Është ora 6 e mëngjesit. Në mini-fermën e tij dëgjohet hingëllima e kuajve. Ky është Shkëlzen Brahaj, dikur ish-oficer i Reneas, sot rutina e tij ka ndryshuar plotësisht.
Hamshorët arabë e presin me padurim pronarin e tyre. Këtë herë mban në duar dy qese të mëdha me karota dhe panxhar. Ua jep si formë shpërblimi sa herë kërkon t’i motivojë në stërvitjen e përditshme.
“Unë vij nga një jetë e gjatë prej 22 vitesh karrierë ushtarake, më saktë të forcave speciale. Jam tip në kërkim të aventurës dhe më pëlqen adrenalina.
Kali është kafshë që të jep goxha adrenalinë, i përshtatet profilit tim. Është shumë besnik, shok i mirë, një bashkudhëtar i imi që e kam hasur që në fëmijëri, por që vazhdoj ta kem dhe shpresoj ta kem gjatë gjithë jetës time.
E ushtroj këtë punë me kohë të plotë. Nuk më lejohet as të sëmurem, nuk kam mundësinë as luksin e festave për shkak të kuajve. Jam i privuar nga këto gjëra sepse duhet t’i kesh gjithë kohës nën kontroll”, tregon Shkëlzeni për emisionin “Një nga ne”.
Hamshorët arabë nuk do i ndërronte me asnjë racë tjetër për shkak të karakteristikave të tyre unike.
“Quhen ndryshe si kuaj gjaknxehtë, janë me temperament shumë të lartë, shquhen për rezistencën e tyre. Garën e tyre e kanë deri në 60 km/h, i kanë rezistuar kohës, shkretëtirës, nxehtësisë. Kush i ka pasur ka dalë shumë i kënaqur me ta dhe unë nuk do i ndërroja me asnjë lloj race tjetër”.- tha ai.
Megjithatë kuajt nuk kërkojnë vetëm kohë, por edhe kosto.
“Fillimisht bëra blerjen e një kali që e kisha parë shumë herë dhe më pëlqente jashtëzakonisht shumë dhe e mbajta me vështirësi në zona të ndryshme. 250 euro në muaj, një kalë i do ushqim. Është goxha kosto, kështu që ata që kanë ndarë mendjen që të blejnë një kalë, duhet ta mendojnë mirë këtë gjë”.- u shpreh ai.
“Kam dhe një këshillë për ata që duan këtë kafshë: të ndjekin pasionin e tyre, të hiqen si të vegjël, por të bëjnë gjëra të mëdha. Mos t’iu vijë turp nga asgjë sepse kam gjetur vetveten këtu, me këtë ushqej familjen, me këtë ndihem mirë, kjo është një punë fisnike për mua dhe e ndershme”, shprehet ndër të tjera Shkëlzeni.
Lajme të tjera
-
Të mendosh si kampione! Historia e Eglantina Shabanajt në 'Një nga ne': Kam fituar 15 gara shahu, ky pasion do vdesë me mua
17 Korrik, 20:27
-
Njihuni me bujkun nga Ndroqi që nuk i braktisi tokat! Sinan Lika flet në ‘Një nga Ne’: Po punove arrin diçka
12 Qershor, 20:39
-
Klientela Vip dhe pasioni i fshehtë i Bujarit, rrobaqepësi nga Kuçova rrëfen të pathënat në 'Një nga ne': Zanati im është art
5 Qershor, 22:37
-
Risqet dhe përfitimet e bujqësisë, Rrapi Arapi realizon ëndrrën në Lushnjë: Prodhoj tapete bari, pa djalin nuk do ia dilja
22 Maj, 22:13
-
4 breza me pasion parukerinë! Fatmira Pinari rrëfehet në ‘Një nga ne’: Çdo lekë e nxjerr me krahët e mi
15 Maj, 20:56
-
Po bëhet viral me qepët e tij, “Një nga ne” sjell ditën e fermerit që synon Guiness-in: Do bëj varg 110 metra, kërkoj ndihmë nga shteti
9 Maj, 07:10
-
Dita e një instruktoreje yoge në 'Një nga ne'/ Erida Haxhiaj: Ja si të shëroni dhimbjet e trupit në trapez dhe rreth
1 Maj, 20:22
-
Kaos në rrugët e Londrës nga kuajt e regjimentit mbretëror! U ikën kalorësve nga duart, 5 kuajt plagosin 4 persona
24 Prill, 16:23 -
Punët e fshatit Trashovicë! ‘Një nga ne’ sjell historinë e Gëzimit, fermeri i palodhur që mban shpresat tek bujqësia: Ja sa do e shes grurin
17 Prill, 20:00
-
Një frymë e re për arsimin dhe artin, njihuni me pedagogun që guxon! Edis Kadija rrëfehet në ‘Një nga ne’
10 Prill, 20:19
-
La emigrimin për të kultivuar shalqi, ‘Një nga Ne’ sjell historinë e fermerit fierak: Leku i madh këtu, por varemi nga tregtarët
3 Prill, 20:20
-
Pastron Ersekën prej 10 vitesh, Lorenci rrëfen paragjykimet në 'Një nge Ne!' Sot në ora 20:00 në Report Tv
27 Mars, 17:07
