pikërisht për këtë grup kapitujsh duke vënë theksin në fushën e mirëqeverisjes, sundimit të ligjit dhe antikorrupsionit.

Kështu shefi i qeverisë ju dërgon një mesazh të gjithë atyre që kanë dyshime për qëllimet e komisionit të Fatmir Xhafajt, duke thënë se do të jetë pikërisht ky komision që do të përmbushë detyrat e lëna nga Unioni.

“Një moment historik kurorëzimi i përpjekjeve të mëdha të deritanishme në fushën e mirëqeverisjes, sundimit të ligjit dhe antikorrupsionit*

Shqipëria hapi zyrtarisht negociatat për Grup-Kapitujt, “Themeloret”:

-Funksionimi i institucioneve demokratike

-Reforma në administratën publike

-Gjyqësori dhe të drejtat themelore

-Drejtësia, liria dhe siguria

-Kriteret ekonomike

-Prokurim publik

-Statistikat

-Kontrolli financiar

*mbase përmbajtja e këtij Grupi-Kapitujsh dhe volumi i detyrave për t’u kryer, do t’ua ndriçojë fillin e arsyes edhe të gjithë atyre që ngritën akuza të paarsyeshme kundër Komisionit të Posaçëm Parlamentar për Mirëqeverisjen, Sundimin e Ligjit dhe Antikorrupsionin", shkruan Rama. 

Shqipëria çeli më 15 tetor 2024 negociatat për grup-kapitullin e parë me Bashkimin Evropian. Konferenca e dytë ndërqeveritare u mbajt në Luksemburg, ku vetë përfaqësuesit e Brukselit bënë thirrje për përshpejtim të procesit. Nga ana tjetër kryeministri Edi Rama e konsideroi në ditë historike, por pa kursyer edhe këtë kritikat ndaj BE-së për zvarritjen e procesit.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Linda: 15/10/2024 17:40

    Shume urime per Shqiperin dhe shqiptaret per hapjen e negociatave nje enderr me ne fund u be realitet!Faleminderit kryeministrit zotit Edi Rama dhe gjithe atyre qe punuan me kembengulje dhe durim, te gjithe shqiptaret bashk kudo ku jemi te kemi nje rrugetim te bukur ne Evrop!

    Përgjigju
    • Lin: 15/10/2024 21:04

      Me ket shtet ku ligjin e bejn kriminelat dhe shqiptaret i largojne per ta populluar me emigrantw kurr mos u futcim ne be

  • Sondazhi i ditës:

    Shqipëria çel negociatat për kapitullin e parë, integrohemi brenda 2030?

Lajme të tjera



×

Lajmi i fundit

U vetëvra me armën e shërbimit, Sheila Haxhiraj reagon pas vdekjes së të vëllait: O dielli im, më mungon që tani

U vetëvra me armën e shërbimit, Sheila Haxhiraj reagon pas vdekjes së të vëllait: O dielli im, më mungon që tani

15 Tetor, 23:21