Shqipëria rekord infektimesh! Report Tv e paralajmëroi! Shëndetësia injoroi zbatimin e protokollit gjatë rihapjes...vetëm 4 masa

E gjithë Shqipëria i është kthyer normalitetit, pa asnjë masë mbrojtëse ndaj pandemisë COVID-19, edhe pse shifrat e të infektuarve arrijnë në numra që vendi ynë nuk i kapi as në kulmin e pandemisë. Veç kujdesit personal të çdo qytetari, përgjegjësia bie mbi shpatullat e autoriteteve që nuk kanë ushtruar kontrollin e duhur për zbatimin e protokolleve të veçanta për të gjitha njësitë që u hapën kur Shqipëria njohu stabilizim të pandemisë.

Askush nuk të nxjerr jashtë njësive tregtare nëse nuk je me maskë, ashtu sikundër askush nuk kujdeset për të ruajtur distancimin sociale. Autoritetet shëndetësore e kanë ndalur fushatën sensibilizuese, ndërkohë që prej kohësh nuk po flitet më për dezinfektim.

Sot u shënua dita me numrin më të lartë të të prekurve me COVID brenda 24 orëve, si asnjëherë më parë, as në pikun e pandemisë, 42 raste në 8 qytete, një pjesë të rikthyera në hartën e infeksioneve. Por përse ndodhi kjo? Sigurisht që është rrjedhojë e rihapjes graduale nga 18 maji kur rinisën punën lokalet dhe restorantet, por edhe shumë aktivitete të tjera më pas.

LEXO EDHE:
Regjistrohet rasti i parë i variantit të koronavirusit ‘Pirola’ në Ukrainë

Por atë që po ndodh sot, pra rritjen e numrit të rasteve, Report Tv e paralajmëroi pak ditë më parë, në 3 qershor, ku bëri një vëzhgim në kryeqytet, ku vigjilenca ishte shumë shumë e ulët. Kur kishte vetëm 2 javë që ishin rihapur lokalet, masat anti-COVID nuk zbatoheshin. 

Në një tavolinë qëndronin më shumë se dy persona dhe distanca e sigurisë nga një tavolinë në tjetrën, nuk arrinte në 2 metra. Edhe vetë personeli shërbyes, nuk ishte i pajisur me doreza, ashtu siç protokolli e kërkon për t’i shërbyer klientëve e ndërsa maskat herë ishin të vendosura saktë e herë të ulura. Një tjetër element që nuk zbatohej ishte matja e temperaturës, por edhe vetë qytetarët nuk i shqetësonte ky fakt duke vijuar normalisht bisedat.

Por ajo që e bënte më dramatike këtë që po ndodhte ishte konfirmimi që i bënte vetë Ministria e Shëndetësisë. Prej datës 18 maj kur u rihapën lokalet dhe restorantet deri në 9 qershor, Inspektorati Shëndetësor Shtetëror ka bërë 6938 inspektime dhe monitorime dhe kane vendosur 4 masa administrative, 2 masa gjobë dhe 2 masa pezullim aktiviteti në bare, kafene, restorante, piceri dhe fast food.

Ndërkohë nga dita në ditë që kalonte maskat nuk kërkohen në pjesën dërrmuese të bizneseve. Ky fakt, distancimi dhe fushatat e munguara të sensibilizimit sollën këtë rekord infektimesh, që ministrja e Shëndetësisë deklaroi se e priste, por nuk mori masa të forta të respektimi i masave për ta parandaluar.

TAG:
• lokale
• Koronavirus
• koronavirusi ne shqiperi

Sondazhi i ditës:

Si ka qenë për ju viti 2024?

• I mirë

  44.2%

• I keq

  22.7%

• As i mirë as i keq

  33.1%

Vota total: 1503

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq