POP 5

Lajmet më të lexuara të 5 minutave të fundit

Sociale

Sot 79 vjet nga çlirimi i Tiranës nga pushtuesit nazistë! Veliaj: Nderojmë heronjtë që luftuan për lirinë e qytetit

Dita e sotme shënon 79-vjetorin e çlirimit të Tiranës nga pushtuesit nazistë, gjatë luftës së dytë botërore. Festimet janë shtrirë në disa shkolla dhe ambiente publike në kryeqytet, por nuk kanë munguar dhe nostalgjikët e diktaturës komuniste të cilët festuan me fotografi të diktatorit Enver Hoxha.

79 vite më parë Tirana u çlirua nga pushtuesit nazifashistë dhe sot u vesh me flamurin kuqezi.

Kryeministri Edi Rama ndau në rrjetet sociale foto nga disa prej shkollave të kryeqytetit.

“79-vjetori i çlirimit të Tiranës. Foto nga shkollat e kryeqytetit sot”, shkruan Rama.

Çlirimi i Tiranës është një moment historik dhe konsiderohet si një nga operacionet më të rëndësishme dhe të suksesshme që kanë zhvilluar njësitë e UNÇSH kundër forcave gjermane e bashkëpunëtorëve të tyre për çlirimin e qyteteve të Shqipërisë.

“Nderojmë dhe respektojmë heronjtë që luftuan për lirinë e qytetit! Sot, jemi krenarë për Tiranën tonë - më e bashkuar dhe më e bukur se kurrë më pare”, thotë kryetari i Bashkisë Erjon Veliaj

Çlirimi i kryeqytetit iu ngarkua Korporatës së I Sulmuese, përmes një plani operativo-strategjik të Komandës së Përgjithshme që parashikonte krijimin e frontit të brendshëm dhe të jashtëm me qëllim mbylljen dhe goditjen e garnizonit gjerman brenda Tiranës. Homazhe për këtë ditë bënë dhe këshilltarët e PL.

“Sot nderojmë sakrificën e të rinjve dhe të rejave, grave dhe burrave që dhanë jetën për çlirimin e Tiranës. Lufta për çlirimin e Tiranës ka qenë një nga betejat heroike të zhvilluara nga populli ynë që pa mbështetjen e jashtëzakonshme të popullit të Tiranës, nuk do të kishte sukses. Fatkeqësisht, sot Tirana përballet me një pushtues të dytë, Tirana sot përballet nga një pushtues i cili, ka pushtuar Tiranën, ky është kryetari i Bashkisë së Tiranës me betonizimin e Tiranës, me mbeturinat e Tiranës, me korrupsionin që po zhvillon çdo ditë në Bashkinë e Tiranës. Por ajo çka është më shkatërruese për këtë qytet ka të bëjë me shkatërrimin e ekonomisë familjare të çdo qytetari të Tiranës. Sot, të rinjtë dhe të rejat e Tiranës nuk kanë asnjë mundësi për të zhvilluar jetën e tyre në këtë kryeqytet, i cili mbytet çdo ditë nga propaganda e Erion Velisë. Ndaj, sot qytetarët e Tiranë kanë nevojë për të bërë një sakrificë të dytë për t’u bërë të gjithë bashkë  me qëllim që Bashkia e Tiranës, t’i kthehet transparencës, t’i kthehet llogaridhënies dhe t’i kthehet shërbimit ndaj qytetarëve”, tha Brahimllari.

Operacioni i mësymjes për çlirimin e Tiranës përfundoi me fitore, pas 19 ditë luftimesh të ashpra brenda në qytet, si dhe gjatë rrugëve të komunikacionit që çonin drejt tij. Më 17 nëntor Tirana u çlirua. Rol të veçantë për suksesin e operacionit luajti beteja e Mushqetasë. Kjo është edhe një dittë e veçantë edhe për ithtarët e ish diktatorit Enver Hoxha megjithëse tashmë të mbetur pak në numër.  Në sheshin “Ushtari i panjohur’ ata u shfaqën me pankarta me figurën e Hoxhës apo dhe simbole të tjera të komunizmit.

 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

'Dorëzoni armët, ose do groposeni me to', Erdogan paralajmëron rebelët kurdë në Siri

'Dorëzoni armët, ose do groposeni me to', Erdogan paralajmëron rebelët kurdë në Siri

25 Dhjetor, 15:50