Ish-gjyqtari i Kushtetueses, Fatos Lulo, u shkarkua nga Vettingu pasi nuk justifikoi pasurinë e tij prej 480 mijë dollarë dhe një shtëpinë në Kanada. KPK vendosi në 23 mars të largojë Lulon nga sistemi i drejtësisë me argumentin se të ardhurat e tij të ligjshme nga puna si gjyqtar nuk mbulojnë pasuritë e vëna.
Një muaj më pas KPK ka zbardhur vendimin e tre komisionerëve Genta Tafa, Brunilda Bekteshi dhe Etleda Çiftja, ku argumentohen arsyet pse Fatos Lulo përjashtohet nga sistemi i drejtësisë. Në vendimin prej 23 faqe, KPK thekson se "në përfundim të procesit të rivlerësimit për Lulon, vetëm për kriterin e vlerësimit të pasurisë, referuar analizës për pasuritë dhe të ardhurat, konkludon që gjyqtarit t'i jepet masë disiplinore e shkarkimit nga detyra".
PDF/ (Kliko) për vendimin e plotë
Avokati i Fatos Lulos ka paralajmëruar ankimimin e vendimit të Komisionit të Pavarur të Kualifikimit.
Pas Lulos, Vettingu shkarkoi edhe gjyqtarin e Gjykatës së Apelit në Durrës, Besim Trezhnjeva, i cili nuk justifikoi pasurinë e tij prej 20 milionë lekësh dhe apartamente e troje në Tiranë dhe Durrës.
Sipas komisionit të Vettingut, vlerësimi për këtë gjyqtar ishte mjaftuar vetëm me pasurinë, ku nga verifikimet rezultoi se ai nuk justifikonte pasurinë në vlerën e 20 milionë lekëve. Gjithashtu, nga sistemi është larguar edhe prokurorja e Shkodrës, Besa Nikhasani, për pasuri të pajustifikuar.
![](https://shqiptarja.com/template/img/NO_ALFA_Kuadrate shqiptarja.png)
Komente
![](https://www.shqiptarja.com/template/img/sh_logo1.png)
Sa gjynah i shkreti ,aq shum ka punuar sa nuk e di sa ka. Jo vetem te shkarkohen por ei ndjekje penale.Njerezit po punojn 40-50 vjet e skan me pir nje kafe per qejf.kurse keta u pasuruan me 10-15 vjet.
Përgjigju