Sot Dortmund - PSG në Champions League, Terzic i trembet francezëve: Ata janë favoritët për trofeun

Dortmund dhe PSG luajnë sot në orën 21:00 për gjysmëfinalen e parë mes tyre në Ligën e Kampioneve. Dueli i "Iduna Park" është kyç, të paktën për vendasit që luajnë përballë tifozëve të tyre dhe kërkojnë një rezultat pozitiv.

Përpara ndeshjes, për mediet trajneri i Dortmund Edin Terzic ka treguar frikën që ka kundër PSG-së.

"Projekti në Paris filloi me qëllimin për të fituar Ligën e Kampionëve. Ky ka qenë objektivi i tyre kryesor për një dekadë. Ata kanë cilësi të pabesueshme. Nëse duam të fokusohemi në një gjë, atëherë duhet të fokusohemi te topi. Në fazën e grupeve, pamë një lojë shumë të ndryshme kundër Parisit dhe e tillë pritet të jetë edhe kjo e radhës", tha Terzic.

LEXO EDHE:
Finalja e Champions League, tifozët e Dortmund duan 400 mijë bileta

Dy skuadrat vendosen sërish përballë tyre, pasi këtë sezon në Champions ishin pjesë e një grupi, atij F, me Dortmund që e mbylli në vendin e parë me 11 pikë, tre më shumë se PSG që doli nga grupi pasi kishte golavarazh më të mirë se Milani.

Në duelet mes tyre në grup, një duel u fitua nga PSG 2-0 dhe ai i Gjermanisë u nda në barazimin 1-1. PSG nuk ka fituar asnjëherë në "Iduna Park".

Formacionet e mundshme

S.DH/Shqiptarja.com

TAG:
• champions league
• psg
• dortmund
• Edin Terzic