Në rubrikën “Bima dhe Shëndeti” në emisionin “Rreze Dielli” me specialistin e bimëve mjekësore Ylli Merja flasim për nervin shiatik, çfarë është, si shkaktohet dhimbja dhe cilat janë kurat natyrale më efektive.
“Nervi shiatik është nervi më i gjatë dhe më i madh në trup, ai është aq i trashë sa një prej gishtërinjve tanë kur arrin në pjesën e shpinës. Ai pastaj kalon nga pjesa e prapme drejt ijeve dhe poshtë tek këmba nga ku ndahet në gju në dy degë. Çdo këmbë ka nervin e tij shiatik. Dhimbja e nervit shiatik mund të ndihet thellë në pjesën e prapme, me dhimbje që shkon drejt shpinës dhe poshtë për në këmbë, nganjëherë edhe në shputën e këmbës. Dhimbja mund të jetë e shoqëruar me ndjesi shpimi gjilpërash, “gjemba” apo mpirje. Gjithashtu kemi dobësi të muskujve të këmbës, dhimbje shpuese vetëm e njërës këmbë ose shpinës në njërin krah, dhimbje të forta në njërin krah të çapokut, te muskuli piriformis, ose ndezje. Dhimbjet shtohen gjatë tështitjes, gjatë kollës apo në tualet” shprehet Merja, duke theksuar se funksioni i nervit shiatik është që të japë ndjeshmërinë dhe komandat e lëvizjes së këmbëve, pra ana motorike e njeriut.
Po cilët janë shkaktarët për problemet me nervin shiatik? Sipas specialistit Ylli Merja, një nga shkaktarët kryesor është spondiliatroza, gjithashtu pjesa e fortë e kërcit të indit vertebral nga sforcimi mund të shformohet, kriprat që rrjedhin nga ky kërc i plasaritur irritojnë nervin shiatik, ngushtimi i kanalit spinal, shtrembërimi i shtyllës kurrizore, qëndrimi gjatë në këmbë ose karrige, puna me makineritë e rënda, obeziteti shtrembëron shpinën, shtatzania, dobësimi i kërcit te fashetat vertebrale, sindroma Piriformis, muskuli që lidh sakrumin dhe koksofemoralin mund të inflamohet. Një tjetër shkaktar, thekson Merja, është dhe mënyra e gabuar e ngritjes së peshave. Ngritja me gjunjë e përgjysmon peshën, ajo me shpinë e katërfishon peshën.
“Me pak durim, me disa ushtrime të lehta dhe me disa kremra dhe çajra, mund të them se nervi shiatik rikthehet në gjendje optimale për rreth dy javë” thekson Merja, i cili tregon hap pas hapi trajtimin alternativ për nervin shiatik.
- - Trajtimi me kompresa të ftohta bën që nervi dhe inflamacioni të tkurren (aty trupi prodhon nga e ftohta Aliinën dhe Alicinën)
- - Lyerja me Anticelulitin bimor dhe pasi thahet vendosim vajin Reumer ose kremin Reumer
- - Në mungesë të anticelulitit vendosim ekstrakt rakie ose vaj ulliri me spec djegës - Vendosim në zonën që dhemb një maskë me sinap të zi të shtypur dhe vaj ulliri
- - Në zonën që dhemb vendosin vajin Reumer dhe mbi to feta patate të freskëta të pluhurosura me pak kripë
- - Shtriqja e trupit 2.3 herë në ditë nga 20-30 minuta
- - Çaji reumer dhe harmonia 2-3 gota në ditë. Vaji harmonia pihet 3-4 pika në ditë pas buke
- - Ushtrimet fizike forcojnë muskujt, këto bëjnë që pesha të mos bjerë e tëra mbi diskun vertebral
- - Konsumohet një çaj me lëvore shelgu, gjethe urthi, gjethe hithre, këputje, lule bliri nga një dorë dhe një lugë gjelle lule shtogu. Zieni 2 minuta në dy litra ujë dhe pini 3×1 gotë çaji në ditë para buke.
Gjithashtu llixhat janë të rekomandueshme për personat që vuajnë nga dhimbjet e nervit shiatik apo hernies diskale duke qenë se të gjitha nervat lirohen dhe çtensionohen.
Lajme të tjera
-
Ju futen thonjtë në mish? Ylli Merja tregon kurën natyrale që ju shpëton në pak ditë
23 Dhjetor, 15:58 -
Altin Joka: Kujdes, zbokthi është problem i brendshëm shëndetësor / Ja si mund të luftohet
18 Dhjetor, 15:57 -
Keni dhimbje të gjurit? Ja kura natyrale që do jua largojë dhimbjet përgjithmonë
16 Dhjetor, 17:24 -
‘Kujdes në dashuri’ Jorgo Pulla paralajmëron shenjat…/ Horoskopi i javës, parashikimi për çdo shenjë
16 Dhjetor, 15:45 -
Altin Joka: Ja ‘magjia’ e përdorimit të kripës si terapi dhe cila sëmundje mund të kurojë
12 Dhjetor, 14:52 -
Probleme me fryrjen e barkut dhe jashtëqitjen? Mund të vuash nga sindroma e zorrës së irrituar/ Ja ç’duhet të bëni
11 Dhjetor, 10:37 -
1 thelpi hudhër në ditë haje në këtë mënyrë… Hudhra mund të ndryshojë jetën nga Altin Joka
4 Dhjetor, 16:35 -
Laringiti te fëmijët, simptomat që nuk duhet t’i neglizhoni / Ylli Merja: Ja si ta trajtoni në mënyrë natyrale
2 Dhjetor, 15:39 -
Kujdes! Çdo vendim i kësaj jave ndikim deri në Mars 2025 / Horoskopi javor 2-8 dhjetor nga astrologu Jorgo Pulla
2 Dhjetor, 12:30 -
Dëllinja 'ilaç' për shpirtin dhe shëndetin / Ylli Merja: Ja si ta përdorni mrekullinë kurative të natyrës
25 Nëntor, 16:19 -
Ja ç’do ndodhë në Dhjetor! Lëvizje të forta planetare, Jorgo Pulla paralajmëron shenjat…/ Horoskopi për muajin Dhjetor
25 Nëntor, 15:54 -
Lakra ‘bomba’ që vret sëmundjet, Altin Joka: Magjia e lakrës nëse e përdorim rregullisht/ Disa kombinime për kura specifike
20 Nëntor, 17:00
